مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جاك JAC (https://www.masrmotors.com/vb/forumdisplay.php?f=144)
-   -   معرض جاك معروض للإيجار (https://www.masrmotors.com/vb/showthread.php?t=113526)

سيف الدين سعيد 23-09-2014 07:13 AM

رد: معرض جاك معروض للإيجار
 
أستاذ أحمد احنا هنا عايزين حلول جذريه لمشاكلنا مع التوكيل مع رؤيه فعليه لحملة اعلانات سريعه ومكثفه لهذه السيارات الملاكى قبل النقل لأن الملاكى يا بكوات بيكون هو الأكثر والأسهل فى البيع والإنتشار مع رواج أكبر فى قطع غياره بالسوق .

AhmedTelb 30-09-2014 03:14 PM

رد: معرض جاك معروض للإيجار
 
ليه بس سؤال الظن ده
انا موجود يا فندم ولسه حصل اتصال تليفوني باستاذ ايمن
بخصوص سعر باب التانك كان سعر شحنه طيران وكان لدكتور خالد 378 مش 500
وده سعره الضعف 4 مرات تقريبا عشان شحن جوي مش اكتر
وجاري طلبه في الطلبيات القادمة وحسلمه بنفسي لدكتور كمال
بخصوص الموديلات الملاكي السنة ديه توقفنا عن نزل موديل منها
عشان بنجمع ملاكي وباعداد كبيرة مش زي قبل كدة كام عربية وبس
ونا الي بتابع مع حضرتك على الصفحة بنفسي
ومش بس صفحة جاك لا وفي اي منتدى عن جاك بتابع العملاء مش بستنى هم الي يوصلوا لينا

جديد بقى مع جاك موتورز
يوم السبت قبل الماضي تم افتتاح معرض جاك موتورز الامير بمحافظة الغردقة

يوم السبت الماضي تم نشر اعلان جديد لجاك موتورز لموديلات نقل

وهناك الكثير والكثير
ويوم الاربعاء الماضي تم دخول طلبية من عدة طلبيات قطع غيار قادمة من الصين
كل ده بداية بس
اعتقد انه بداية مبشرة
ولا ايه ؟
وانا موجود لاي استفسار هنا او على الصفحة
واستاذ ايمن معاه رقمي في اي وقت تقدر تتصل بيا
مش تقول اني مش حظهر تاني انا الي اتصلت بيك :D

aymanlaw 30-09-2014 05:00 PM

رد: معرض جاك معروض للإيجار
 
اقتباس:

المشاركة الأصلية كتبت بواسطة AhmedTelb (المشاركة 983870)
ليه بس سؤال الظن ده
انا موجود يا فندم ولسه حصل اتصال تليفوني باستاذ ايمن
بخصوص سعر باب التانك كان سعر شحنه طيران وكان لدكتور خالد 378 مش 500
وده سعره الضعف 4 مرات تقريبا عشان شحن جوي مش اكتر
وجاري طلبه في الطلبيات القادمة وحسلمه بنفسي لدكتور كمال
بخصوص الموديلات الملاكي السنة ديه توقفنا عن نزل موديل منها
عشان بنجمع ملاكي وباعداد كبيرة مش زي قبل كدة كام عربية وبس
ونا الي بتابع مع حضرتك على الصفحة بنفسي
ومش بس صفحة جاك لا وفي اي منتدى عن جاك بتابع العملاء مش بستنى هم الي يوصلوا لينا

جديد بقى مع جاك موتورز
يوم السبت قبل الماضي تم افتتاح معرض جاك موتورز الامير بمحافظة الغردقة

يوم السبت الماضي تم نشر اعلان جديد لجاك موتورز لموديلات نقل

وهناك الكثير والكثير
ويوم الاربعاء الماضي تم دخول طلبية من عدة طلبيات قطع غيار قادمة من الصين
كل ده بداية بس
اعتقد انه بداية مبشرة
ولا ايه ؟
وانا موجود لاي استفسار هنا او على الصفحة
واستاذ ايمن معاه رقمي في اي وقت تقدر تتصل بيا
مش تقول اني مش حظهر تاني انا الي اتصلت بيك :D

