مصر موتورز مجتمع السيارات - ما هو نوع التعليق فى لادا 2107

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - ما هو نوع التعليق فى لادا 2107 (https://www.masrmotors.com/vb/showthread.php?t=100287)

رد: ما هو نوع التعليق فى لادا 2107

اقتباس:

المشاركة الأصلية كتبت بواسطة abokoko (المشاركة 780539)

انا بلاحظ ان اللى فى العربيه بيميلوا جامد لو فجأه حاولت تجنب مطب او عند الدوران
المفاجئ - لدرجة انى احيانا باكل المطب واعدى عليه لو ماشي سريع - وسريع دى ممكن تكون 70/80 كيلو - علشان خوفى من ميلان العربيه
مش عارف ده مجرد احساس خاطئ ولا ايه ؟

اقتباس:

المشاركة الأصلية كتبت بواسطة Hisham.Elgazzar (المشاركة 780549)

انا كمان عندى المشكلة دى
ده غالبا بسبب ضعف السوست والله أعلم
اللى راكب بيتخض ونتا تحس ان العربية هتقلب
بضطر فعلا اكول مطب لأن العربية سهل تتقلب او تتزحلق

اقتباس:

المشاركة الأصلية كتبت بواسطة Oussama (المشاركة 781420)

لو مقاس السوست بتاعة العربية القدام زى اللى ورا مستحيل ان العربية تميل على سرعة :danceW7:

اللادا عاملة زى الزلطة لو كلت مطب فجاة حتحس انها حتطير منك تانى بعد ما تاخد المطب بسرعة و ده كله بسبب السوست

بس سبب تانى و ده بيخلى اختلاف العوم فى الادا و هو الحالة من جوة " يعنى رشة دواخل و لا لا "

ميل الناس جوه العربية شيء طبيعي جدا، ودي ظاهرة فيزيائية لا يمكن تلغيها... إنما المهم إننا نفهمها ونحاول نقلل من تأثيرها..

أول حاجة... لازم نقلل من الحركات الحادة والفجائية أثناء السواقة.. عن طريق تقليل الغرز في أماكن ضيقة مثلا وإنك تسيب مسافة أمان بينك وبين العربية اللي قدامك، وما تاخدش ملفات ضيقة بسرعة عالية

تاني حاجة... تعديل تنجيد الكراسي والكنبة له دخل أساسي في حفظ أجسام الأشخاص اللي قاعدين في العربية من إنه يروح يمين وشمال... عشان كده العربيات الجديدة بتبقى كراسيها معمولة على شكل الجسم... مش حتة شلتة من بتوع كنب البيت

ثالث حاجة.... ميل جسم العربية له علاقة بالسوست والمساعدين طبعا مفيش شك.... بس الشيء الأساسي اللي بيقلل من ميل العربية هو "الاستابليزر" أو "الميزان" ، وده عادة بيبقى عمود على شكل حرف "U" بيمسك العجل في جسم العربية ويحاول يقلل من ميل العربية في الملفات... لازم تتأكد إن العمود ده سليم وإن الكاوتش بتاعه مش متاكل

رابع حاجة... لازم تعرف قدرات عربيتك... اللادا عربية قديمة... تصميمها الأول معمول سنة 1969... يعني باختصار إحنا راكبين عربيات اللي فكر يصممها على المعاش دلوقتي... أكيد العربيات الحديثة بتاعة دلوقتي مافيهاش عيوب كتير من بتاعة زمان.

ارجع للموضوع اللي قلتك عليه قبل كده... فيه تفاصيل عن اتزان العربيات وإيه اللي ممكن يأثر على أكتر على اتزانها

رد: ما هو نوع التعليق فى لادا 2107

اقتباس:

المشاركة الأصلية كتبت بواسطة borio1704 (المشاركة 781751)

ميل الناس جوه العربية شيء طبيعي جدا، ودي ظاهرة فيزيائية لا يمكن تلغيها... إنما المهم إننا نفهمها ونحاول نقلل من تأثيرها..

أول حاجة... لازم نقلل من الحركات الحادة والفجائية أثناء السواقة.. عن طريق تقليل الغرز في أماكن ضيقة مثلا وإنك تسيب مسافة أمان بينك وبين العربية اللي قدامك، وما تاخدش ملفات ضيقة بسرعة عالية

تاني حاجة... تعديل تنجيد الكراسي والكنبة له دخل أساسي في حفظ أجسام الأشخاص اللي قاعدين في العربية من إنه يروح يمين وشمال... عشان كده العربيات الجديدة بتبقى كراسيها معمولة على شكل الجسم... مش حتة شلتة من بتوع كنب البيت

ثالث حاجة.... ميل جسم العربية له علاقة بالسوست والمساعدين طبعا مفيش شك.... بس الشيء الأساسي اللي بيقلل من ميل العربية هو "الاستابليزر" أو "الميزان" ، وده عادة بيبقى عمود على شكل حرف "U" بيمسك العجل في جسم العربية ويحاول يقلل من ميل العربية في الملفات... لازم تتأكد إن العمود ده سليم وإن الكاوتش بتاعه مش متاكل

الميزان على حرف ال u مش موجود عندى فى ال لادا 2107

رابع حاجة... لازم تعرف قدرات عربيتك... اللادا عربية قديمة... تصميمها الأول معمول سنة 1969... يعني باختصار إحنا راكبين عربيات اللي فكر يصممها على المعاش دلوقتي... أكيد العربيات الحديثة بتاعة دلوقتي مافيهاش عيوب كتير من بتاعة زمان.

رغم ان عربيتى موديل 2007م الا انى عارف انها تكنولوجيا متاخده او مقتبسه من الفيات ال124

ارجع للموضوع اللي قلتك عليه قبل كده... فيه تفاصيل عن اتزان العربيات وإيه اللي ممكن يأثر على أكتر على اتزانها

انا فعلا قريته

وشكرا لحضرتك على المعلومات

رد: ما هو نوع التعليق فى لادا 2107

اقتباس:

الميزان على حرف ال u مش موجود عندى فى ال لادا 2107

لا الميزان موجود من الامام تحت الردايتير بيكون باين اوى
ومن الخلف موجود كمان وطبعا موجود فى الـ 131

رد: ما هو نوع التعليق فى لادا 2107

التعليق الامامى فاللادا 2101-7 ,والنيفا حاجه اسمها تعليق عظمه الترقوه المزدوجه او double wishbone susbension وده ممتاز جدا لا يعيبه الا كثره مكوناته و غلاء صيانته و ضيف عليه عيب فى اللادا ملص البيض فى حاله عدم الصيانه لان البيض السفلى متحمل عليه السوست يعنى وزن العربيه الامامى كله عالبيض والعيب ده مش موجود فالنيفا لانهم ببساطه قلبوا البيض السفلى فبقى من المستحيل انها تملص مهما باظت وفى ال132 حطوا السوست فوق المقص اللى فوق والحمل على البيضه اللى فوق اللى هى بالطبيعه مقلوبه فبقى برضه مستبعد انها تملص البيض