المشاركة الأصلية كتبت بواسطة هانى عيسى حسان (المشاركة 812717)

بص يا باشا الرينجات دى رخصيه مش هتعدى ال15 جنيه اما بالنسبه للون الاسود اللى هيترش بيه لان هو ده الاسموك وهو ده اللى نازل على افخم انواع السيارات وهو ده اللون الطبيعى وعلى العموم انا الفوانيس اللى عندى هى جايه اسموك اسود بتاعه الجوليت الاوريجنال اللى جايه مع العربيه وشكلها جامد جدا سواء بليل او بالنهار

المشاركة الأصلية كتبت بواسطة هانى عيسى حسان (المشاركة 812652)

بص يا باشا الخطوات معروفه المشكله بس بما انك معندكش خلفيه بالموضوع فده ممكن يخليك تكسر حاجه او تبوظ حاجه عن غير قصد ساعتها هتكلف نفسك بجد
على العموم اول خطوه هى انك تفك وش الفوانيس
ثانيا:انك تفك الوش النيكل اللى جوه الفانوس هتلقيه مربوط ب3 مسامير فى الباغه اللى انت هتفكها
ثالثا:هتجيب القطعه النيكل دى وترشها باسبريه مط اسود
رابعا هتجيب رينجات وتسبتها داخل العاكس بتاع النور من الداخل اهم حاجه التسبيت الكويس جدا والرينج اللى هيتحط لازم تخلى بالك من مقاسه علشان ميلغيش العاكس ويثر على النور الواطى والعالى
المشاكل اللى انت ممكن تقبلك
1: كسر فى الوش وانت بتخلعه فلابد من توخى الحذر وانت بتفك
2:التسييل اللى ممكن يحصل منك اثناء الرش علشان كده لازم تخلى بالك انك هترش من مسافه على الاقل 30سم او 40 سم والرش يكون عباره خطوط متساويه بالعرض حتى تحصل على نتيجه ممتازه
وبعدها هتجيب انبوبه سيلكون وتبداء تجمع الوش تانى بعد ما تنشف القطعه النيكل اللى هى بقيت اسموك وتجمع الفانوس تانى ومبروك عليك الفانوس الجديد وطبعا متنساش تشيل مكان السيلكون القديم
ولو عايز اى استفسار تانى انا تحت امرك