مصر موتورز مجتمع السيارات - ثبات الالنترا 2012 !!!

مصر موتورز مجتمع السيارات (https://www.masrmotors.com/vb/index.php)

- Hyundai Elantra - النترا (https://www.masrmotors.com/vb/forumdisplay.php?f=134)

- - ثبات الالنترا 2012 !!! (https://www.masrmotors.com/vb/showthread.php?t=72127)

رد: كده هتورث السيراتو فى المشاكل والمصايب !!

اقتباس:

المشاركة الأصلية كتبت بواسطة cars admire (المشاركة 553474)

خد بالك من نفسك وربنا يستر طريقك!!!

ربنا يخليك يا رب يا ريس وشكرا على دعوتك وان شاء الله نتعود على ثبات العربية ونقدر نتقلم معاها ونرودها :)

رد: ثبات الالنترا 2012 !!!

اقتباس:

المشاركة الأصلية كتبت بواسطة د.كمال (المشاركة 553479)

معقول عربيه بالسعر ده والتعليق الخلفى متصل ......حتى وسائل الامان وساده واحده فقط .......ربنا يرحمنا من التوكيلات التعبانه دى

شوف انا هقول لسيادتك بكل امانة عشان مانبخسش الناس حقها ولا حد ياخد حقنا

هى العربية مميزتها كتير زي الشكل الراحة الوسع سهولة فى الحصول على قطع الغيار اقتصادية فى البنزين

السعر يعتبر عالي نوع ما لو قارنها بالاوبشن بالفئات التانية

الثبات طبعا متواضع وخاصة على سرعة

دة رايي بكل امانة

بس خالينا نستنا شوية عشان نقدر نحكم على السيارة صح

رد: ثبات الالنترا 2012 !!!

اقتباس:

المشاركة الأصلية كتبت بواسطة HEKAYA (المشاركة 553810)

أنا راكبها العربيه فعلا الرول أوفر عالى أوى..الفرامل ضعيفة نسبيا اذاقورنت باللانسر البات مقارنة باللانسر لأنى كنت راكبها فوق ال 120-170 اللانسر أفضل 1000 مرة....كذلك abs..التسارع و الكماليات و الحداثة لصالح الانترا

:shyy:

انا اللي معايا ABS بس انا شايف فراملها ممتازة بكل امانة

رد: ثبات الالنترا 2012 !!!

اقتباس:

المشاركة الأصلية كتبت بواسطة tamer.koko (المشاركة 553851)

الالنترا مش بتعوم اووي كده ياجماعه زي ما بتقولوا هو اي كلام وخلاص نمشي ورا اولا استاذ هاني نازل من جولف وكل اللي راكب الماني ايا كان الالنترا مش هتملي عنيه ثبات ولا هتعجبه ده اولا ثانيا نفس الكلام الاونطه سمعناه اول ما الانترا الشكل اللي فات نزل علي الثبات والباور الخفيف وبعد كده اثبتت كفائه غير عاديه

شوف ا/ تامر دي اول مرة اركب فيها كوري للامانة
بس مع الجولف فور كنت فعلا باستمتع بالملفات على سرعات عالية وحتى اتذكر ان لما كنت بتسابق مع حد كنت باصطادة فى الطريق اللي كلة ملفات لانى باكون عارف ان الغلبة ليا بفضل ربنا :) بس فا وانا مسافر بيها اخر مرة قلت اجرب العربية عامة
التسارع بتعها جميل جدا وثابتة فى الاستريت لو الطريق ناعم
لاكن فى الملفات العاصية بدأت احس انها بتعوم منى ودة خلاني اكون حذر وماتعملش معاها زي الجولف 4 فى الملفات

لذا خالينا نتكلم بوضوح العربية ممتازة فى كل حاجة بس النقط اللي محتاجة نقف عندها الاتي
- سعر السيارة مقارنة بالكماليت المتوفرة فى السيارة و الاخص بوسائل الامان لان وسائل الامان الاختيارية فيها تعتبر هامة (ايرباج - abs )

- ثبات السيارة فى السرعات العالية فى الملفات

بس فا انت الان اودامك انك الاختيار و المقارنة بين كل مميزات السيارة وبين النقطتين اللي اشارت ليهم دول
اتمنى انى اكون افادت ولو بقليل
ودة رايي بدون اى تحيز

طيب هايراودك سؤال هنا وهاتقولي طيب يا عم هاني انت قررت اية بعد ما عرفت عيوب السيارة

اقولك قررت انى استمتع بمميزات السيارة وواتفادى عيوبها عن طريق انى اكون حذر فى الملفات و الطرق الغير ناعمة وبوجة عام سرعة 120 مش قليلة بردة

بس كدة
:)

رد: ثبات الالنترا 2012 !!!

اقتباس:

المشاركة الأصلية كتبت بواسطة احمد على 1999 (المشاركة 553407)

رايى العربية سليمة و فعلا زى ما حضرتك بتقول فلازم تتاقلم مع العربية الجديدة
بالاخص ان الالنترا الجديدة التعليق الخلفى تورشين بار (دنجل) مش تعليق منفصل زى الالنترا القديمة

لو الكلام دة صح تبقى كارثة !! العيب دة سبب كل كوارث السيراتو و لو كدة تبقى القديمة اكثر اماناً و أنعم من الجديدة