رد: سعر فلتر البنزين و الهواء و سير الدينامو أوكتافيا a4 النهارده في شارع دمشق
 

أنا فعلا كنت هعمل كدا بس أنا جبت الفلاتر و سير الدينامو و الكاتينة و روحت للميكانيكي خليته يسيب شغل في عربية تانية علشان يركبلي حاجتي فقالي بص أنا مش هقدر دلوقتي أعملك غير الفلاتر و سير الدينامو لكن سير الكاتينة تعلالي بكره علشان كان عنده شغل كتير اليوم دا .. بس عادي الحمدلله الموضوع عدي علي خير و مش فارقة يا معلم

رد: سعر فلتر البنزين و الهواء و سير الدينامو أوكتافيا a4 النهارده في شارع دمشق
 

السلام عليكم

آسف على التأخير بسبب ظروف الشغل والالزهيمر بسبب السن. شوف يا سيدى شوية الأسعار دى: (السعر الأول من محل فى شارع فيصل والسعر الثانى من محل الصياد فى شارع التحريرفى الدقى والسعر الثالث من محل أبو الحسن فى شارع المرور فى الدقى وكلها أصلى أو المانى)

طقم تيل فرامل أمامى: 350 / 360 / 380
طقم تيل فرامل خلفى: 280 / 280 / 600
شداد كاتينة: 320 / 195 / 300
شداد دينامو: 350 / 270 / 375
سير كاتينة: 150 / 145 / 250
سير دينامو: 110 / 120 / 250
فلتر زيت موتور: 50 / 65 / 45
فلتر زيت جيربوكس أوتوماتيك: 70 / 85 / 240
فلتر بنزين: 60 / 120 / 65
فلتر هواء: 70 / 95 / 110
فلتر تكييف: 60 / 85 / 85
زيت أوتوماتيك: -- / 140 / 95 المانى و135 أصلى

أسعار توكيل وهدان بالدقى بعد الخصم وقبل ضريبة مبيعات: (السعر الأول لقطع الغيار والسعر الثانى للمصنعية)

طقم تيل فرامل أمامى: 493 / 160 (المصنعية شامل التيل والطنابير)
طقم تيل فرامل خلفى: 329 (المانى وليس أصلى) / 81
طقم طنابير أمامى: 381 / (المصنعية مع طقم تيل الفرامل الأمامى)
شداد كاتينة: 329 / 380 (المصنعية شامل الشداد والسير)
شداد دينامو: 329 / 58 (المصنعية شامل الشداد والسير)
سير كاتينة: 252 / (المصنعية مع الشداد)
سير دينامو: 255 / (المصنعية مع الشداد)
فلتر بنزين: 78 / 35
زيت أوتوماتيك: 125 أصلى / لم يتم تغييرة فى التوكيل
طقم بوجيهات: 180 / 50
جالون مياة رادياتير حمراء (موبيل): 53 / 35
عدد 2 لمبة تابلوة بدون كعب: 8
عدد 10 أفيز بلاستيك: 50
سرفيس شامل: 105
قراءة نظام بالكمبيوتر: 50
مراجعة أنوار وفيوزات: 15
أعمال خراطة مسمار قاعدة شداد الكاتينة: 70

اجمالى ما سبق من قطع غيار ومصنعيات (ما تم دفعة بخلاف الأكراميات) عند التوكيل بعد الخصم وبعد ضريبة المبييعات: 3920 جنية مصرى

من أوريجينال كار بالاسكندرية:
كشاف أمامى "ديبو" تايوانى: 240
فانوس خلفى أسبانى: 140
فلتر تكييف المانى: 65

من محل ممدوح مبروك غطاطى بشارع فيصل:
بطارية جافة NG Aqua تركى موديل TD70L مع ترك البطارية القديمة: 380
كاوتش Bridgestone B250 أندونيسى مقاس (195/65R15) شامل التركيب: 450 (91H)
ملأ الكاوتش نتروجين بدل الهواء: 25 (5 فرد)

بس يا سيدى عايز اية تانى؟

هشام باهى

رد: سعر فلتر البنزين و الهواء و سير الدينامو أوكتافيا a4 النهارده في شارع دمشق
 

طبعا إنتا كاتب كلام جااااااامد جدا و جايب معلومات كويسة و المجهود واضح بس عايز أقولك إني بجيب قطع غيار أصلية أرخص من كدا يعني مثلا :
سير الكاتينة الأصلي بجيبه سعره 140 جنيه و المصنعية 40 جنيه
فلتر الزيت الأصلي 35 جنيه
سير الدينامو 90 جنيه

دا في شارع دمشق بس مش فاكر إسم المحل

و أشكرك كتييييييير علي المجهود العظيم دا

رد: سعر فلتر البنزين و الهواء و سير الدينامو أوكتافيا a4 النهارده في شارع دمشق
 

شكلى حعزل وأسكن فى شارع دمشق قريبا ... أرجو أن تستطيع الحصول على اسم وعنوان ورقم تليفونات المحل الذى تتعامل معة قريبا تحسبا لقرب صيانة ال70000 كم بعد شهر تقريبا (على معدل استهلاكى اليومين دول).

مع جزيل الشكر يا بدر باشا.

هشام باهى

رد: سعر فلتر البنزين و الهواء و سير الدينامو أوكتافيا a4 النهارده في شارع دمشق
 

شكرا على الافاده والاسعار