مصر موتورز مجتمع السيارات - ساعدونى فى المطلع ...

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - ساعدونى فى المطلع ... (https://www.masrmotors.com/vb/showthread.php?t=76233)

رد: ساعدونى فى المطلع ...

اقتباس:

عادى جدا انا بواجه بردوا مشكلة فى الموضوع ده بس بقيت بدوس بنزين جامد واشيل دبرياج برحة عشان يدينى عزم قوى (اعتقد ان اللى بعمله صح ):shyy:

نصيحه قلل من الحوار ده وياريت تطلع علي الدبرياج الاول
لان حتة انك تزود بنزين يامه دي وانت دايس دبرياج مع الوقت بتهلك الاسطوانه

كل الموضوع انك حاول تحس العربيه شويه ولو انت لسه في البدايه شد الهاند وارفع رجلك سنه سنه من عالدبرياج لحد متحس انك وصلت لنقطة الفصل او لما تحس ان العربيه بدات تسقف كده ولو نزلت الهاند العربيه مش حترجع معاك ومجرد متدوس سنة بنزين حتلاقيها بتتحرك دي اسلم طريقه عشان متتعبش الاسطوانه:fun_36_3_11[1]:

رد: ساعدونى فى المطلع ...

اقتباس:

المشاركة الأصلية كتبت بواسطة screamseko (المشاركة 598426)

كل الموضوع انك حاول تحس العربيه شويه

اهم حاجه فى الموضوع ده هو الاحساس
ممكن تتدرب عليه عشان تحس امتى العربية بتتحرك لما ترفع رجلك من على الدبرياج خصوصا
يعنى حضرتك وانت على طريق مستوى هات الاول وابدأ برفع رجلك (بتركيز واحساس شديدين) هتلاقى العربية ابتدت تتحرك سنتيمترات بدون ماتدوس بنزين اتمرن على كده كتير لغاية ما رجلك تحس بالدبرياج جدا وكل مم فيه وكذاك اتمرن على تشعيرة البنزينيعنى تدوس شعرة بنزين تقريبا ممترات عشات تحس بالنزين برضه وبعد كده شوف مكان فاضى كده يكون طالع على عالى ولو بسيط وابدأ اطلع واقف وماتخفش لو رجعت "مانت وراك فاضى بقى" واطلع واقف لغاية ما تلاقى نفسك ظبطت رجلك على البنزين والدبرياج والفرامل وبعدها ان شاء الله تلاقى الموضوع اسهل بكتير
وكل شىء بالممارسة وربنا يوفقك