|
رد: مساعدة ،، تركيب تربو لفلوينس 2012
اقتباس:
لو مش هتبيع العربية و محتفظ بيها لفترة طويلة اعمل التربو اللى على خط الدينامو - لو ممكن تبيعها كمان سنة ولا اتنين خليك فى التربو الكهرباء عشان لو حمرق معاك فى الفلوس سهل تفكه فى ثوانى و تشوف حد تاني ليه نفس مواصفاتك يشتريه منك و يعيد برمجته بس او حتى تشترى نفس مواصفات الموتور و تعيد برمجته على العربية اللى بعدها من وجهة نظر تقنية التربو الكهرباء سهل التحكم به و بسرعته عكس التربو اللى على سير الدينامو اللى هيفضل شغال معاك على طول من وجهة نظر السائق لو السائق محترف هيفضل الكهرباء لأنه بيكون عنده خيارات كتير زى السرعات و التبريد و امتى يشتغل و امتى يقف لو السائق مبيحبش يفكر كتير هيختار اللى على سير الدينامو لأنه زى ما وضحت بيفضل شغال مع نفسه لو السائق مزيج بين الاتنين هيخلى التربو كهرباء بس بحساس اضافى و يشغل نفسه اوتوماتك على السرعة المطلوبة طالما السائق اعطاه الوضع اون و هو يوطى و يعلى مع نفسه من وجهة نظر المكينة التربو اللى على سير الدينامو هيضحى بجزء من طفيف من قدرة التكييف و الدينامو لكن هيعوضهم اضعاف بالزيادة اللى هيحققها برفع معدلات الحرق التربو اللى كهرباء هيضحى بجزء من طاقة البطارية 5 % كحد اقصى مقابل انه هيدى زيادة فى قدرة المحرك و معاه قدرة الشحن لأنه طبيعى هيدور الدينامو بسرعة اكبر من وجهة نظر الموتور مقدار تدفق الهواء المنتظم غير مربك للمكنة لكنه مرهق على المدى البعيد فى الحر لأن الموتور بيحتاج يبزل مجهود على قد المتاح مش اكتر من المتاح مقدار تدفق الهواء عند الحاجه اللى بيوفره تربو الكهرباء بيريح المكنة و بيحافظ على عمر اطول ليها لكن فى المقابل لازم السواق او البرنامج يختار التوقيت المناسب عشان ميربكش الموتور من وجهة نظر طرمبة البنزين وجود تربو عموما مع وجود اير ماس فلو هيخلى الطرمبة تشتغل بمعدلات اكبر من الطبيعى لأنها ببساطة بتزود ضخ بنزين مع زيادة معدل الهواء للحفاظ على نسبة معينة كمبيوتر العربية ملتزم بيها " الطاقة لا تفنى ولا تستحدث من عدم " زيادة القدرة معاها زيادة الاستهلاك وجود التربو عموما من غير وجود اير ماس فلو هيرفع قدرة الحرق لأقصى درجة لكن مش هيزود عزم رهيب او تسارع زى ما الاير ماس بيكون موجود لأنه هنا هيعتمد على رفع كفائة العملية دون زيادة فى الوقود و ده مزعج احيانا و مش هتحس بالفرق الكبير الخيار اللى بيتعمل انه بيضاف كونترولر تانى بأير ماس مخصوص و طرمبة خارجية اضافية ترفع هيا البنزين مع زيادة الهواء و ده فى حالة عدم تجهيز العربية بالأير ماس و ده فى العربيات القديمة بالنسبالك انت تحديدا " معندكش مشاكل فى الاير ماس ولا التأثير السلبى على المكنة مشكلتك انك هتلغى العمة بتاعة الهواء زى ما شرحتلك و هيركب بقواعد خاصة فى الحوض بتاع العربية ده لو كهرباء و لو على خط سير الدينامو فهيركب من تحت و الاكصدام هيخفى وجوده و مش هيوصل لمستوى الخطر مع المطبات اذا كان ده مصدر قلق عندك هيرفع الاحصنة قد ايه دية مقدرش افتى فيها بدون قياسات لكن عموما لما يتعمل صح هيجيب اقصى حاجه ممكن تتحملها المكنة بتاعتك يا ريت لو انت مهتم فعلا تجيلى على مدينة العبور او اجيلك اوصل معاك من وسط البلد و ننزل الجراج نرفع العربية كلها و نقيس بالكمبيوتر و نخلى العربية تجيب اقصى سرعة ليها و هيا مرفوعة و بدون مقاومة على العجلات |
رد: مساعدة ،، تركيب تربو لفلوينس 2012
اقتباس:
انا فعلن مهتم بالموضوع دة وكنت عايز اعمله من زمان بس ناس كتير قالتلى التيربو هيبهدلك ماتور العربية خصوصا انها لسة زيرو و كدة و محدش نصحنى بيه فحبيت اسأل حد فاهم علشان مضرش مكنة العربية عمومن انا ممكن اجيلك العبور قريب ان اء الله لان هروح التوكيل علشان اعمل صيانة ، هيا المشكلة بس ان انا من راس البر فا مش سهل انى انزل العبور بسرعة ،، بس زى ما قولتلك هنزل العبور قريب لو مش الشهر دة هيبقى الجاى بس قولى هوصلك ازاى فى العبور ، مكان شغلك فين و انا اجي لحضرتك ؟ |
رد: مساعدة ،، تركيب تربو لفلوينس 2012
اقتباس:
كلام الناس ده لا بيودى ولا بيجيب و احيانا بيلبس الواحد فى الحيطة لما تنوى كلمنى على الخاص هديلك رقمى و العنوان بالظبط العبور عموما طريق اسماعلية صحراوى هو انت لسه فى الضمان ولا خرجت منه عشان التعديل ولو تغيير بطارية حتى ممكن يخرجك من الضمان |
رد: مساعدة ،، تركيب تربو لفلوينس 2012
اقتباس:
ايه رأى حضرتك ؟ |
رد: مساعدة ،، تركيب تربو لفلوينس 2012
k9 من غير تربو k9k بتربو نازل مع العربية - وعشان كده انا هقول الموضوع بالتفصيل بس انا بره دلوقتي لما ارجع ان شاء الله
|
| الساعة الآن 03:26 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017