رد: أفيو ولا فرنا و لا لانوس
 

اكيد حيكون فيه تشابه لان جميع المعلومات التي كتبتها في ردي السابق مأخوزة من مصادر محترمة و محايدة و موجودة على الانترنت و متاحة للجميع .... يعني مش من تأليفي ....!
و بالمناسبة ... قرأت في احدى الجرائد امس انه من اكبر اولويات الحكومة الامريكية انقاذ ثلاثة شركات كبرى من ضمنهم GM يعني في طريقها الى حل مشكلات الثلاث شركات الكبرى المتعثرة بس الطريف في الموضوع ان امريكا طلبت من دول الخليج (السعودية - الامارات - قطر - الكويت) دفع مليارات الدولارات لهذا الغرض ...!

رد: أفيو ولا فرنا و لا لانوس
 

لو حضرتك بتتكلم على ان التوكيل ممكن يقفل فا احب اقولك ان اللانوس هى هى متغيرش فيها حاجه غير الشبكه لكن كل قطع الغيار هى هى
يبقى لو حتى الشركه ولعت مش هتفرق معاك فى اى حاجه انت كده كده مستفيد من الانتشار اللا نهائى بتاع اللانوس سواء تبع دايو او شيفورليه ومعتقدش ان عربيه بالعدد ده هيجيلها وقت وتتزنق فى قطع الغيار
ده راى الخاص وانا شايف انها افضل من الفيرنا وارخص من الافيو اللى الفول اوبشن بتاعتها ازازها اللى ورا اكر
وضمان 100000 الشركه لو اتحرقت انت من حقك ان حتى لو منصور ساب التوكيل انه يكمل الضمان معاك غصب عنه مش بمزاجه
يبقى حضرتك قلقان من ايه؟؟؟

رد: أفيو ولا فرنا و لا لانوس
 

هو الوكيل قطع غيار وبس؟؟؟؟
يعني انا دلوقتي ممكن اجيب عربيه زيرو و بعد سنه و لا اتنين يقولولي التوكيل مفيش
طب و بعد الضمان لو كان 60000 كم بس مش 100000

اديك مثال بسيط جدا ... كان معايا فيات سيينا موديل 2000 ... انا من سكان 6 اكتوبر وكنت مواظب على الصيانه في مركز اخبار اليوم .... في يوم و ليله التوكيل بقى اوماترا .... و مركز اخبار اليوم بقى توكيل فورد ..... طب فين يا جماعه توكيل فيات ..... جسر السويس..... طبعا مرحتش
رحت عملت الصيانه عند مركز خدمه في اكتوبر و كانت اخر مره.

تفتكر عملت ايه...... بعت العربيه و جبت غيرها.
انا واحد من الناس مقتنع ان العربيه صيانتها تكون في التوكيل بتاعها. ولما بعد عني التوكيل بعتها.

امال بقى العربيه اللي ملهاش توكيل .... يعني ايه قطع غيار من غير توكيل ... انا مش بشتري كاسيت .... دي عربيه!!!!!!!!

واكيد اكيد ... اللي معاه دايو لانوس .... مش حيروح يعمل صيانتها في منصور لانوس!!!!
وده رأيي الشخصي ... اكيد ناس كتير حتقولك بعد الضمان سيبك من التوكيل و ظبطها في اي مركز خدمه ......

حضرتك لو قريت الموضوع حتلاقي انه مش تشابه .... لأ ده تطابق .... الا في بعض الارقام!!!!
ارجو ميكونش فيه سوء تفاهم ... طبعا انا مع حضرتك ان المصادر الايام دي متاحه للجميع وسهل الوصول ليها وكل واحد بيجيب معلومه من مصدر بيكون مقتنع بيها
انما اللي انا فعلا استغربت منه جدا مدى تطابق كتابه الموضوع لدرجه تؤكد انه من نفس المصدر ... لكن الغريب كان اختلاف في رقمين ...
وده كان له تفسير عندي .... ان المصدر هو هو .. بس حصل تحديث في البيانات او الاوقام و ده اللي غير الارقام في موضوع حضرتك عن موضوع ا/نيسان
خصوصا ان موضوع حضرتك كان لاحق ... و كان فيه معلومات اضافيه زي ما قلت قبل كده
اتمنى تكون وجهه نظري واضحه واعتقد ليا حق لما استغرب من تطابق موضوعين تماما بالرغم من اختلاف الارقام البيانيه!!! لأنه لو نفس المصدر ... يبقى يبدي بيانات مش متأكد منها وبعد كده بيصححها
ولو مصدرين مختلفين .... يبقى هابشين (ناقلين )من بعض

