|
رد: اشترى مستعمل و لا جديد ؟؟
مساء الخير
انا هقول حضرتك على حاجة انا زيك بالظبط لسة متعلم فى مكتب سواقة شهر 9 اللى فات على عربية 128فى مكتب تعليم و رحت امتحنت و طلعت الرخصة و اخر الشهر شهر 9 برضو اشتريت عربية BYD F3 و مش عايز اقولك حسيت انى اول مرة اركب عربية من ناحية حجم العربية و الابعاد و السواقة و فضلت مركونة 3 ايام و خايف اسوقها لغاية ما 2 اخوات اصدقائى كل يوم اركب مع واحد يعلمنى و لمدة اسبوع كامل كل يوم بدون فاصل بعد الساعة 10 بالليل عند استاذ القاهرة فى جراج ارض المعارض و بقو يشجعونى و بعد الساعة 12 اطلع على الطريق و امشى لغاية الحمد للة ما بيقت تمام و ماشى دلوقتى 1500 كم منهم 400 كم تعليم --------------------- مفكرتش فى مستعمل علشان انا مفهمش فى العربيات و معرفش مشاكلها ولا هصرف عليها كام عقبال ما اتعلم ولا هخسر فيها كام عقبال ما ابيعها على مهلك و مهما اللى وراكى زمر سيبك منة و كأنة مش الكلاكسات دى علشانك لازم هدوء اعصاب و ربنا يوفقك :THUMBS~220: |
رد: اشترى مستعمل و لا جديد ؟؟
بجد شكرا جدا يا جماعة على تعبكم , أنا نزلت النهاردة بصيت فى المعارض و كنت بأحس انى هأخاف اسوق عربية جديدة و حسيت كلهم حجمهم كبير :( ,, أنا مقتنعة ان المستعمل هيبقى افضل انى اتعلم عليه بس منين اضمن انه مش هيبهدلنى معاه ؟؟
عايزة اعرف رأيكم فى سوزوكى التو 800cc يعنى موتور الماروتى هى بس اوسع و بتكييف , ايه رأيكم فيها و قطع غيارها متوفرة و لا لء , أنا بأفكر اشتريها جديد , تنصحونى بإيه ؟؟ و شكرا جدا جدا جدا |
رد: اشترى مستعمل و لا جديد ؟؟
اقتباس:
السلام عليكم العربيه المستعمله بيبان اذا كان استعمالها نظيف ولا متهانه ياريت تشتري من حد معرفه وتكون عارف ماضي العربيه ومن المستحسن انك تمسك العصا من النصف وتشتري عربيه كسر زيرو او مش عامله عداد كبير فعلا اما بخصوص الألتو هي اوسع من الماروتي بس قطع غيارها قليله شويه و أغلي وحرام يدفع فيها فلوس الماروتي معتدله في ثمنها اما الألتو مبالغ في ثمنها وده رأي الشخصي مثلا الشيفرليه السبارك ثمنها مقارب ليها وافضل اللانوس والفيرنا واللوجان المستعمل تقريبا نفس الثمن وافضل والله أعلى و أعلم والله المستعان |
رد: اشترى مستعمل و لا جديد ؟؟
ربنا يوفقك ويوفقنى
بيتهيألى الماروتى أحسن |
رد: اشترى مستعمل و لا جديد ؟؟
مدام لسه بتتعلمى هاتى مستعمل احسن تعلمى عليه وكمان ماتزعليش عليها لما تتخبط واالختيارات كتير بس من رايي الافضل
لو مشاويرك مش سفر والعدد اللى بتاخده العربيه قليل ووزن خفيف السوزوكى ماروتى اختيار ممتاز والسعر ده يجيب عربيه شبه كسر زيرو وطبعا قطع غيارها ببلاش واستهلاكها تحفه لانها 800 سى سى وبرضه تقريبا زيها السوزوكى التو بس تقريبا انتشارها قليل شويه عن الماروتى فيه عندك الكيا العصفورة ودى تحفه وبرضه استهلاكها كويس بس اعلى شويه بس دى بتاعه سفر وجرى كتير وبتشيل عندك الاونو ودى تحفه والسعر دة برضه يجيب حاجه كويسه فيه الهيونداى اتوس نفس القصه ودى الاختيارات اللى من راىى تنفع حضرتك وبرضه سهله فى اعادة البيع بعد لما تتعلمى وتحبى تجيبى جديد ماتخسريش كتير وبالتوفيق:THUMBS~220: |
| الساعة الآن 06:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017