|
رد: الفريق / احمد شفيق مرشحأ لرئاسة الجمهورية
قانون العزل فيه استهتار بعدد من القواعد القانونية و الانسانية الثابتة فى كل الشرائع:
- لا جريمة و لا عقوبة الا بنص, أصلا فى هذا القانون فيه حاجة غريبة جدا, فيه عقوبة فقط, لكن مفيش جريمة!!! ايه الجريمة انك تكون رئيس وزراء أو نائب رئيس أو منضم لحزب سياسى معين؟ - الحرمان من الحقوق السياسية و حقوق المواطنة يكون بحكم قضائى بات و نهائى. هذا هو المعيار الوحيد. أما هذا القانون الغريب فهو يحرم مواطنين من حقوقهم السياسية لمجرد أنهم تولوا مناصب قيادية. - القانون بصيغته الحالية موجه لشخص واحد فقط, هو الفريق أحمد شفيق, و به شبهة (ليست مجرد شبهة) ما يعرف بالانحراف فى التشريع, لأن حزب الاغلبية فى مجلس الشعب له مرشح للرئاسة و التى ينافسه فيها أحمد شفيق (و هو منافس قوى, طبعا ليس هناك قياس دقيق للمرشح الأقوى فى مصر, لكن من استطلاعات الرأى حصل أحمد شفيق و عمر سليمان فى السابق على أعلى الاصوات). بحسبة بسيطة كلنا نعرف ان من كان سينتخب عمر سليمان هو نفسه سوف ينتخب أحمد شفيق, و بالتالى تصب معظم أصوات عمر سليمان فى اتجاه أحمد شفيق, أضف الى ذلك ان معظم أصوات عمرو موسى سوف تصب ناحية أحمد شفيق فى حالة الاعادة. لذا فان الفريق أحمد شفيق كانت له فرصة قوية و هو معبر عن تيار موجود و له أرضية فى مصر, و هو التيار الوسطى أو تيار الاعتدال. ( و للأسف ذهبت معظم أصوات هذا التيار فى انتخابات البرلمان الى حزب الحرية و العدالة لأنه لم يكن هناك بديل سوى الليبراليون الداعون الى الفوضى المستمرة, بينما ركز الحرية و العدالة على الاستقرار (أخلى بوعوده فيما بعد). - هذا القانون يطبق بأثر رجعى, فاذا كان تولى رئاسة الوزراء فى عهد مبارك جريمة, حسنا لا بأس, لكن وقتها لم تكن هذه جريمة (بل كانت شرف ما بعده شرف), و أى واحد من البهوات اللى فى مجلس الشعب كان يتمنى تنظيف حذاء مبارك من القاذورات و ليس تولى الوزارة فى عهده! - الفكاهة فى الموضوع, أن القانون تغاضى عن أعضاء لجنة السياسات بالحزب الوطنى بالذات, عارفين ليه؟ لأن عمرو حمزاوى كان من أعضاء لجنة السياسات بالحزب الوطنى! و طبعا لأن الباشا حاليا تحول الى ثورجى (و تزوج من واحدة "ثائرة" برضو حرمه المصون بسمة الممثلة) و شارك فى اعداد القانون فكان لازم يتشال منو لجنة السياسات عشان بسمة متزعلش. تحياتى للجميع. |
رد: الفريق / احمد شفيق مرشحأ لرئاسة الجمهورية
اقتباس:
يا هندسة يعني هو انت ماسك في جزئية الراجل مكانشي مسؤل عنها يعني ينفع تسأل وزير الصحة عن مواسير المية اللي ضاربة في الشارع انت لما يحصل عطل في خط التليفون في البيت عندك مش بتتكلم مع السنترال ولا بتكلم الصيدلية اللي جنب البيت دكتور شفيق كان ماسك وزير الطيران يبقى لما أسأله واستجوبة اعمل كدا عن شغلة هو بس اللي هو عمل ايه في المطارات في مصر للطيران...يعني الحاجة اللي كان مسؤل بشكل مباشر عنها... متقوليش بقى مجاري وحاجات كتيرة مالوش دعوة بيها كلام خاطئ 100% اه لو كان مسك رئيس الدولة كنت ساعتها قوله انت سيبت الاولويات وماسك في الكماليات صح ولا ايه يا باشا |
رد: الفريق / احمد شفيق مرشحأ لرئاسة الجمهورية
اقتباس:
:018A1D~146::018A1D~146: |
رد: الفريق / احمد شفيق مرشحأ لرئاسة الجمهورية
