رد: والله احوالك عجب يا مصر
 

ده طبعاً غير قطاعات الطرق والنقل البحرى والجوى والنقل عبر نهر النيل اللى اندثر خلاص

يعنى من الاخر سيادة الوزير كان قاعد فى طابونة مش وزارة

واخيرا قرار الاقالة او قبول الاستقالة قرار سياسى فى المقام الاول قبل ما يكون ادارى

رد: كارثة قطاري العياط ومسلسل نزيف السكك الحديدية في مصر
 

الإهمال.. القاتل الأول فى كارثة قطار العياط

مفاجأة فى حادث العياط عامل التحويلة ترك مكانه وسائق القطار صاحب سوابق



جثث فوق بعضها، وطالب يحتضن أجندته، وسيدة توشك رأسها أن تنفصل عن الجسد، وأشلاء بشرية مبعثرة هنا وهناك.. مشاهد مروعة تفطر القلب فى حادث تصادم القطارين بمدينة العياط ونحن فى نهاية العام 2009.

التحقيقات الأولية فى الحادث أكدت أن عامل التحويلة سيد عدلى محروس المنوط به تنظيم حركة القطارات أثناء تعطلها لقى مصرعه بعد أن استقل القطار رقم 152 وترك مكانه، مما تسبب فى الكارثة، وأوضحت التحقيقات أن العامل استقل القطار مبكراً عن موعده وترك عمله وكان من المفترض أن يبلغ عن تعطل القطار.

وتضاربت الأنباء حول الحصيلة النهائية لتصادم القطارين، حيث قالت وزارة الصحة إن الحادث أسفر عن مصرع 18 شخصاً وإصابة 39 آخرين فيما أكد شهود العيان والأهالى أن عدد القتلى وصل إلى 50 شخصاً بينما أصيب 56 آخرون.

وأكدت المعلومات أن أمير حليم سائق القطار رقم 188 المتجه إلى أسيوط قام بتحرير محضر بمحطة أبوالنمرس بتعطل جهاز التحكم الأتوماتيكى للقطار (a.t.c) المسئول عن التحكم فى سرعة القطار طبقا لإشارات السيمافورات والسرعات المقررة على الشبكة وتم إثبات الواقعة والسماح له بالسير، على الرغم من أن الهيئة أصدرت قراراً بعدم إغلاق جهاز التحكم a.t.c وتحويل أى سائق يقوم بإغلاقه إلى التحقيق وإيقافه عن العمل.

فى الوقت نفسه قام السائق بالمرور على 5 سيمافورات ولم ينتبه إلى لون السيمافور، ومنها النقطة 138 التى وجدها تشير للون الأخضر الصريح وهذا يسمح له بقيادة القطار على سرعة 120 كم، ومر السائق على نقطة 140 وأعطت الإشارة لونا أخضر متقطعا، ثم النقطة 142 ولون الإشارة أصفر ثابت ولم يهدأ السرعة واستكمل السير على سرعة 120 كم، والأدهى أن السائق رأى السيمافور عند نقطة 144 باللون الأحمر واستمر فى سرعته أيضاً، وعند النقطة 146 تأكد أن هناك خطرا داهما وعليه إيقاف القطار لوجود قطار أمامه، لكن السائق لم يستطع تهدئة السرعة، وقام بربط الفرامل قبل 800 متر كما هو محدد، مما أدى إلى الاصطدام بالقطار 152، ودهس ثلاث عربات مكدسة بالمواطنين.

السائق أمير حليم له سجل مخالفات بالهيئة، وقال مصدر بهيئة السكة الحديد إن السائق سبق له أن تسبب فى وقوع حادث بين منطقتى الواسطى والمنيا وكان يقود القطار رقم 960 وخرج من على قضبان السكة بسبب السرعة الجنونية الأسبوع الماضى وقام المفتش جرجس يعقوب بإثبات مخالفته، لكن مسئولاً آخر سجل الحادث على أنه راجع لأسباب فنية ، وأضاف المصدر أن السائق لديه أرشيف من المخالفات وفور وقوع الحادث خرج الآلاف من أهالى القرية وساعدوا فى انتشال الجثث, حيث أكدوا أن عدد الجثث التى تم استخراجها لا تقل عن ثلاثين، ونحو 56 مصاباً، مشيرين إلى أن هناك نحو مائة سيارة إسعاف قامت بنقل الضحايا.

