مصر موتورز مجتمع السيارات - مبتدئه ومرعوبه هل من مساعده؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - مبتدئه ومرعوبه هل من مساعده؟؟؟؟؟؟؟؟؟ (https://www.masrmotors.com/vb/showthread.php?t=84382)

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة samirayad (المشاركة 652281)

أول مايكون قدامك زحمه ....هتمسكى فرامل طبعا وتمورى

شدى بأه فرامل اليد .........علشان العربيه مترجعش منك للخلف ( على المنزل وتخبطى إللى وراكى )

أو ماتفتح السكه معاكى على الكوبرى أو المطلع

تجيبى الأول وتدوسى بنزين وفى نفس الوقت تكونى بتنزلى فرامل اليد

هتلاقى الأمور ماشيه تمام

--------------------

وبلاش منها الطريقه الأولى فى كلامى السابق

لأنها هتبقى صعبه عليكى شويه حاليا

وخصوصا أنك لسه مبتدئه فى حيل القياده

شكرا ليك جدا على التوضيح. بس هوبعد لما اكون ممورة افضل دايسه ع الفرامل لحد ما اشد فرامل اليد عشان مرجعشى للخلف؟
وياترى الحل ده كويس ولا هتبطل منى واتهزأ بقى:w6w2005041113562663 على كل كوبرى أصل المدرب لما كان بيعلمنى مرضيش يخلينى استعمل فرامل اليد خالص وقالى دى طريقه مش صح وكان عنده اصرار غريب على الطريقه التانيه وطبعا فشلت فيها خالص ومن ساعتها مجربتهاش تانى لانى بامشى فى طريق من غير كبارى دايما:36_1_1[1]:

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة donhorus (المشاركة 652430)

الدوسه على الدبرياج كتير مش حلو على الاسطوانه , الموضوع هايجى ازاى انا بعمل كده عن عن نفسى واقف على الكوبرى والطريق زحمه اعمل ايه اولا بكون ممور ودايس فرامل حلو عايز اتحرك بالترتيب كده هادوس دبرياج على الاخر واجيب الاول كل ده وانا رجلى لسه على الفرامل عشان العربيه مترجعش لورا هابتدى اشيل رجلى براحه اوى من على الدبرياج واشيل رجلى من على الفرامل كده العربيه مش هترجع لورا وهابتدى ادوس بنزين براحه واول ماتبتدى تمشى هاسيب دبرياج على طول

شكرا لردك الكريم بس حاسه الطريقه دى صعبه جدا حاولت مرة مع المدرب وفشلت فشل ذريع والعربيه فصلت منى خمسين مره . بس الحقيقه ده كان فى اول تعليمى ومش عارفه لو جربتها دلوقتى ايه هيحصل ربنا يستر. او مطلعشى كبارى واقفه ولا ايه:w6w2005041113562663

رد: مبتدئه ومرعوبه هل من مساعده؟؟؟؟؟؟؟؟؟

لما تكونى على كوبرى

تعملى الاتى

1- تدوسى فرامل وما ترفعيش رجلك أبدا - تخيلى ان رجلك لزقت فى دواسة الفرامل
2- تمورى العربية - الفتيس فى وضع المور

لما القطيع يتحرك

بمنتهى الثقة والهدوء وقليل من البرود

ترفعى رجلك عن الفرامل

العربية هترجع لورا حاجة بسيطة
مش مهم
علشان الى وراك يتعلم انه ما يلزقشى فيك

علشان كمان هما بيعملوا كده فينا

يبقى لازم انت كمان تعامليهم بنفس المعاملة

والى خايف عن وش عربيته يرجع ويبطل لزقة

- المهم
تروحى واخدة الاول من غير ما تهتمى باللى وراكى

لانك لو ركزتى معاه هتعملى مشكلة

او هتخبطيه

ركزى فى الغيار الاول فقط

بعدين اطلعى

صحيح الى وراكى

هيبقى دمه نشف لانك بترجعى عليه

وممكن يناملك على التلكس

انما بعد ثوانى

هيلاقى عربيتك رجعت تطلع لقدام

هيسكت

تمشى وتتوكلى على الله

هى دى طريقة الحياة فى مصر

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

المشاركة الأصلية كتبت بواسطة الايطالى الصغير (المشاركة 652780)

مع كل احترامي لحضرتك بس مينفعش نعمل الغلط ونقول دي طريقة الحياة في مصر :014FDA~117:
المهم علشان اتفادي الرجوع للورا في الصعود للكوبري طبعا
1- وانا من وضع السكون او حاجة بنضغط علي دواسة الفرامل علي الاخر واسيب فرامل اليد خالص لو كنت شاددها
2- اضغط علي الدبرياش علي الاخر واخد الغيار الاول ( انا كنت ممور طبعا مع فرامل اليد الي كانت مشدودة )
3- ارفع رجلي من الدبرياش بالراحه ومعاها الفرامل بس الفرامل ارفع اسرع من الدبرياش
4- بسرعه اوي الحق العربية بضغطه خفيفه علي البنزين علشان مقاومة العربية في صعود الكبري
علي فكرة في البداية الطريقة دي حتلاقي العربية بترجع منك لورا شوية بس مع الوقت والتعود حتقدري تعملي الموضوع دا بسرعه وبالتالي مش حترجع العربية منك لورا خالص
:hech:

رد: مبتدئه ومرعوبه هل من مساعده؟؟؟؟؟؟؟؟؟

اقتباس:

بس هوبعد لما اكون ممورة افضل دايسه ع الفرامل لحد ما اشد فرامل اليد عشان مرجعشى للخلف؟

كلام سليم

وهو ده الصح