|
رد: عملاق صينى جديد ( BYD (F3
اقتباس:
|
رد: عملاق صينى جديد ( BYD (F3
الف مبروك واحلى حاجه فى الدنيا انك تحب اللى فى ايديك واللى معاك ربنا يزيدك رضا وهى عربيه فوق الممتازه وانا كنت باتمنى
اشتريها اما عن الشكل والتقليد فانا باقول احنا ليه بندافع عن الهوندا وغيرها ماتخلينا فى اللى قدامنا ونقيمه ونتناقش فيه ولما يبقى عندنا صناعه زى دى نبقى ندافع عنها زى ما احنا عايزين ،، خلى نقاشاتنا فى مميزات وعيوب السياره الصينيه او غيرها حتى استفيد انا وغيرى من هذا النقاش معلومه من مجرب ومشترى ومتعامل مع الوكيل حتى تعم الفائده وتحياتى لكم جميعا |
رد: عملاق صينى جديد ( BYD (F3
اقتباس:
شكراً على الموضوع الممتاز وطالما حضرتك مجرب إسمح لي أسأل بعض الأيئلة: 1- أخبار التكييف إيه ؟؟ 2- كرسي السائق هل هو مريح ؟؟ أنا جربته في المعرض وحسيت إن قاعدته مكفية لقدام حاجة بسيطة وليس بها خيار للتحكم في الإرتفاع ؟ هل هذا صحيح ؟؟ 3- الموتور هل هو فعلاً موتور اللانسر 2007 ال 1600 وبيركبله نفس القطع على ما سمعت ؟؟ 4- أخبار العزل إيه ؟ 5- يتستخدم بنزين كام ؟؟ 6- خامات الفرش والكراسي والبلاستيك أخبارها إيه ؟؟؟ 7- هل جاء عليك الوقت وقلت لنفسك لو كنت جبت لانوس أو فيرنا كان أحسن ؟؟؟ 8- ما هو مستوى أسعار قطع غيارها ؟؟ آخر وأهم سؤال: * بعد تجربة حضرتك لها هذه المدة ما هي أهم عيوبها أو النقاط التي ضايقتك بها ؟؟ سامحني على أسئلتي الكثيرة لأني بفكر أبيع الجولف2 وأشتري بي واي دي إف3 في إنتظار رد حضرتك |
رد: عملاق صينى جديد ( BYD (F3
اخى احب اشكرك على مشاركتك
1- التكييف ممتاز جدا وموزع صح 2- الكرسى مش مكفى ولا حاجة من الممكن ان ترجع الدهر سنة وليس بها خيار للتحكم لاعلى 3- الموتور فعلا موتور متسوبيشى لانسر 2007 1600والصالون تويوتا كرولا 2007 والعفشة تويوتا كرولا 4- مش حكذب عليك الموتور عالى فى السرعات العالية انا جبت بيها 180 بس الصوت مش للدرجة المزعجة اوى ولاكن على 120 الصوت يعتبر معدوم 5- بستخدم بنزين 92 6- الفرش بتاعها انا حسيت انة ضعيف شوية ولاكن جلدة كويس فعملت لها فرش جلد فى مصنع خاص بالتصدير وجلدة حلو جدا تديلة موديل العربية فقط وهو يصنعة مثل الفابريكة بالضبط والبلاستكات جامدة انا حلتها لتركيب سينسور ووحدة رفع وكانو جماد وركبو تانى بدون مشاكل 7 - لا انا اخترت السيارة عن اقتناع وشفت سيارات كتير وانا بشترى وفعلا دى اجمل سيارة شفتها من فئتها 8- قطع الغيار معقولة وسوف انزلك تقرير بيها 9- صدقنى بامانة السيارة جميلة وماصدفنيش بيها اى مشاكل انا سافرت بيها كتير وعلى سرعات عالية لانى مجنون جرى السيارة ثابتة على الارض جدا ومعملتش مشاكل معى للان وانا عامل بيها 11000 بس يعنى مش دى المدة للحكم لسة ومارحتش بيها التوكيل الا لعمل الصيانة وتغيير الزيت فقط ارجو ان اكون فد وفقت فى الرد ولو انت من اسكندرية ممكن افرجهالك لا مانع لدى |
رد: عملاق صينى جديد ( BYD (F3
ألف شكر لحضرتك أنا شفتها في معرض الأمل بمصر الجديدة ومازلت متردد وكلام حضرتك طمني شكراً على تعب حضرتك ربنا يكرمك ويباركلك فيها وفي إنتظار تقييم حضرتك لها بعد 20000 كلم |
| الساعة الآن 01:22 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017