أوراق مبعثرة ومستندات خاصة ببعض الضحايا حصلنا عليها من خلال تفقدنا للضحايا فى ساعة مبكرة من وقوع الحادث وعثرنا على عدة إيصالات باسم الطالب أحمد جمال يحيى بجامعة الفيوم موقعة من الجامعة عليها ختم النسر، كما تم العثور على إيصالات سداد رسوم من نفس الجامعة باسم الطالب أحمد محمد مرسى، بالإضافة إلى إيصال تسليم أوراق مدنية جامعية مدون عليها اسم الطالب محمد جمال يحيى بكلية الهندسة الفرقة الرابعة مقيم بكفر عمار التابع لمدينة العياط، كما تم العثور على بعض المتعلقات الشخصية لضحايا القطار.
وفور وقوع الحادث شهدت مشرحة زينهم تدفقاً من الأهالى منذ فجر الأحد فى انتظار قرار النيابة بالتصريح بدفن الجثث.

«حسبنا الله ونعم الوكيل فى اللى كان السبب» بهذه الكلمات بدأت نوارة عبدالعزيز، 54 سنة، ربة منزل، توفيت شقيقتها فى الحادث. وأضافت وصوتها يختنق بالدموع أن أختها كانت ترعى أولاد ابنها. بعد وفاته تاركاً ثلاثة أطفال صغار، وقالت أن أختها كانت فى طريقها للعودة إلى منزلها من الجيزة إلى الواسطى ببنى سويف. وقال صابر مؤمن أبوالعوالى،62 سنة، ابن عم أحد الضحايا: «يا ناس مش عايزين تعويض إحنا عاوزين جثته علشان ندفنه».

رد: كارثة قطاري العياط ومسلسل نزيف السكك الحديدية في مصر
 

والمقال ده بخصوص التعويضات ومقدارها ومقارنتها بالتعويضات فى حوادث مشابهه

أصعب مرارة على الحلق هى مرارة «الموت» المجانى أو الموت فى أحضان الحكومة.. فالإهمال يقتل الأبرياء وفتات التعويضات يقتل أسرهم معنوياً وجسديا، وعندما وقع حادث اصطدام القطار 152 المتجه إلى أسيوط بالقطار رقم 188 فى مدينة العياط بمحافظة 6 أكتوبر السبت الماضى، وراح ضحيته مابين 34 قتيلا وعشرات الجرحى، شعرت أن دم الضحايا ضاع لأن تعويضات حكومة الدكتور نظيف لن تزيد على 40 ألف جنيه للقتيل و10 آلاف للمصاب.. وحتى أعلى قيمة تعويض إذا كان الفاعل أحد قطاعات الدولة..

والغريب أننا نجد من يكتب بالبنط العريض أن الحكومة صرفت تعويضات لأسر الضحايا، ونرى مسئولاً كبيراً يظهر على الفضائيات، ليفخر بأن حكومته فعلت ما عليها، بتقديم الأموال لأسر الضحايا، ولكن هذا المسئول لا يعرف أن قيمة التعويضات التى قدمها ممدوح إسماعيل لضحايا عبارة «السلام98»، والذى جرى معاقبته إعلامياً، يساوى 9 أضعاف ما دفعته حكومة نظيف فى حادث قطار العياط، وأن ما دفعته الشركة الفرنسية «إير فرانس» إلى كل أسرة من أسر الضحايا الذين ذهبوا جراء تحطم الطائرة التابعة لها، يساوى 4 أضعاف أموال الحكومة لضحايا قطار العياط.. ورغم أن أموال التعويضات قليلة، فلا تتم محاسبة المسئول وتزعم الحكومة أن المسئول عن حادث العياط هو «جاموسة»، وهو حديث مردود عليه، وستكشفه نتائج التحقيقات فى النهاية.. فالكارثة وراءها حكومة، تعلم أن دية الضحية لن تتجاوز الـ40 ألف جنيه وربما أقل، كما هو الحال فى حوادث قطارات أخرى وقعت فى عهد حكومة نظيف، ففى عام 2008 قتل 44 شخصاً على الأقل عندما اصطدم قطار بحافلة ركاب بالقرب من مدينة مرسى مطروح الساحلية على البحر المتوسط، وقبلها فى عام 2006 قتل 58 شخصاً على الأقل، وأصيب 144 فى اصطدام قطارين كانا يسيران على السكة نفسها، وبسبب الحادث حكم على 14 من موظفى هيئة السكك الحديدية بالسجن لمدة عام بعد إدانتهم بتهمة الإهمال.

