مصر موتورز مجتمع السيارات - إهتزاز عنيف على الثالث

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - إهتزاز عنيف على الثالث (https://www.masrmotors.com/vb/showthread.php?t=121741)

رد: إهتزاز عنيف على الثالث

إمبارح رفعت العربية, عجلة واحده ورا , و دورتها و بدأت أدى غيار
من أول غيار لاقيت العربية كلها بترقص, بطلتها و نزلت أدور الكردان بإيدى و لاقيت الرفه باينه جداً جداً أوى خالص
أتصلت بالميكانيكى هزأته (بالأدب) و حسسته أنه مبيفهمش, لأنه من النوع إللى بيحب يشكر فى نفسه جداً و عامل فيها زى إللى محدش بيفهم غيره.(إزاى يركب الكردان و يلاقى الرفه دى - سواء هو السبب أو لأ- و يستهبل و يقولى رصص)
طلعت على العفشجى, عمل نفس التجربه بس قاللى أستحمل الرفه دى و هيا مع الوقت هتروح
و قاللى لما كرسى النص أتغير حكم الكردان و بين عيوبه (فعلاً زى رأى حضراتكم هنا بالضبط)- شكراً مستر أسترا
بس الراجل خوفنى من بتوع الكرادين, قاللى معظمهم مش بيضبط الشغل, لو عندك رفه بسيطه يفضل يدق و يزودها و تبان على السرعات العاليه. و حتى وصفلى الراجل بتاع الملك الصالح بس برضه خوفنى من الشغل فى الكردان.
عالعموم جزاكم الله كل الخير و لو فى عندكم أى نصائح لأخوكم و ربنا يستر طريقنا جميعاً

رد: إهتزاز عنيف على الثالث

و كانت المفاجأة.... إيه ده أنا أبتديت الحكاية من الآخر كده ليه, معلش نقول من الأول:
- نويت إمبارح بالليل أبيع زوبه, و صليت إستخارة على الموضوع ده و نمت, تانى يوم لاقيت فى عندى رغبه أنى أطلع بيها الطلعه الإصلاحية الأخيرة, و يا صابت يا إما باى باى كمبوره
قولت بجملة البهدله نطلع على حبيبنا و أخونا الأسطى حمدى المخترع, صحيح مشواره بعيد عليا بس علشان أبقى خلصت ضميرى .
بعد المقابله و السلام و الكلام, شوف العربية بتفصل و تشرق و تهبب بوجيهات و المكنه مش مضبوطه و بتتهز على 40 كم/س من الكردان.
غيرنا بوجيهات و أبلاتين و قسمنا كهربا و نضفنا الكربراتير و تاكيهات و الحمد لله
و جينا لموضوع الكردان, دخل رجب الصبى إللى معاه, و رفع العربية و دور و جاب الغيار الثانى لاقى العربية بتتنفض.
فكينا الكردان و طلعنا بيه عالمخرطه, الراجل حطه عالمكنه و قال ما شاء الله زى الفل, و رجب واقف فاتح بقه و عمال بيقوله ما أهو لازم يكون فيه حاجه. طلع فى الآخر صليبة فركت البلى بتاعها (تانى) و بالتالى بتعض و راكبه غلط.
الحمد لله,غيرناها , و طلعت من عنده بعد المغرب عالدائرى, بسم الله ما شاء الله.

حبيت أنقلكم التجربه و المشكله و السبب و الأهم....
أشكر البشمهندس حمدى, بجد قمة الذوق و الأخلاق و صنايعى فبريكا بجد

رد: إهتزاز عنيف على الثالث

مبروك عليك عربيتك من تانى .. و على تصليح العربية تانى .... و بشكر الباشمهندس حمدى كمان

رد: إهتزاز عنيف على الثالث

مبروووووووووووووووك

رد: إهتزاز عنيف على الثالث

العضو المحترم مع احترامى لاراء جميع الاعضاء انا كان عندى نفس المشكله فى فيات 125 ولفيت ذى حضرتك كتير اوىىىىىىىىىىىىىىىىىىىىى وطلع كاوتش قاعده الفتيس فقط وتمنهم لا يتعدا 15 جنيه والمشكله انها مش باينه اوى انا اكتشفتها بالصدفه وانا بركب واير السرعه