مصر موتورز مجتمع السيارات - بوجيهات بمقاومة....! ، ولا بوجيهات عادية...!!! ، أبلاتين وكوندينسر ولا إشعال إليكترونى

اقتباس:

المشاركة الأصلية كتبت بواسطة miam0502788391 (المشاركة 849951)

جزاك الله خيرا :fun_36_3_16[1]:
ايو كده احب انا الموضيع اللى فى الصميم دى :fun_36_3_16[1]:
اللى فهمته يا باشا ان البيجوهات اللى بمقاومة احسن للعربيات اللى فيها اسبراتير الكترونى
طيب هى المقاومة اصلا بتعمل ايه فى البيجو , يعنى بتزود قوة الشرارة مثلا ؟؟؟؟
هى مش هتفرق كتير فى الشرارة لأن لكل نظام مميزاته وعيوبه
انا عندى ابلاتين وكوندينسر ولازم أخلى الشرارة بتاعتى من غير مقاومة ، وكمان الموبينة من غير مقاومة ، بركب كوندينسر كبير عشان الأبلاتين يعيش أكتر

بعكس الإشعال الإليكترونى المشط بيخلى الشرارة تبقى طالعة زى المجنونة ده غير ان النظام نفسه الخواجة منزله كده (وده لحاجات تتعلق بكهربة العربية انا مش هقدر أفيدك اوى فيها ) لكن عن تجربة لو حطيت بوجيه من غير مقاومة المشط هيلدع مع الوقت

طيب والمقاومة درجات ولا كل البيجوهات اللى بمقاومة كلها درجة واحدة ؟؟؟

طبعا بتختلف الأشكال والأنواع والموديلات عشان كده كل صانع بوجيه محترم وكل تاجر قطع غيار محترم فاهم شغله بيقولك على المناسب لعربيتك
طيب ولو هى درجات على اى اساس اختار الدرجة المناسبة للمحرك ؟؟؟

من كتالوج العربية او من كتالوج صانع البوجيه لأنك مش هتفضل تلف على محلات قطع الغيار بالأفوميتر وكمان التاجر هيقولك حاجات الكهربا مابترجعش يا بيه
أخيرا انا العربية بتاعتى اكسيل 1500 كرباتير اشعال الكترونى اختار بيجوهات نوعها ايه ودرجة مقاومتها كام
آسف على الاطالة
وشكرا لحضرتك

هاتلها طقم إن جى كى 3 شمعه إليكترونى هيعمل حوالى 80 جنيه موجود عند معظم بتوع قطع الغيار اليابانى بس للأسف معنديش الرقم بتاعها

ونصحتك بال 3 شمعة عشان حرقها احسن للبنزين ( الظروف اللى احنا فيها بتخلى الواحد حريص فى حته الإستهلاك دى شوية )

شكرا لمرورك الكريم يا دكتور محمد ويارب أكون دايما عند حسن ظنكم

وبإذن الله هحاول دايما انى انقلكم تجاربى من الواقع عشان الكل يستفيد