تلك الحوادث جميعها مسئولية الحكومة، ولهذا فمن المنطقى أن يعترف د. نظيف بأن أى حادث قتل يقع فى قطاع السكك الحديدية، يجب أن تصل قيمة التعويضات فيه إلى مليون جنيه للضحية، أما الاكتفاء بحسنة المحصلة التأمينية وزكاة وزارة التضامن الاجتماعى وجنيهات المحافظة القليلة فتأكيد على أن المواطن بلا ثمن.

بالتأكيد فأموال التعويضات مهما بلغت لن تعوض قيمة الإنسان، لكن أسر الضحايا تنتظر هذه الجنيهات التى ربما تعوضهم جزءاً من ألمهم على فقدان ابنهم، وهو ما لم تلتفت إليه حكومة نظيف، ولهذا جاءت تعويضاتها ضئيلة فى كل كارثة كانت وراءها الحكومة.. فهى ترى أن القتلى من رعاياها وأن موتهم هو نوع من التضحية من أجلها، وهى التى تبرر لنفسها ما تحرمه على رجال الأعمال فى الكوارث، ففى حالة وقوع كارثة وراءها رجل أعمال مثل هانى سرور أو ممدوح إسماعيل وغيرهما، فإن الحكومة تقيم الدنيا ولا تقعدها، بينما إذا كان الحادث يقع تحت مسئوليتها المباشرة فمن السهل تقديم كبش من صغار الموظفين، أما الوزراء والقيادات فهم بعيدون عن المحاسبة أو المسئولية، حتى إننا لا نجد تصريحا من رئيس الحكومة يؤكد فيه مسئولية وزرائه عن الكارثة، ولم نجد مانحى التعويضات يتصارعون لرفع دعاوى على حكومتنا الرشيدة، كما فعلوا مع أسر ضحايا العبارة السلام، لأنهم على ثقة بأنهم لن يحصلوا على مليم واحد من حكومتنا الرشيدة على عكس شركات رجال الأعمال، كما أننا لم نجد فى قرارات النائب العام اسم وزير أو مسئول كبير، لأن كارثة الحكومة يتحملها صغار الموظفين أما كوارث شركات رجال الأعمال فإن الذى يتحملها هو صاحبها حتى ولو لم يكن هو المسئول الفنى عن هذه الكارثة، كما هو الحال مع كارثه العبارة السلام 98 والتى أحيل صاحبها إلى المحكمة رغم أنه قدم أعلى تعويض شهدته مصر فى تاريخ الكوارث، وتم التصالح بينه وبين أسر الضحايا الذين ذهبوا إلى مكتب المدعى العام الاشتراكى السابق للحصول على هذا التعويض الضخم، إلا انه لم يسلم من الهجوم من الجميع حكومة ومعارضة، فلماذا لا يطبق سيناريو الهجوم نفسه على حكومة نظيف حتى يشعر الجميع بأن دماء ضحايا القطارات والطرق لن تضيع هباء.. إذن الحل إما إعلان الحكومة الاعتذار وتقديم المسئولين الكبار إلى محاكمة عادلة.. أو الاستقالة ليرتاح ضحايا قطار العياط.

