|
رد: بعد اللادا ممكن نركب أيه....؟
اقتباس:
زى ما قلت لحضرتك ... الفكر الكورى .. مختلف عن الفكر الروسى عن الفكر الصينى ... و سوف تجد حاجات مختلفة تماما عن اللادا ... بعضها كويس .. و بعضها مش كويس ... انا كان عندى نفس الاحساس ... لغاية لما لقيت الناس بتتعامل عادى مع المواتير الحديثة و فك و تركيب عادى جدا... نظام الحقن مريح جدا عن الكربراتير ... الباور ستيرنج حيخليك تعرف اد ايه انت كنت غلطان فى حق نفسك فى ركوبك لللادا .. الجر الامامى .. تسارع حتحس بيه عن اللادا ... التكييف .. حتحس بيه فى يوم حر فى الزحمة .. انت فى عربيتك و قافل الزجاج و مش حاسس بالمواطنيين الى فى الحر النصيحة التانية من اخ .... لما تغير ... غير لحاجة فيها مميزات تحسسك بالفرق ... الماروتى .. اخف من اللادا .. و دى كل مميزاتها .. صغر الحجم ... ضعف السحب ... مفيش تكييف معلومة صغيرة ... اللانوس .. موتورها مش كويس .. اخويا باع عربيته من اسبوعين علشان الموتور اتشرخ فى البلوك !!!!! و ده طبعا بعد طقم الشنبر باكتر من 3 شهور .. و بعد العمرة بسنة .. العربية عاملة 250 الف كم |
رد: بعد اللادا ممكن نركب أيه....؟
اقتباس:
بس ده ميمنعش انى اختلف معاك تانى :) التى 55 لم تكن مفاجئة لاسرائيل ... لأنها عارفاها كويس و عندها دبابات سليمة من ايام 67 ... و هى بالفعل صغيرة الحج و خفيفة الحركة ... و ده ييجى على حساب التدريع الامامى .. و كان تقريبا 3,5 بوصة .. فى مقابل 5 بوصة لدبابات السنتريون و 5 بوصة فى التى 62 زوايا اطلاق المدفع كبيرة فى السنتريون ... و صغيرة فى التى 55 و كبيرة فى التى 62 مدى المدفع تقريبا 2 ميل فى السنتريون و اكتر من 2 ميل للتى 62 و اقل من 2 ميل للتى 55 اجهزة التصويب .. متقدمة فى السنتريون اكتر من التى 55 و من التى 62 وقت التلقيم للطلقات ... اقلهم السنتريون ... و اكثرهم التى 55 المحرك ... اقواهم السنتريون .. و اقلهم التى 55 انا شاكر لحضرتك المناقشة للمرة الثانية :) تقبل مرورى |
رد: بعد اللادا ممكن نركب أيه....؟
السلام عليكم مين قال ان موتور اللانوس مش حلو انا كان معايا لانوس لمدة 4 سنين فحت وردم على رأي المثل وزيتده عن غيار الزيت والفلاتر ماكنت بعمل شيئ وكنت في اوقات كتيره افولها بنزين 80 كمان والله المستعان |
رد: بعد اللادا ممكن نركب أيه....؟
أنا كان لى تجربتان من 20 سنه مع سيارتين لادا واحده لادا 1600 والأخرى لادا 2105 وطبعاً ذقت الأمرين فى كلا السيارتين حتى ركبت فى مرة سيارة من السيارات الحديثه وعندها قررت الإقدام على التغيير وكانت أولى هذه السيارات سيارة لانوس موديل 2002 وشعرت بمدى العناء اللى كنت فيه مع اللادا ، طبعاً اللانوس فيها باور وتكييف وإنجكشن وشويه رفاهية بسيطه بس كانت رائعة ، فأنا معاك فى التغيير وسيب اللادا دى وكفاية كده وربنا إن شاء الله يرزقك بعربيه أحسن |
رد: بعد اللادا ممكن نركب أيه....؟
والله يا باشمهندس ده الى حصل مع عربية اخى ....و انا عارف ان رجله تقيلة على العربية .... يعنى بيحب يجرى بيها .. و كان بيداوم على غيار الزيت و الصيانة .. الموضوع بدأ بصوت ترزيع فى الموتور ... فتم الكشف على الموتور و عمل عمرة و خراطة الشمايز و الكرنك 0/40 و كله تمام ... وبعدها بفترة ... صوت الترزيع رجع تانى ... وديتها لعم حمدى ... و غيرنا طقم الشنبر و البساتم و غيرنا الكرنك بواحد استيراد و خرطناه على 0/20 على ما اذكر ... و غيرنا الشواكيش ... و لينا الموتور و كله تمام .. و بعدها بفترة .. اخويا اتصل بيا و قالى ان العربية وقفت منه و ان باوك الموتور اتشرخ !!!!! .. فى الغالب هو كان بيجرى كعادته
فانا كنت اعتقد ان دى حالة فردية نتيجة ان رجله تقيلة على البنزين .. و سألت عم حمدى فقالى ان موتور اللانوس مش بتاع قرص ... ده ببساطة ما حدث لللانوس ربنا يباركلك فى عربيتك :) |
| الساعة الآن 10:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017