اقتباس:
ومين إللى وافقله على البذخ على المطارات ياهندسه دى منظومه متكامله وأى منظمومه متكامله إتضح فسادها يبقى متلزمناش --------------- لو عندك عربيه موديل 1950 وحالتها بالبلاء وخلاص رمتها تقوم تقولى أنا هاخد منها الزماره هههههههه |
رد: الفريق / احمد شفيق مرشحأ لرئاسة الجمهورية
اقتباس:
حضرتك يا هندسة كلامك دا بيحضرني في ذاكرتي باية باننا شعب عاطفي جدا وبنتصرف نفس التصرفات دي في الكورة برضة يعني مثلا نضرب مثل بسيط اوي جوزية مدرب الاهلى لما كان الاهلى يصول ويجول هنا وبرة يقولك مدرب عبقري لما بدأ يخسر قاللك وهو نفسة اللي قالك اللي فاتت..قالك دا مابيفهمش ومحظوظ المشكلة اننا سياسيا بنفكر بنفس النظرية.... يعني تقدر تقوللي حد كان بيقول على احمد شفيق زمان حاجة تعيبة وهو وزير ناجح دلوقتي كل الاعتراضات اللي علية تافهة وملهاش اي قيمة ومجموعه كلمات قيل واتقال وخلاص يعني موقعه الجمل الراجل مسك رئيس وزرا قبلها بيوم يبقى مسؤل عنها ازاي ياباشا دا مدرب الكورة بيقولك ان طالما مسكت الفريق من نص الموسم انا مش مسؤل عن النتائج لحد لما اعمل فترة اعداد دا في الكورة تقوم تقوللي انه مسؤل عن موقعه الجمل وهو ماسك قبلها بيوم واحد بس وهو اتصرف في حدود سلطاتة ساعتها انه مجرد سكرتير لمبارك يعني لو كان اخد الحرية اللي اخدها الجنزوري اليومين دول كنت هاتشوف الفرق وبرضة رغم كدا عمل لجنة تقصي حقائق وقدم الناس اللي اتقال اسمها في اللجنة دي للمحاكمة يعني خلانا نشوف سرور وعزمى والشريف وغيرهم...في القفص حد كان يصدق كدا انا باحبة على المستوي الشخصي والعملى بحكم قربي منه في رئاسة القوات الجوية انا مش قريبة ولا حاجة ولا انا فلول برضة ولا حاجة انا لو فلول كنت فرحت بانتخاب عمر سليمان لما نزل بس برضة فضلت مؤيد لدكتور شفيق غاية ما اقول انه كان يستحق فرصة....شكرا جزيلا |
رد: الفريق / احمد شفيق مرشحأ لرئاسة الجمهورية
اقتباس:
من زمااااااااااااااااااااااا اااااااان --------------------------------- فآن الأوان ....لترك العاطفه وإعمال العقل -------------------- فبلا عقل لن يكون هناااااااااااك ست الكل ...التى نتمناها جميعا |
رد: الفريق / احمد شفيق مرشحأ لرئاسة الجمهورية
العليا للانتخابات تقبل تظلم "شفيق" وتعيده إلى سباق الرئاسة
الأربعاء، 25 أبريل 2012 - 22:49 http://img.youm7.com/images/NewsPics...1201216259.jpg كتب إبراهيم قاسم http://www2.youm7.com/images/graphics/igoogle.gif قال المستشار حاتم بجاتو، إن لجنة الانتخابات الرئاسية برئاسة المستشار فاروق سلطان رئيس المحكمة قررت الموافقة على التظلم الذى تقدم به الدكتور أحمد شفيق، رئيس الوزراء الأسبق، على خوض الانتخابات الرئاسية المقرر إجراؤها فى 23 و24 مايو المقبل. وأشار بجاتو إلى أنه تمت إحالة قانون العزل السياسى إلى المحكمة الدستورية العليا للبت فى مواده. وكان برنامج "من جديد" الذى تقدمه الإعلامية شريهان أبو الحسن على قناة أون تى فى قد انفرد باتصال مع أحد منسقى حملة الفريق شفيق الانتخابية، وأكد خلال الاتصال أن اللجنة العليا لانتخابات الرئاسة قد قبلت تظلم الفريق أحمد شفيق. منقول |
| الساعة الآن 02:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017