مصر موتورز مجتمع السيارات - الماتور خفيف ارجو النصيحه

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - الماتور خفيف ارجو النصيحه (https://www.masrmotors.com/vb/showthread.php?t=118500)

رد: الماتور خفيف ارجو النصيحه

اقتباس:

المشاركة الأصلية كتبت بواسطة Darkboy_Matrex (المشاركة 916376)

بص الميكانيكى بيقلق الواحد لما يقوله نفك وممكن نلاقى حاجه تانيه طب دلوقتى لو انا جبت الى انت قولت عليه ده هل هذا يكفى ولا ممكن الاقى مشكله جديده طلعتلى
انا العربيه الى معايا هيونداى اكسنت موديل 1999 التكلفه العامه للمطلوب كام؟
شكرا على اهتمامك

لا مش هيطلع مشاكل تانية ان شاء الله لأننا مش هنخرج الموتور اللى هيحصل انه هيتفك مسامير القواعد هيترفع شوية بالكوريك عشان نعرف نفك الكارتيرة الوش هيتفك كله و طبعا السيور هيتفك البساتم و تهتطلع يتبص عليها الكرانك هيتغسل راكب بفرش و رشاش و بلوكة الموتور هنطمن عليها بعد كده نركب الشنابر و الاشمزة و نغير الشمع هنحط الجوان و نخدم شزلونج نقفل و نبداء نحط الزيت و نفتح التاكيهات نطمن عليها و نظبط الكاتينا صح و بالمره هيبان معانا لو فى بلية وحشة بعد كده هنطلع الحساسات و الوصلات كلها ننضفها نجمع تانى و نحط المعزز و نصبر اما الدنيا تمسك و نقوم مدورين الموتور و تبداء التليين

لما تخلص تليين نبقى ننضف الرشاشات و طبعا هنضف الثيروتل و احنا بنشتغل فيها هيا هتاخد يوم كامل اذ لم يكن يومين لكن ان شاء الله ترجع بحالتها اللى جت بيها

المهم فى الموضوع انه ميكونش فى حاجه متأكلة فى البلوكة او الوش

مقدرش افتيلك فى حوار تكاليف الخامات دية لأنها بتختلف من عربية للتانية لكن ممكن اقولك الحاجات المشتركة

1-زيت و فلاتر اعمل حسابك فى 170
2-مية ليون 45 ج
3-سيلكون شزلونج 25 ج
4-معزز الزيت 50 ج
5-جركنين نفط 10 ج
6-بوجيهات 90 ج
7-اسبراى اكيا 15 ج
8-طاقم نظافة الثيروتل 30 ج
9- خرطوم الفايظ 10 ج
باقى التفاصيل معرفهاش بس انت اعمل حسابك فى مبلغ كويس للحاجات دية و متسترخصش اقل من 1000 و اكثر من 400

رد: الماتور خفيف ارجو النصيحه

اقتباس:

المشاركة الأصلية كتبت بواسطة ramy safwt (المشاركة 916279)

متفتحش الموتور خد موديل الموتور و المعلومات بتاعة و ادخل على النت دور على البيسون رينج عشان تعرف المقاس بالظبط و تنزل التوفيقية او شارع دمشق تجيب

مش عارف اخد الموديل ومعلومات الماتور ازاى ؟؟؟؟؟

رد: الماتور خفيف ارجو النصيحه

اقتباس:

المشاركة الأصلية كتبت بواسطة ramy safwt (المشاركة 916279)

فى ناس بتعدل عربياتها و بتعمل موبينة لكل بوجيه ! و تحط اجنيشن امبليفير كمان تخيل الكهرباء بقى و المكن ماشى ما شاء الله

متفتحش الموتور خد موديل الموتور و المعلومات بتاعة و ادخل على النت دور على البيسون رينج عشان تعرف المقاس بالظبط و تنزل التوفيقية او شارع دمشق تجيب

