مصر موتورز مجتمع السيارات - مشاكل بالايمجراند خطيره

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - مشاكل بالايمجراند خطيره (https://www.masrmotors.com/vb/showthread.php?t=115379)

رد: مشاكل بالايمجراند خطيره

اقتباس:

المشاركة الأصلية كتبت بواسطة Sky_Rider (المشاركة 896654)

ياريت السادة القراء ياخدو المعلومة من ذوي الخبرة و ملاك السيارة .. و يشوفو كل وجهات النظر .. وانا كمالك للسيارة من اول دفعة من 6 شهور فاتو هقول لو الزمن رجع بيا برضو هجيبها .. مش عشان هيا افضل عربية في مصر .. بس عشان هي الافضل في فئتها السعرية .. الامكانيات و الكماليات معروفة مش محتاجة تفصيل .. بس انا هعلق على النقاط المذكورة .. بالنسبة للتابلوة وخاماته .. نفس خامة اللانسر اللي كانت معايا .. بلاستيك مقوى محبب مقاوم للحرارة و الخدش .. لا بيطبق ولا بيسيح ولا بيعلم مع النضافة .. رفم اني في شرم الشيخ و الشمس هنا الله ينور .. وهو نفس التابلوة بتاع موديل 2012 مستورد من الصين مش تصنيع غبور .. والعربية في الخليج بنفس التابلوه لحد 2012 و احنا عارفين جو الخليج عامل ازاي و برضو محصلوش اي حاجة .. موضوع ان التابلوه مش نفس ال 2013 ده بيكون راجع لاتفاق الوكيل مع الشركة الام .. و كل العربيات اللي بتتجمع في مصر ماشية على النظام ده . زي الصني الشكل اللي فات .. فضلت نفس العربية تنتج الى 2011 رغم انها انتهت من عند نيسان في اليابان من 2007.. الدهان مش خشن ولا حاجة .. وبرضو مش درجة اولى زي ال بي ام .. نفس دهان الفرنا اللي مالية البلد .. وبرضو لا بيتخربش بسهولة ولا اتغير لونه ولا اي حاجة حتى الان .. لمبة التشيك عمرها ما نورت معايا بسبب البنزين .. انا اخر 3 تفويلات مفول 90 عشان مش لاقي ال 92 و برضو منورتش .. بتنور مع الناس اللي بتفول من محطات تانكاتها ماليانة شوائب و بنزين مخلوط و مغشوش .. العربية معايا الحمد لله اكثر من رائعة و تستحق كل مليم اتدفع فيها .. وصلت لسرعة 180 بمنتهى السهولة و منتهى الثبات و التحكم .. بسافر بيها انا واسرتي من شرم للقاهرة و العكس براحة تامة لان العربية واسعة و مريحة و اماااااااااااان .. فراملها ما شاء الله رهيبة.. بجد رائعة بنظام منع الانغلاق وتوزيع الفرامل الالكتروني .. و الكاوتش ال 205 .. عمرها ما خذلتني في اي موقف الحمد لله ... بعمل بيها 100 كلم او اكتر يوميا .. 17 الف كلم حتى الان .. عمرها ما سخنت او حاجة عطلت فيها والحمد لله .. شنطنها 670 لتر .. حمل زي مانت عايز ... عالية عن الارض وثابته في نفس الوقت .. استهلاك الوقود جيد جدا .. تفويلة 50 لتر تعمل معك 500 كلم في اسوء الظروف في المدينة بالتكييف .. و 680 كلم في افضل حالتها طرق مفتوحة باسلوب قيادة اقتصادي .. ناس اصحابي ركبوها معاهم النترا جديدة بيحلفو انها اكثر ثباتا واتزانا من الالنترا برغم فارق السعر الرهيب اللي مابينهم .. الكلام اللي انا بفوله ده مش عشان الناس تشتري العربية ولا حاجة .. بس هو انصاف مش اكتر ..
وشكرا للجميع ..

الله ينور عليك يابو شهاب كلام مظبوط ومقنع وارجو من الجميع مراعاه سن محمد اشرف وطيش الشباب الصغير اللي بينظر دائما للاشياء متمنيا كمالها واكتافئها كل الشروط

رد: مشاكل بالايمجراند خطيره

خلاص كلكوا رضيتوا وعرضتوا ماشى وانا اسف لعدم دخولى المنتدى اليومين دول لانى كنت تعبان وانا مستعد ارد على كل واحد دلوقتى حاضر

رد: مشاكل بالايمجراند خطيره

اقتباس:

المشاركة الأصلية كتبت بواسطة amir farouk (المشاركة 896610)