رد: كارثة قطاري العياط ومسلسل نزيف السكك الحديدية في مصر
 

ما هو ده مربط الفرس يابو نورا ان الاهمال مسئولية الجميع مش وزير وبس
الوزراء المفروض انهم يحطو سياسات عامه و الموظفين ينفذو بس للاسف الناس بتحمل المسئول اكتر من قدرته
على فكره انا باقول الكلام ده من 3 سنين فاتو و لسه دراسه مستقله من جامعة القاهره عن حالة الشعب المصرى صدرت خلال شهر اكتوبر قالت كلام كتير جدا يعيب فى حق الشعب المصرى فمثلا ان اكتر من 70 فى الميه من الشعب شايف ان الحكومه كدابه و مع ذلك 50 فى الميه منهم مش ناوييين يشاركو او يحاولو انهم يغيروها عن طريق الانتخابات
مش كده وبس الدراسه بتقول ايضا (استغرق اعدادها 3 سنين) ان المصريين مبيثقوش فى بعض و يكاد يكون الحب و الموده بينهم بلاش اقول اختفت لكنها بدون ادنى شك قلت ( و من عندى انا قولى بنسبة كام لما بنيجى نتعامل فى التجاره بنكون واثقين فى بعض خصوصا و ان فى ثقافه اسمها البس يا معلم ده مش فى التجاره وبس ده احيانا كمان فى الزواج)
حاجه تانيه قالتها الدراسه قالت ان نظرا لان الناس بتعيش مزنقه قوى فى بعض (السكن) ده خلا ناس كتير تحس انهم بيقطعو على بعض (ده بالنسبه للرزق)
33 من الشعب المصرى امى حتى اللى بتعلم احيانا كتير جدا بيرتد فيرجع امى تانى لانه نسى القراءة
ده غير شهادات بعض السياح عن مصر مثلا ثقافة البقشيش هما بيشتكو جدا منها و بيعتبروها نوع من انواع التسول
التحرش الجنسى ودى مصيبه كبيره جدا لان التحرش مس بس بالاجانب ده كمان بالمصريين ونفسى حد يجاوبنى
ليه ولادنا بيتحرشو ببناتنا (اكيد لان اننا اهملنا فى تربيتهم وكمان فى التخطيط لمستقبلهم)
كمان زى مانت قولت فى مقال من المقالات اللى رديت بيهم عليا ان فى ناس بتولع موقد فى القطر و الناس اللى حوليهم سايبنهم اهى دى بالذات بتوضح ان الخلل الرئيسى فيه
الاهمال و الجهل هما السبب فى اللى احنا فيه من مشاكل وده خطا قديم و كلنا مسؤلين عن تغييره
المصريين بيصرفوا 40 مليار جنيه سنويا على المحمول (طب 10 فى الميه من المبلغ مش تصلح مشكله زى السكه الحديد بشرط ان 10 فى الميه دول يبقوا كل سنه)
بلاش دى
المصريين بيصرفوا 16 مليار جنيه دروس خصوصيه كل سنه الرقم ده لو اتدفع فى التعليم مش هنحتاج مدارس حكوميه و كلنا هنبقى فى مدارس لغات بس لو الحكومه قالت ادفعو اول ناس هاتشتكى سكان التجمع الخامسptmnlo123per172
بلاش دى بقالنا خمسين سنه و الحكومات المتعاقبه نفسها توصل الدعم لمستحقيه ومش عارفه
اللى مش محتاج بيزاحم اللى محتاج فى الفتات ( اللى اطوله فايده)
بلاش دى
انا اعرف اتنين مليونيرات و بيقدموا فى حج القرعه (حتى فى الدين بنسرق)
بلاش دى
الصف الاول فى الصلاه فى جماعه مبتلئيش كام واحد كده عايز يرشء نفسه فى الصف بالعافيه
فى حاجات كتير جدا غلط للاسف فى مصر الغلط هو القاعده و الصح هو الشاذ
بلاش انا اتكلم خالص
نشوف عالم بحجم احمد زويل قال ايه هوا قال فى محاضره ان مصر فيها فلوس كتير فمحدش يقول ان الفقر هوا السبب و قال ان التعليم سئ وان ده ادى لتأخرنا عن الامم وقال ان مش مهم تعمل مدرسه فيها كل الامكانيات المهم انكم تكونو عارفين تستخدموها وكلام كتير جدا
عالم تانى فاروق الباز قال ان المصريين عارفين انهم ماشيين غلط و عارفيين ازاى يغيروا ده لكنهم زى ما يكونو بيقولو انا مبسوط كده انا مرتاح كده ومع ذلك انا واثق ان الخامه المصريه تقدر تعمل المستحيل
انا كمان واثق من كده لان الجيل اللى اتهزم فى 67 هوا اللى انتصر فى 73 بعد ما سابوهم مش شغل الحناجر و اتجهو للعلم و التدريب
نائب المجلس القومى لحقوق الانسان فى مصر (الاسم كان على بالى) المهم قال ان للفقير مش عجبو العيشه فى مصر ولا الغنى طب مين يعمر البلد و قال فيما معناه وبدون تجريح اننا نخلى لكلمة بشر (مش عارف اقولها ازاى) معنى نفعلها يعنى يعنى و احنا بنتعامل مع بعض اكون حاطط فى دماغى ان انا بشر و بتعامل مع بشر