1-طاقم شمبر و سيرفيس على الاشمزة
2- جوان وش سليندر يركب نضافة
3- انبوبة شزلونج " سيلكون عضم "
4-جركن زيت شيل هيليكس 5000
5- جركن ميه خضراء ليون
6- معزز زيت موتور المانى
7- طاقم نضافة الثيروتل
8- جوان الكارتيرة لأننا هنفكها
9-لو تقدر تجيب سير الكاتينا و الدينامو
10- تجيب جيركنين نفض "اوكتان"
11-اسبراى اكيا 90 تنضيف وصلات كهرباء
12-طاقم بوجيهات 3 شمعة
13-فلتر هواء
14-خرطوم فايظ جديد

لم الليلة دية و ترتب معايا فى الويك اند ان شاء الله هنجدد الموتور ده لحالة اللى جه بيها من التوكيل الواجب ده هدية و مفيهوش فلوس

موبينة لكل بوجيه دي مكلفة اوي يا باشا
و بعدين المعلومات بتاعت العربية دي بترجع لنوع العربية و مدي تواجد المعلومات الكافية عنها و علي الأقل تكون موديل حديث شوية لسهولة توافر المعلومات الكافية

اقتباس:

المشاركة الأصلية كتبت بواسطة احمد على 1999 (المشاركة 916375)

محدش حيعرف غير لما يفك و يشوف

كلام صحيح فعلن لازم نفك عشان نحدد إيه المطلوب

اقتباس:

المشاركة الأصلية كتبت بواسطة Darkboy_Matrex (المشاركة 916373)

اولا الف شكر على اهتمامك
ثانيا لو انا حبيت احل المشكله دى نهائيآ قبل ما تزيد معايا ايه المطلوب
موضوع العمره او النص عمره بسمع كتير ان الماتور لما يتفتح عمره مابيرجع لحالته تانى
ايه المطلوب منى اعمله بدل ما الميكانيكى يفتحلى فاتحه ومقدرش عليها مع العلم ان البوجيه الاول هو الى بيعرق والباقى سليم مفيش دخان بيخرج من الشكمان بس انا شامم ريحه الزيت المحروق عند السرعه بدون دخان ابيض
فهل طقم الشنبر يكفى ولا مطلوب حاجه تانيه

بص يا باشا

من وجهة نظري الشخصية أن مفيش حاجة اسمها نصف عمرة و ربع عمرة و عمرة كاملة

طالما إنت فكيت الموتور حتة حتة كله يبقي دي إسمها عمرة كاملة
لأنك هتنظف كل الأجزاء كويس
حتي و لو هتغير أجزاء بسيطة مثلا

أما عن موضوع الموتور يرجع لحالته أو لا
دة مش مضبوط خالص
إنت طالما فكيت الأجزاء كلها و نظفتها و شوفت إيه اللي محتاجه و صرفت صح .. يبقي خلاص تمام
بشرط إن يكون معاك ميكيانيكي فااااااااااااااااااااهم و بيقفل صح عشان مايحصلش حاجة غلط لقدر الله مثلا

و علي فكرة أنا بعمل عمرة للموتور بتاعي بالكامل بنفسي
و فكيت الموتور قطعة قطعة و نظفت كويس و عملت شغل عالي الحمد لله و شوفت بنفسي غيه إللي محتاج تغيير و غيرته كمان .. التجربة ممتعة جدا و شيقة
و قريبا سأضع كل التفاصيل مع فيديو مصور بكل تفاصيل الفك و الحل و التركيب و الطرق و الوسائل لذلك

اقتباس:

المشاركة الأصلية كتبت بواسطة Darkboy_Matrex (المشاركة 916377)