انا كنت فاكر حضرتك هتقول العربية موتورها فوت والا الجير اتكسر والا البارومة بتضرب فيها والا العفشة مش مستحملة شوارع المحروسة والا العربية مش ثابته على الطرق والا بتسخن من اقل مشوار والا والا
اه فعلا التابلوة القديم والدوكو ممكن ميكونش ممتاز اما موضوع البنزين فهى وكل الجديد استاندرد 93 مش 98 ولا حاجة واصلا مافيش بره فى العالم حاجة اسمها 92 بس مش ده سبب ان اللمبه بتنور السبب الاصلى ان 90% من البنزين مغشوش ومخلوط
والله انا عن نفسى من ساعة ماجبتها بفول من 3 محطات مغيرتهمش والحمد لله منورتش عندى اللمبه بسبب البنزين خالص . نورت للامانة بسبب ان كان فى تراب على سينسور الار بى ام فكان بيعلق ولما اتنضف متكررتش تانى الحمد لله
اخيرا هاتلى اى عربية تانية بالمواصفات دى وبالسعر ده فى مصر وماليش دعوة باى بلد تانى احنا هنا دى ظروفنا وواقعنا .. ومعنديش استعداد انتظر 30 سنة علشان الواقع يتغير علشان اركب عربية موديل السنة

فى النهاية حضرتك دى وجهة نظرك وانا احترمها بس ده رايى بعد بعد خمس شهور من الاستخدام بجد العربية افضل قيمة مقابل السعر وربنا يبارك للجميع فيما رزق

هو حضرتك شايف ان الكلام الى انا قولتوا ده كله ملهوش اى لزمه ولا اهميه على العموم زى محضرتك قولت كل واحد وليه وجهت النظر بتعته بس انا مش عايز ارد غير على حاجه واحد هالجمله دى (اخيرا هاتلى اى عربية تانية بالمواصفات دى وبالسعر ده فى مصر وماليش دعوة باى بلد تانى احنا هنا دى ظروفنا وواقعنا .. ومعنديش استعداد انتظر 30 سنة علشان الواقع يتغير علشان اركب عربية موديل السنة) انا عارف انها تعتبر حاليا ارخص عربيه نزلت مصر فى فئتها والاوبشنز وهو ده الى خلانى اشك فيها من قبل مشوفها ولما شفتها مصدقتش فعلا ان العربيه دى تعمل 80000 وانا لو قيمتها كنت هقول 100000 فما فوق اما السعر ده انا مكنتش مقتنع بيه وحضرتك قولتلى ومليش دعوه باى بلد ثانيه طب ليه منتعلمش منهم هو انتوا عيزين بلدنا كلها ورا ومنستفدش منهم حاجه ليه كل واحد ميلتزمش برايه وانا لثانى مره هقولها انا متفق جدا مع الشعار الى بيقول (ابدا بنفسك)وحضرتك قولت برضه معنديش استعداد انتظر 30 سنة علشان الواقع يتغير علشان اركب عربية موديل السنة الراى ده من وجهة نظرى ليه اجابات كتير بس انا مش هقول غير واحد مدام انت مش مستعد انك تنتظر 30 سنه عشان تجيب عربيه موديل السنه طب ليه منحولش الراى ده لحقيقه المفروض ان احنا نحسسهم بيه عشان يتكسفوا على دمهم وفى النهايه اقدر اقول كل واحد وليه وجهة النظر بتعته

رد: مشاكل بالايمجراند خطيره

اقتباس:

المشاركة الأصلية كتبت بواسطة Sky_Rider (المشاركة 896654)

هو اول حاجه ومعلومه صغيره انا معجبتنيش طريقه بداية الكلام ودى معلومه اما ثانى حاجه فانا الى هعلق على كل نقطه مكتوبه اول حاجه حضرتك قولت ان التابلوه بلاستيك مقوى محبب مقاوم للحرارة و الخدش وانا معارض على الجمله دى كلها لانه مش مقاوم للحراره ولا الخدش وعلى فكره حضرتك انا مع ابى عربيه صغيره لزوم الشغل والكبيره للسفر العربيه دى خامت التابلوه مش حلوه وبيتخربش بسرعه ودلوقتى باين الخربشه فيه كتير بسبب الغسيل الكتير والعربيه موديل 2007 يعنى العربيه دى التابلوه هتعدى عليها كام سنه والتابلوه هيكون كده واستنوا كام سنه وتعالى رد على التعليق الى انا كتبتوا ده وبعدين شكل التابلوه ده مش بيتصنع اصلاااااااااااااااااا دلوقتى ازاى اتفقوا مع الشركه الام وهو اساسا مش بيتصنع افهمهما دى اما على الدهان فهو خشن والى ياكدلى كده ان حضرتك اكيد شفت الناس الكتير الى حصلهم خربشه فى الرفرف او الابواب وعلم على طول بس البويه النضيفه مش مع اى خربشه يعلم على فكره وبرضه مع الوقت ومع الغسيل هيعلم والى هياكد على كده ان برضه العربيه الصينى الى معانا نفس بروية اليمجراند ومن فوق عند الاسبويلر عشان هى هاتشباك صغيره اتشالت البويه لوحدها وهى مش مرشوشه دى بوية الشركه اما على موضوع البنزين ممكن اكون انا غلطان فيها مع انى مش مقتنع وبعد كده حضرتك اتكلمت على حجات من مميزتها انا عرفها وبرضه فى النهايه هقول كل واحد وليه وجهة النظر بتعته

رد: مشاكل بالايمجراند خطيره

لو محصلش غش ميبقاش عادي و اهلا بك في ارض غبور ، ولو عايز تتاكد من ردائة دهانات الطابلوة افرك الدهانات بمادة الاسيتون و لو طلع الدهان يبقي في منتهي الردائة