المشاركة الأصلية كتبت بواسطة sayed19 (المشاركة 259413)

يا جماعة أنا معايا العربية من مدة و مش ذى مابيقول الأستاذ خالص .
هى مريحانى جدا جدا وسريعة جدا جدا لدرجة أنى سفرت بيها الغردقة مسافة 500 كيلو من غير ماريح فى اى أستراحة بس حطيط بنزين ورحت فى 4 ساعات ورجعت فى 3.5 ساعة وعربية روعة وجميلة جدا ومفيهاش كل الكلام دة .
الاستاذ واضح انه راح لمعرض واحد نصاب .
وشكرا

المشاركة الأصلية كتبت بواسطة aboelesaad (المشاركة 258864)

المشاركة الأصلية كتبت بواسطة حازم شاهين (المشاركة 258874)

هو فيه إحتمال إنك تكون شوفت عربية متبهدله من المعرض

و 365 كتير على طنطا المفروض حتى لو العربية جاية من المصنع سواقة يبقى عدادها ما يزيدش عن 150 كم معنى كده إن حد فى المعرض ده إستخدم العربية 200 كم

المهم شوف فى معرض تانى أو عند الموزع المعتمد (عيسى)
لكن أنا برضه حاسس إنك مش هتتبسط ﻹنك مستريحتش فى كرسى العربية و إعتبرت الماروتى اريح منه
لو فضلت على رأيك ده فى العربية إصرف نظر عنها فورا و دور على حاجة تانية
أهم حاجة فى شرا عربية جديدة إنك تبقى راضى عنها و فرحان بيها لكن

المشاركة الأصلية كتبت بواسطة egypttoc (المشاركة 259407)

اشكركم جدا يا اخواني علي الاهتمام
انا رحت شفت العربية في معرض تاني و لقيت الحالة بتاعتها احسن بكتير ما عدا عيب تقفيل التابلوة هو فية اجزاء مفارقة حوالي نصف سنتي من ناحية و الناحية التانية راكبة فوق اللي جنبها و مغطياها بربع سنتي او اقل
و لان العربية مكنتش متهانة محستش ان الزراير ضعيفة او التابلوة بدأ يقشر زي ما شفت العربية الاولي
كمان الكبوت كان معدول
وجوانات الباب ماسكة نفسها بس واضح انها ضعيفة
انا عامة حسيت الفرق بين العربيتين حتي في قفلت الباب لاني نسيت اقول ان الاولي بابها كان لازم يترزع علشان يقفل و متاكدتش من كدة الا لما شفت العربية في معرض تاني و لقيت المشكلة دي مش موجودة
و فية حاجة لاحظتها انة فية بعض اجزاء من العربية مدموغ عليها علامة دايو بجوار علامة شيري زي الزجاج الامامي و الاكياس اللي علي الفرش

و للعلم انا اتفرجت علي الاي 10 في معرض تاني بالنسبة للتقفيل فية فرق السما من العما في كل شيء لكن خايف من الاي 10 علشان الماتور اضعف من الاسبرنزا و البتالي مش حتستحمل سفر ولا حعرف اشغل التكييف و انا راكب