مصر موتورز مجتمع السيارات - مشكلتى وانا بسوق وتقريبا ملهاش حل :(

اقتباس:

المشاركة الأصلية كتبت بواسطة TheEmmH (المشاركة 865231)

سلام عليكم
دلوقتى وانا بسوووق مش بكون شايفة الكبوت
انا عربيتى جيلى ck
اللى فى التوقيع دى
وهى كمان 2012 يعنى بخاف لا تتكسر ولا حاجة خصوصا من التكاتك والميكروباصات والكلام ده .. كل ده زايد عليه انى مش بشوف الكبوت فا بحس ان العربية بلعانى :D
مع انى طولى كويس 171
المهم انا اعمل ايه علشان احل مشكلتين دول
1- اشوف ولو جزء من الكبوت علشان اعرف ابعاد العربية وهى كبيرة
هل احط تحت الفرش الجلد حاجة تعلى الكرسى شوية ؟ ملحوظة ان الكرسى بيعلى بس يادوب بتاع 5 سـم بس !!
2- مشكلة انى بخاف على العربية لا تتخبط وده بيخلينى اتجنب السواقة شوية !!
اعمل ايه بقى ؟ :)

مشكلتك هتختفى مع التعود لكن نصيحه لو الموضوع قالقك و عاملك توتر

شوفى العلامة بتاعة السيارة و اشترى ايكون تركب فوق الكبوت زى المرسيدس كده عشان تعرفك فين بداية كبوتك و لو بتتلخبطى بين خطوط الداخلية للكبوت و الخطوط الخارجية حطى دوت روبر بنتكون اقراس بقطر 1 سم من المطاط و بتتلزق فيبر كاستل و بتتفك و تتركب بالايد عادى و دية عشان تميزى بيها الخطوط الخارجية عن الداخلية

غيرى عدلة الكرسى و افضل زاويه جربتها 105 درجة دية بتخليكى مرتاحه لكن فى نفس الوقت واخده اقرب وضع من القائم لكن لو مسافره لازم تاخدى زاويه اكبر 115 -125 درجة و خلى بالك كل ما زادت الزاوية هتشوفى الارضيه البعيدة و هيفيدك فى قراية الطريق والمطبات لكن مش هتشوفى المساحات القريبة زى الكبوت و هتحسى ان العدادات و الدركسيون بعيد

بالنسبة للخلفى بقى احسن حاجه تضيفى سبويلر منك هتشوفى اخر عربيتك و منك هتظبى الايرو دينامك بتاع العربية و نصيحه متجبيش سبويلر من الحرفيين او من اى سمكرى الاسبويلر لكل عربية بيختلف تصميمه و هندسته بتعملي التصميم و تروحى تجيبى الفايبر و تخلى ورشه تعمله و بعدين تظبطى زوايا الميل بتاعته حسب التصميم و تخلى بقى اى سمكرى يركبه

بالتوفيق على الطريق و خلى بالك الجيلى عضمها ضعيف فحرصى جدا انك تخبطى او تسيبى مساحه لحد يخبطك