quote=agamy_apc;12549]و بالمناسبة ... قرأت في احدى الجرائد امس انه من اكبر اولويات الحكومة الامريكية انقاذ ثلاثة شركات كبرى من ضمنهم GM يعني في طريقها الى حل مشكلات الثلاث شركات الكبرى المتعثرة بس الطريف في الموضوع ان امريكا طلبت من دول الخليج (السعودية - الامارات - قطر - الكويت) دفع مليارات الدولارات لهذا الغرض ...![/quote]


وبرضه انقل لحضرتك ان الحكومه الامريكيه رفضت مساعده الشركات الثلاثه الا في وجود خطه
وده مرجعي

http://www.masrmotors.com/vb/showthread.php?t=3604

ياريت حضرتك تشوف المشاركه رقم 3 ... للزميل mtema 99

احنا بننقل معلوماتنا وممكن اوي تكون الجرايد بتكبر امور او كل يوم فيه متغيرات جديده ..... وهدفنا في النهايه نوصل للمعلومه الصح ...
ياريت

متهيألي لو كل واحد اشار الي مصدر المعلومات جيكون افضل كتير

رد: أفيو ولا فرنا و لا لانوس
 

قطع الغيار موجوده فى كل حته والفيات السيينا اللى حضرتك بتتكلم عليها دى فى ميكانيكيه كتير جدا بيشتغلوا فيها
وقطع غيارها موجوده عند ناس كتير ومعروفين
واللى معاهم لانوس اكيد كلهم بيخلصوا الضمان وبيصلحوا بره
لان العربيه مفيهاش حاجه كبيره او معضله بحيث انهم يضطروا يصلحوا فى التوكيل
ومعروف للناس كلها اسعار التوكيل فى الصيانه والتصليح عامله ازاى
وحضرتك لازم تاخد بالك ان العربيه دى من الفئه الاقتصاديه يعنى مش عربيه الناس اللى بتعيش عند التوكيل(مش باسات ولا ميجان ولا اوكتافيا)
وقطع غيار الدايو موجوده فى كل حته وعند ناس كتييييييييييييير جدا فمعتقدش ان صاحب العربيه اللانوس(دايو-شيفورليه) ممكن يجيله يوم ويتزنق فى صيانه او قطعه غيار
بس اللى فهمته من حضرتك انك مالكش خلق تقف مع صنايعيه وشكلك بتحب تدخل العربيه مكان وتقولهم على اللى فيها وهما يتصرفوا(مش تاخد المشوار كهربائى لميكانيكى لعفشجى)
حضرتك برضه لسه قايل انك لما ااتعاملت اتعاملت مع مركز خدمه معتقدش ان كل الناس عندهم نفس الفكر ده ان مكانش الاكتريه بيفضلوا انهم يصلحوا بره التوكيل عشان فرق السعر

رد: أفيو ولا فرنا و لا لانوس
 

حضرتك انا ركبت 128 مو 71 ... و 127 ....مو 82 ... اكيد ما كونتش بوديهم توكيل او مركز خدمه
لكن لما جبت عربيه زيرو الوضع اختلف ... اكيد عربيه عامله 30 او 40 الف حتوديها التوكيل
لكن بعد 100000 مثلا ملهاش لازمه
انا مش باتكلم عن اللي جابوا اللانوس من زمان

انا باتكلم عن اللي اشتري دايو لانوس زيرو قريب
وضعه ايه؟؟؟؟

وبالتالي مفيش مصداقيه علشان اروح اشتريها من شيفروليه!!!!


الغريب ان النهارده في ملحق اخبار السيارات اعلان عن النوبيرا 2009 لدايو ( ابو الفتوح )

دي بقى انا مش قادر افهمها!!!!!!!!!!