رد: محتار اوي وخايف اوي
 

يا جماعه جزاكم الله خيرا انا خلاص اقتنعت بالنيفا بس ليا كام استفسار كدا هل 15 الف تجيب واحده كويسه وتنصحوني بايه لما اروح اشوف اي عربيه قبل الشراء " في المعاينه يعني " اخلي بالي من ايه وايه رأيكم في العروض بتاعت الناس اللي على النت اكمل واسأل اصحابها ولا ادور على سمسار افضل ولا انزل سوق الجمعه ولا ايه ؟؟؟

معلش تعبتكم معايا

رد: محتار اوي وخايف اوي
 

اصبر شويه و حوش عليهم كام شهر وهات بيجو 405 او هات السفينة فيات 32 و عيش ملك

ممكن لو صبرت كمان تجيب شاهين او ريجاتا

حاليا ما انصحكش بولا واحده من المعروضين دول بأستثناء البيجو اللى كانت مكتوبه و متخسرش عربية عشان قطع الغيار ربك بيحلها من عنده

ال 28 هتقعد تصرف عليها اكتر ما بتوفرلك مشاوير ده عن تجربة و المكنة اللى شبه الجيب مش حاجه قيمة بعكس البيجو و السفينة دول لما بيتعدلو و يتفجولو بيبقو تحف و تصف حبه حبه مش كله مره واحده

رد: محتار اوي وخايف اوي
 

احوش قد ايه حضرتك وتقصد ايه بانى اخسر عربيه علشان قطع الغيار ؟ وافهم من كلام حضرتك ان فيات 132 افضل من النيفا ؟؟

رد: محتار اوي وخايف اوي
 

نيفا هي انسب حل لظروفك
28 عربيه تعبانه تعبانه لاقصي مدي
مفيش مقارنه

رد: محتار اوي وخايف اوي
 

طيب يا جماعه طمنوني اكتر معلش النيفا افضل ليه ايه مميزاتها ياعني ولو وصيت سمسار او حبيت اعيان عربيه ايه اهم الحاجات اللي اخلي بالي منها ورأيكم سعرها يتراوح بين كام لكام حسب الحاله يعني لو ممتازه كام نصنص كام في حاله ايه مادفعش فيها فلوس وهل فعلا قطع غيارها نادره بالله عليكم طمنوني على الحته دي بالذات لاني ماعنديش استعداد ادفع اللي حيلتي وفي الاخر اركنها علشان قطعة غيار مش متوافره معلش تعبتكم معاايا