ومع ذلك فصندوق النقد الدولى توقع ان مصر سنة 2050 لو استمرت فى الاصلاحات اللى عملتها الحكومه الحاليه هتكون الاقتصاد رقم 20 على مستوى العالم
يبقى فيه امل و امل عظيم جدا بس كلنا نتحمل المسئولية بجد مش بس نتكلم
اتمنى ان الكلام ده كان يبقى موضوع خاص يتفاعل معاه كل الاعضاء عشان نوصل لاننا كلنا يبقى عندنا مساحه مشتركه من الفهم لواقعنا وكل واحد يقول ايه اللى عاجبه فى بلده وايه اللى مش عاجبه و ازاى نطبق الكلام اللى هانقوله عى نفسنا
و شكرا
على فكره مع ان السواق هيطلع مهمل انما انا مش مع اننا ندبحه لان اكيد لو كان اى سواق غيره اللى اللى حصل كان بردو هايحصل
لانى متاكد اغلبية السواقين لا يقلو اهمال

رد: كارثة قطاري العياط ومسلسل نزيف السكك الحديدية في مصر
 

والله منا عارف اقول لحضرتك ايه يا استاذ عاطف ، مش هينفع ارد على كل الكلام اللى انت كاتبه وللعلم انا عندى رد على كل حاجه انت قلتها ، لكن للاسف كل نقطه انت ذكرتها عايزة مواضيع مش موضوع واحد .

بص يا استاذ عاطف حضرتك بتنتقد الشعب المصرى وسلوكياته و ذكرت مساوىء كتير فى سلوكيات وافعال الشعب المصرى ودا جميل . لكن للاسف حضرتك بتبص للموضوع بنظرة سطحية جدا جدا جدا .

يا عزيزى اولى قواعد تحيليل المشكله هو اولا تحديد المشكله وثانيا دراسة اسباب المشكله . يعنى كان لازم تسال نفسك ايه اللى وصل الشعب المصرى للوضع دا ، كان لازم سيادتك تدرس التاريخ المصرى دراسة عميقة جدا علشان تقدر تعرف اذ كان الشعب المصرى جانى ولا مجنى عليه . يا استاذى العزيز كان يتوجب عليك انك تدرس تاريخ الحكم فى مصر وتعرف ايه المراحل والظروف اللى مرت بها مصر . و لازم تطلع على تاريخ الدول الاخرى ، وتدرس نظم الحكم فيها وطريقة الحكم فيها حتى تستطيع ان تحكم على الشعب المصرى .

حضرتك وللاسف بتلقى بالمسئولية على الشعب المصرى وبتبرىء ساحة الحكومة والنظام الحاكم ، يعنى بتدين المجنى عليه وتبرأ الجانى .

في نقطة بس عايز اعلق عليها وهيا نقطه صندوق النقد الدولى ، فا احب اقولك ان دى اسخف نكته انا سمعتها . وتصحيحا للمعلومة لو استمرت السياسة اللى بتنتهجها الحكومة الحالية لحد عام 2050 هتقوم فى مصر حرب الجياع والبلد هتبقى عبارة عن 50 او 60 شخص بيملكوا كل شىء وباقى البلد - اسف على اللفظ - شحاتين . وهيبقى الاقتصادالمصرى رقم 20 على العالم بس من تحت مش من فوق .

وبالنسبة لنقطة السواق ميرسى على تعطفك وكرمك الزايد عن الحد اللى انت شملته بيه . حضرتك جاى على نفسك ليه ومش عايز تدبح الراجل ، وكمان اصدرت حكم بان الراجل مهمل ويستحق الدبح ومتاكد من اهمال كل السواقين كمان No Comment

رد: كارثة قطاري العياط ومسلسل نزيف السكك الحديدية في مصر
 

يا mr/medo انا مش قدك انت راجل محامى يعنى الشعب طالع براءة طالما انت هتدافع عنه
بس فى نقطه انا مصرى زى اى حد و كل من يهمنى امره من اهل و خلافه مصريين طبعا
و ان كان المصرى العادى فيه عيب واحد فانا عندى الف عيب
بس نتكلم بصراحه ان كنا ناويين نتعلم من اخطاءنا
انا مش ببرر للحكومه ولا حاجه بس هما منا واحنا منهم فعيوبنا واحده هما ماجوش من الفضاء عشان يحكمونا

انا رائيى ان الناس بتشغل نفسها فى اى تفاهات (مقصدش طبعا حادث القطار انما اقصد قبل ما يحصل اصلا كان فين الناس) عشان تغمض عنيها عن الواقع اللى اكيد مش عاجب حد
ودى يمكن النقطه الوحيده الل هاتكون مشتركه بينى وبينك (ان ماحدش عاجبو حال البلد)
عشان كده احنا بنصرف كتير فى مجالات كتير تافهه لان المشاكل الكبيره الاسهل الهروب منها لانها عايزه عزيمه و اجتهاد
يعنى كوره اغانى تمثيل الغنى يجيب اكل من فرنسا و الفقير يدين عشان يجيب النيش فى العزال (قال يعنى من غيره يبقى الجواز باطل) ويا ريتهم حتى بيستخدموه