باالفعل الراجل المحترم الأستاذ احمد كلمنى لمدة ربع ساعة وتناقشنا فى كل المشاكل حتى كان فى مدير تسويق ومبيعات كنت اتخانقت معاه من حوالى سنه ونصف وبهدلته وفضحته فى التوكيل لدرجة إن الموظفين كانوا فرحانين فيه وقالولى إحنا بنشكرك على العملتوا معاه لأن مافيش حد عارف يتكلم معاه من العملاء ,,لكن العبدلله ظبطه لأن الحق معى وقبل كل ده ربنا معايا وشايف إنى بتكلم الحق ,,المهم الأستاذ أحمد قالى إن هذا الرجل تم طرده من الشركه ومرفوع ضده قضايا من التويكل لأنه كان بيعمل لصالح شركات إخرى وده القلتهوله ايامها وسبحان الله طلع بنى ادم مش تمام ,, المهم الأستاذ أحمد كلمنى على اساس ان اقوله الحاجات المطلوبه عندى ايه وهيدينى الأسعار باالضبط والموجود حالياً ,, وكمان كلمته على موضوع الغطاءوأرجوا إنه يسامحنى ويعذرنى لأنى احتديت عليه بهذا الخصوص ولكن الرجل اثرنى بأدبه وحسن خلقه وبذكاء التاجر المحترم ولكنى رديت عليه فى هذا الخضوض وقلتله ماينفعش حتى ولو طيران يبقى ده سعر غطاء بنزين ,, والراجل بيحاول ان يساعد وبيحب شغله وبيشتغل بضمير علشان كده إن شاء الله ربنا هيكرمه ويكون نجاح جاك على اديه بأذن الله تعالى,,انا بشكره على تعاونه ومحاولاته فى تزليل اى عقبات

AhmedTelb 01-10-2014 01:04 PM

رد: معرض جاك معروض للإيجار
 
حضرتك بتحرجني بذوقك ديما في الكلام يا استاذ ايمن
بخصوص اسعار الشحن طيران بتتوقف على الوزن
في قطع بيكون سعر الشحن ليها مقبول
وفي قطع تانية سعرها بيكون عالي
بنستخدم الشحن الطيران في حالة نقص قطع غيار
حتى توافر جميع القطع
كلنا في مركب واحدة توكيل وعملاء
عشان اكسب كويس لازم اوفر قطع الغيار وخدمة افضل للعملاء
والعميل عشان يرتاح مع السيارة الي اشتراها بفلوس
لازم يلاقي قطع الغيار الي بيحتجها
ودلوقتي في نظام جديد في قطع الغيار
عكس زمان
طبيعي ممكن يحصل نقص في قطعة من القطع المطلوبة
الرد مش انها مش موجودة وخلاص لا
اي قطعة مش متوفرة بيتم اضافتها لاول طلبية بحر
بتوصل في خلال شهر ونصف تقريبا
وده حيحصل نادرا جدا عشان الطلبيات القادمة ان شاء الله
معمولة بخبرة اكتر وكميات اكتير بكتير
وانا معاكم هنا وعلى الصفحة
وفي اي مشكلة ابعتوها فورا
ملحوظة : اي مشكلة بيتم عمل تقرير بيها للإدارة العليا لسرعة الرد مش اي مدير وخلاص
وبيتم متابعة كل مشكلة لحد حلها
وشكرا

د.كمال 05-10-2014 03:07 PM

رد: معرض جاك معروض للإيجار
 
ياجماعه ان شاء الله الامور تتصلح مادام فى التوكيل شخص محترم ذى الاستاذ احمد طلب .... ومطلوب من الاستاذ احمد طلب سعه الصدر والتماس العزر للأستاذ ايمن والبشمهندس سيف لأننا عانينا كثيرا من التوكيل وكنا فى المقدمه لخدمه هذا التوكيل لحبنا فى سيارتنا الجاك B15 ومواضيعنا تشهد على ذلك ولكننا كنا نقابل بالنكران والتجاهل من العاملين فى التوكيل .

واخيرا مامحبه إلا بعد عداوه وكل عام وانتم بخير


الساعة الآن 01:16 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017