رد: مركز إي سي يو كوماندور (Ecu Commander) - لخدمة إلكترونيات السيارات
 

جبت المفتاح منين؟
أنا الرسالة الي وصلتني منك الأول بتقول إنك جبت المفتاح من التوكيل

على العموم أيوة نقدر نعرف المفتاح الجديد للعربية - بالنسبة للتكلفة، مقدرش أقولها بالظبط لأن فيه أمر شغل حيتفتح حسب الوقت والمصنعية والوظيفة المنفذة

ولك كل الاحترام

رد: مركز إي سي يو كوماندور (Ecu Commander) - لخدمة إلكترونيات السيارات
 

ممكن تبعتلي على الخاص رقم شاسيه العربية بالكامل. مكون من 17 حرف ورقم وموجود على الزجاج الأمامي

رد: مركز إي سي يو كوماندور (Ecu Commander) - لخدمة إلكترونيات السيارات
 

أنا بعت لحضرتك علي الخاص ... أنا جبت المفتاح من الوكيل السعودي لإن العربية خليجي ... بس أنا الحقيقة عايز أعرف التكلفة تقريبا لأن في مركز تاني عرض علي البرمجه فعايز أقارن بين السعرين مع العلم إن الوكيل بيعمل البرمجه ب100 جنيه ... ده مش معناه إنك تعملها زيه بس ما يبقاش الفارق كبير .... ياريت تدي أسعار تقريبية لأن ده يعملك سوق أفضل GIFT4U

رد: مركز إي سي يو كوماندور (Ecu Commander) - لخدمة إلكترونيات السيارات
 

بمنتهى الأمانة لو الوكيل قال لحضرتك 100 جنيه علشان تكويد المفتاح... لا تتردد ثانية وروح التوكيل فوراً

ولك الاحترام والتقدير

رد: مركز إي سي يو كوماندور (Ecu Commander) - لخدمة إلكترونيات السيارات
 

يا أخي ... إنت عجيب ... بترفض تدي أسعار وزعلت من السعرإللي قولتهولك ... وبعدين عايز أقولك علي نصيحيتين ..بس أحب أعرفك تخصصي إيه ... أنا إستشاري تصميم نظم ودراسات الجدوي ودراسات سوق الأسهم ( البورصة ) ..
أول نصيحة ... الويب إللي حضرتك ذكرته لم يعرفني من أنتم ولا إمكانات المركز الفنية ولا تجهيزات مكانك فلو عندك صور لورشتك أو مركزك كما ذكرت يستحسن تحطها ده ها يساعدك كتير في الإقناع والتسويق.... ويعطي ثقة أكثر في كفاءة وقدرة المكان لكن بصراحة صفحة الويب ضعيفة وبدائية جدا .... والعنوان المذكور فيها مجرد إيميل ... المركز بتتوفر فيه دايما تليفونات وحضرتك بتقول لازم الحجز المسبق وحاطط رقم موبيل ... كلها مؤشرات سلبية

ثانيا : المركز لما بيكون له سيستم شغل زي ما حضرتك بتقول وبيتفتح أمر شغل يبقي لازم فيه أسعار للأمور المقطوع بيها زي برمجة المفاتيح ... وخلافه وبخاصة إن معظم الأعمال إللي حضرتك حاططها اليكترونيه ومشاكل معروفة سلفا ... يعني لازم يكون عند حضرتك سعر تقريبي للخدمه وتترك جزء لقطع الغيارأو أجر العمل الإضافي ...لاكن أجيلك من أخر الدنيا عشان تعملي أمر شغل ها تحددلي فيه السعر إلللي ممكن أقبله أو أرفضه وأدب نفس المشوار تاني مش منطقي
وبعدين حتي الوكيل لما بتقوله صيانة كذا تتكلف قد إيه تقريبا بيقولك قبل ما تروح في التليفون

تعالي بقه لموضوع ال100 جنيه ... هو الوكيل حرامي ... يعني قلي المفتاح 1200 جنيه وبرمجه 100 وطبعا أنا عارف المغالاه في أسعار الوكلاء أنا جبت المفتاح بأقل من كده كتير من وكيل برده لعربيات كيا بس نقول إيه في جشع وإحتكار الوكلاء المصريين .... وإتعرض عليا برده برمجه المفتاح من ناس من عند الوكيل بس بره الوكيل وبسعر .. مش وحش .. طبعا مش ها أقولك عليه ... بس الكلام أخد وعطا .... أنا حبيت أفيدك أرجو أن أكون أفلحتGIFT4U