حتى المؤسسات ممكن ناخد مثال مثلا المجلس القومى للمراه بيحاول يجيب للمراه حقوقها ماشى على عينى وعلى راسى بس مش اولى
من عمل المراه زواجها خصوصا وان رقم من تعدى ال 25 الى 35 سنه ولم يسبق لهم الزواج 13 مليون من الجنسين ليه المجتمع مهتمش بحاجه زى دى دى من اساسيات الحياه طب فى الغرب بيتصرفوا و طب واحنا بقى كناس شرقيين
انا شايف ان الفقر اللى بنعانى منه فقر فكرى مش نقدى لواننا فتحنا شويه مشاكل كتير قوى هتتحل
ما علينا
كمان فيه حاجه عجيبه فى مصر ابن الدكتور بيشتغل دكتور وابن المحامى محامى وابن اللواء لواء
بس اول ماتقول ابن ريس ريس بس عندك ياعم لا للتوريث و كمية لاااات كتيره جدا( انا مش مع التوريث ولا ضد جمال مبارك)

والله الهدف من كلامى مش للتحقير او للشتم والله هى بس مجرد وجهة نظر انا طموحى لمصر اكبر من كده بكتير انا متاكد ان مصر قريب هتبقى احسن بس عايزين نبدا اسرع
خلاصة الكلام ان كلنا محتاجين وقفه مع نفسنا نحاسب نفسنا و نخلص النيه وانا متاكد اننا مش اقل من الصين ولا الهند ولا ماليزيا
و اسيبك مع المقال ده

مواقف
بقلم‏:‏ أنيس منصور
إيه اللي جري لمصر‏..‏ وجري عليها‏..‏ علي الصحافة والادب والفن‏.‏ كيف تستغرقها التفاهات وتجعل منها قضايا كبري نختلف عليها ونتفق وتتعالي اصواتنا وترتفع ايدينا‏...‏

من وقت قريب انشغلنا بمعني الحديث النبوي للسيدة عائشة وهو رضاعة الكبير‏..‏ومعني الحديث انه اذا كان عندك خادم في البيت ولابد ان يري زوجتك وتراه هي وبناتها يجب ان يكون اخا لهن‏.‏

وذلك بأن يرضع صدر زوجتك‏,‏ واذا جاء طباخ او سفرجي او سائق او حارس كل هؤلاء يجب ان يرضعوا‏.‏

إن احاديث كثيرة قد نسبت للسيدة عائشة‏,‏ والاحاديث التي رويت عنها ونشرها المفكر الكبير د‏.‏ عبد المنعم الحفني بلغت اكثر من اربعة آلاف حديث‏,‏ بينما الذي روي عن والدها الخليفة أبي بكر مائة حديث؟‏!‏

وقبل هذا الحديث انشغلنا بدخول الحمام بالقدم اليمني بدلا من اليسري لان العفاريت في دورة المياه تفعل كذا وكذا‏...‏

وانشغلنا ايضا ببول النبي ـ صلي الله عليه وسلم ـ وكيف كان الصحابة يتداوون به‏.‏

انما كانوا يضعون الماء الذي يستحم ويتبول فيه في زجاجات يوزعونها علي الاتباع‏.‏ تماما كما نحمل معنا من مكة المكرمة ماء زمزم‏,‏ فالحديث النبوي يقول‏:‏ ماء زمزم وما قصد له ـ اي عندما نشرب ماء زمزم بنية علاج المعدة او الامعاء او السعال‏,‏ فإنه قادر علي شفائك‏.‏ مادمت قد قصدت ذلك‏!‏

وآخر سخافاتنا مناقشة حكاية النقاب وكم يتغطي من الوجه‏..‏ وهل هو حرام أم حلال‏.‏ أم هو حرية شخصية؟‏..‏ وننسي انها صورة لاتجاه ديني خرافي متطرف‏.‏

إلي اين يا مصر‏..‏ جري لك إيه؟‏!.‏

رد: اللى اختشوا ماتوا00 وكفاية استهبال
 

تسلم يادكتور والله جامدددددددددددددددددددددد ددددددددددة موووووووووووووووووووووووو ووت