شكرا على اهتمامك استاز احمد
فى واحد اعرفه قالى سد الشكمان لو العربيه برجلت وفصلت يبقى الماتور عايز عمره ولو العربيه مابطلتش يبقى الماتور سليم وسد الشكمان والعربيه مابطلتش
المشاكل الاساسيه الى عندى فى العربيه بلية الكاتينه عايزه تتغير + دسك واسطوانه
لان العربيه كنت بقرص عليها جامد ممكن يكون فى حجر تحت العربيه اقوم قارص وطالع منه ف ممكن ده يكون من العوامل الى بتاثر على خفة الماتور ولا دول موضوع منفصل البليه والدسك وهل الشنبر يكفى لحل المشكله ولا ممكن الاقى مشاكل تانيه فى الماتور
شكرا لاهتمامك

أول مرة أسمع عن موضوع سد الشكمان دة و الله أعلم برده بصحة هذا الكلام و لكن
البعض يقول إن العربية في أول دوارة لو خرجت مياة من الشكمان يبقي الموتور حالتة ممتازة مثلا
و لو في دخان يبقي الموتور مش تمام

* سير الكاتينة ضروري تغييره طالما فكيت الموتور حتي و لو حالته كويسة
دي نقطة مافهاش كلام

* الديسك و السطوانة و البلية لازم الطقم علي بعضه جديد لانج لو إنت ما غيرتوش قبل كدة و لو حالتهم سيئة مثلا

* الشنبر لوحده ليس الحل الكافي للمشكلة .. في حاجات لازم تشوف حالتها طالما فكيت زي (الكرنك و السبيكة و البساتم و البيلات و الكامة و الشواكيش و عمود التاكيهات و الصبابات) الموضوع كبير .. انا عن نفسي لما فكيت الموتور عندي لقيت كل القطع دي سليمة الحمد لله

اقتباس:

المشاركة الأصلية كتبت بواسطة ramy safwt مشاهدة المشاركة
متفتحش الموتور خد موديل الموتور و المعلومات بتاعة و ادخل على النت دور على البيسون رينج عشان تعرف المقاس بالظبط و تنزل التوفيقية او شارع دمشق تجيب

أعتقد صعب يا باشا نعرف الموضوع دة إلا بعد الفك اولا و ناخد البستم الرابع و تروح لبتاع الشنابر يجيب نفس المقاس
لأن ممكن مقاسات النت تخدعك و الله أعلم بحالة البساتم و هل تحتاج فرش تحت الشنبر و لا لاء مثلا

و صعب جدا جدا تحديد المطلوب من القطع الغيار إلا بعد الفك
ماينفعش نشتري اي قطعة غيار إلا بعد الفك و التنظيف كمان

ROSE4U ROSE4U ROSE4U ROSE4U ROSE4U ROSE4U ROSE4U

رد: الماتور خفيف ارجو النصيحه

اقتباس:

المشاركة الأصلية كتبت بواسطة Darkboy_Matrex (المشاركة 916377)

لالالا روح قرط على وش السلند وراجع على الاولسيلاات والجونات احتمال كبير يكون نقص الزيت من الاولسيلاات ومفيش حاجة اسمها سد الشكمان تبطل يبقى خفيف ايه ياترىلو المتور واطى وسديت الشكمان هيبطل حتى لو سليم طالما مفيش قطع بجوهات مستمر او دخنة بيضة من الفايظ يبقى المتور سليم حتى لو فيه تعريق خفيف ممكن تقريط وش السلندر يمنعو والدنيا تبقى كويسة جرب مش هتخصر حاجة تقلهم للميكانيكى بالحرف قرط على وش السلندر وراجع عالجونات والاولسيلاات وبس اى خدمة :fun_36_3_1[1]:

رد: الماتور خفيف ارجو النصيحه

هو الموضوع مش سد الشكمان لان مفيش حاجة اسمها سد الشكمان لانه في جميع الاحوال هيبطل لكن فيه اختبار اسمه اختبار الورقة ودي صورة التفاصيل

ملف مرفق 12771

ملف مرفق 12770

ودا اختبار مفيد جدا للميسفير وصبابات العادم واختبار نظام العادم كله

والله اعلي واعلم