رد: 1400 ولا 1600 ولا 1800 جولف 4
 

لا شكر علي واجب يا باشا

الميكانيكي هيعرف كفاية يبص علي المسامير هيعرف منها او يبص علي الضفيره هيعرف برضه

الكشف ميبقاش في المحطه بتوع المحطات دول اخرهم يغيروا زيت عايز تكشف علي عربية زي دي اطلع بيها علي محمد سمير يجيبلك اخرها

الجولف يا باشا متتباعش في يوم و ليلة زي الكوري و كده ليها ناسها اللي بتشتريها و لو 1800 يبقي هتمثل للناس شبح يقولك الضريبة عالية و كده

رد: 1400 ولا 1600 ولا 1800 جولف 4
 

نا بتكلم على محطه كبيره زى شل الهرم


وقصه المسامير اللى بيبص عليها الميكانيكى اانا كان ادامى لانسر 2007 1600 مانيوال وكان طالب فيها 65000عشان كان مغيرلها ماتور فى التوكيل واته عارف ان التوكيل بيجمع الانسر المصرى بس كانت غريبه جدا ان الناس بتخاف من العربيه دى مع ان ده شغل توكيل وكانت الناس بتعرف الحكايه دى من ملف العربيه فى التوكيل مش من المساميرمع ان المفروض ان العربيه دى يكون سعرها اغلى عشان الماتور جديد وممشيش يعنى لسه بيلين لكن الراجل عشان يجر رجل نزل فى سعر العربيه وكل اللى يجى يشتريها يقوله على موضوع الماتور يهرب

بدل ما اللى ياخدها يسال عليها فى التوكيل ويتعب نفسه كان الراجل بيريحه

رد: 1400 ولا 1600 ولا 1800 جولف 4
 

ياراجل حرام عليك
أولا : اللانسر لاتجمع بمصر
ثانيا: العربيه موديل 2007 وموتورها متغير يعني العربيه كان طلعان عنيها .... وده بيقلل من سعرها ويقلل فرص بيعها لأنها سياره جديده ومعنى إن موتورها متغير يعني ,,, يا إما عملت حادث رهيب أدى إلى تغيير الموتور أو أن من يقود العربيه غشيم وفوت الموتور (إستخدام سيء) وتغيير الموتور غالبا ما بيكون إستيراد مش جديد لأن تمنه جديد من المستحسن تجيب عربيه جديده أكرم مائة مره

الموتور المتغير بالنسبه للعربيات ذات الموديلات القديمه يعتبر ميزه لأنه من الطبيعي للي بيشتري عربيه قديمه يا إما حيعمل عمره للموتور أو يغيره بواحد إستيراد وعشان كده بيبقى ميزه لكن لعربيه جديده فده عيب كبير جدا يخلي أي حد يجري بالمشوار عشان يهرب من المصيبه إللي جياله من وراها
أرجوا أن تكون الفكره وضحت

أما بالنسبه للجولف إللي حضؤتك بتتكلم عنها 1800 سي سي فتأكد أن أصل العربيه 1800 مش 1400 ولا 1600 وهو مسقطلها موتور 1800 عشان ده مابيكنش في صالح العربيه لأن مثل تلك المواتير تحتاج عفشه ومعدات ميكانيكيه مختلفه عن 1400 أو 1600 ده غير أنظمة الكهرباء والضفيره والكنترول يونيت وطرمبة البنزين ......
إرحم نفسك وهات 1400 سي سي ....ولو مصمم على 1800 تأكد إن العربيه أصلها 1800 سي سي مش معدله
وده مش ممكن تعرفه من محطة بنزين أبدا ولو محطة بنزين موبيل في أمريكا أو شل في اليابان
روح لمحمد سمير خلف حديقة بدر بطريق جسر السويس وهوه إللي حيقيملك حالة العربيه جيدا وحيجبلك الموضوع بتاعها من الآخر

أللهم إني قد بلغت أللهم فاشهد

رد: 1400 ولا 1600 ولا 1800 جولف 4
 

مفيش كلام بعد كلام احمد باشا كامل قال كل اللي كنت هقوله

الله ينور عليك

رد: 1400 ولا 1600 ولا 1800 جولف 4
 

انا كنت باقول كده لان الانسر اللى موجود فى السوق دايما التجار يقولو ان العربيه دى يابانى يابانى عشان متصنعه لدول للخليج

والنوع التانى يقولك دى مصرى عشان متجمعه فى مصر

واللى اكدلى كده ان التوكيل بيشيل ويحط اوبشن فيها يعنى مش جايه من بره متبرشمه