رد: مشكلة فى سيينا 1400 ارجو الرد
 

دا أنت منظف البوابه فعلا

يبقى كده أمامنا خلل فى منظومة هواء السلانسيه

زى بلف الأيدل

أو لاقدر الله

ممكن يكون فيه عيب فى الرشاشات

وده أجله للنهايه على ماتنظف البلف

وتجرب

ولو النظافه للبلف كمان مجبتش نتيجه

ممكن تحتاج لتغيير البلف نفسه

وبرضه لسه مازال دور حساس البوابه محتمل

------------------

يعنى عندك حاليا 3 إحتمالات

رد: مشكلة فى سيينا 1400 ارجو الرد
 

برضه فيه سؤال

هل التبطيل على السلانسيه ده

كان قبل ولا بعد تغيير السيور دى

إللى أكيد منهم سير الكاتينه

رد: مشكلة فى سيينا 1400 ارجو الرد
 

شكرا جدا يا اخ سمير على المعلومات ديه انشاء الله هخلى الميكانيكى ينضف البلف ده لما ابقى اروحله مع انى سأله قبل كده ممكن يكون حساس الأيدل كنترول قال لا و بالنسبة لموضوع السيور ده كان سيرفيس عادى وكانت موضوع الرعشة من قبل ما اغيره واستمرت بعد ما غيرته

رد: مشكلة فى سيينا 1400 ارجو الرد
 

يبقى سير الكاتينه بره الموضوع

وشوف ميكانيكى تانى

فإحتمال تكون إمكانياته فى التعامل

مع مشاكل السيارات الحديثه محدوده

رد: مشكلة فى سيينا 1400 ارجو الرد
 

يا جماعة انا روحت للتوكيل وكشفت كمبيوتر على العربية
وقالى سبب النتشة والتبطيلة كذا حاجة ومحتاج الأتى
- 2 موبينة
- حساس الشكمان
- طقم بوجيهات اصلى مع انى مغيره مرتين ومش عارف يعنى مفيش اصلى الا عندهم ؟
- رم للضفيرة لآن فيها اسلاك ترتيبها مش سليم ومنها مش ملحوم كويس
- طقم دبرياج
وقالى العربية بتسخن لآن المفروض المؤشر بتاع الحرارة ميعديش الشرطة التانية
وبيقول ممكن يوصل للشرطة التالتة مع ال 1600 بس لكن ال 1400 سى سى ما يعديش الشرطة التانية هل الكلام ده سليم يا جماعى
انا بعدى النصف بشوية لما اشغل التكييف ومن غير التكييف النصف اللى هى الشرطة التالتة
وقال السخونة من اسباب الرعشة والنتشة
وقال فيه تسريب فى دورة الميه وقالى لازم اكشف عليها

وهل السيينا 1400 فيها بوبينة ولا مشط وهل فعلا فيها 2 بوبينة ؟

يا جماعة يا ريت حد يساعدنى لآن كده التكلفة كبيرة
وهل اعمل الحاجات ديه ولا لا ؟ ولا اروح لحد بره يعملها واجيب الحاجات ديه استيراد وخلاص ؟

واخر مرة انا روحت للميكانيكى تانى وظبط برده البنزين على السلانسيه والمشكلة اتحلت ورجعت تانى بعد يومين
وانا خايف اعمل كل الحاجات ديه وادفع كتير المشكلة ترجع تانى
ارجو المساعدة