مصر موتورز مجتمع السيارات - السيارات الجديده في مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - السيارات الجديده في مصر (https://www.masrmotors.com/vb/showthread.php?t=13469)

رد: السيارات الجديده في مصر

اقتباس:

المشاركة الأصلية كتبت بواسطة xahmedfaragx (المشاركة 90610)

لا انا سمعت انها حاتنزل حتى 2011 اخر عام لها ممكن تتاكد وتخبرنا

شكل البومه موجود لغايه 2009 اما شكل الشارك شوفته في الشارع و ده اعتقد انه موديل 2010

و ممكن يكون شكل البومه هينزل برضه في موديلات 2010 بجوار الشارك و الله اعلم

رد: السيارات الجديده في مصر

اقتباس:

المشاركة الأصلية كتبت بواسطة bahrelhanen (المشاركة 90631)

{ بحييك على المجهود الاكثر من رائع ده واتمنى ربنا يوفقك فى المجال ده وتقدر تفيد كل الاعضاء فى استفسارتهم }

انا عندى استفسار بسيط بس مشكلته انه مش عن الجديد هو عن مركات قديمه .

نوع السياره : ميتسوبيشى لانسر

الموديل : 2003 و 1999

السؤال : ايه رايك فى السياره الكرستاله موديل 1999 والسياره المكوه موديل 2003

اتمنى انى اكون مطولتش عليك وربنا معاك:waving:

ميرسي علي مدخل التعليق بتاعك و ده اقل واجب

انا عندي قاعده واحده في المستعمل الا وهي حاله العربيه مش مهم الموديل طالما مش قديم اوي و طالما الشكل عجبك و اداء العربيه كويس و قطع الغيار و الصيانه مواضيعهم تمام يبقي توكل علي الله
وانت بتشتري يبقي معاك ميكانيكي شاطر ويكون امين تمام
و لو الميكانيكي قال ان المكنه تمام يبقي ترفعها في بنزينه معروفه و تشوف رأي الفني ايه ؟؟؟؟؟
العفشه تمام و الشاسيه زي الفل يبقي ادفع الفلوس و توكل علي الله و اطمن

رأيي في اللانسر عموما انه عربيات ممتازه و لكن يعيبها الانتشار الهائل
الكرستاله ممتازه كأداء و شكل و توافر قطع غيار و سهوله صيانه و سعر اعاده بيع
انما المكوه اعتقد انها نفس النظام اكيد لكن انا مشفتهاش قبل كده فتأكد من موضوع قطع الغيار و الصيانه و اداء العربيه نظامه ايه و كده
و ارجو ان اكون قد افدتك و لا تنسي صلاه الاستخاره

رد: السيارات الجديده في مصر

اقتباس:

المشاركة الأصلية كتبت بواسطة abonagham (المشاركة 90667)

أخي الكريم
لو هاقسط اخليني مع ابو غالي
جميل
بس ممكن تعرفني ليه رشحت ابو غالي ؟
اقصد ايه اللى يميزه عن بقية المعارض
وياترى تقسيط الوكيل بتاع الكيا اخباره ايه
اقصد نظام تقسيطه لو هادفع تقريبا نص تمن العربية
وشكر لمجهودك جدا
وبالتأكيد كلنا بنستفيد من أسئلة بعض ومن أجوبة سيادتك
لك كل الشكر مرة ثانية

عشان ابو غالي توكيل معروف ( مش توكيل كيا طبعا ) و فروع معارضه محترمه و تعامل الناس هناك كويس و مفيش حد اشتكي من حاجه
و حضرتك لو دفعت النص هتقسط النص التاني علي 5 سنين بفايده 10 %
و انظمه التقسيط دي في التوكيل
انما المعارض لازم تكون موظف حكومي ليك مفردات مرتب و هتحول مفردات المرتب دي و وجع دماغ
فخليك مع التوكيل و تقسط بالبطاقه و ريح دماغك

رد: السيارات الجديده في مصر

اقتباس:

المشاركة الأصلية كتبت بواسطة abonagham (المشاركة 90671)

على فكرة زرت معارض كتيرة
وكان اخرهم الأحمدي من تلات ايام
وكان نظامهم على العربية اللى تمنها 109 الف
لو هادفع 50 ألف جنيه يبقى هاقسط على 5 سنين
وقيمة القسط 1500 جنيه وكسور بسيطة
وهاستلم العربية بعد 48 ساعة بصورة البطاقة رقم قومي
وباخر وصل كهرباء من غير مفردات مرتب ولاغيره..
فايه رأي حضرتك ؟
هل وكيل كيا هايتعامل معايا بنفس الكلام دا
وابو غالي برضه هايتعامل بنفس الطريقة ؟

نستفيد منك ومعذرة لتقطيع المشاركة على جزئين

تمام كده نظام التقسيط ده بس خليك مع التوكيل ( هتتعامل مع موضوع التقسيط و الصيانه في مكان واحد فقط ) و بلاش المعارض

رد: السيارات الجديده في مصر

اقتباس:

المشاركة الأصلية كتبت بواسطة ahmedabas (المشاركة 90754)

ايه رأيكم يا جماعة في سيارة f3 ؟ هل هي افضل أم سيارة هيونداي فيرنا أم شيفرولية أفيو ؟ أم اي سيارة في نفس مستوى السعر؟
أفيدوني |أفادكم الله
وشكرا

ايه العربيه اف ثري دي ؟؟؟؟؟؟؟؟؟
عشان بس اعرف اقارن و اقولك ( معلش انا مش مركز و مهيس حبتين )

رد: السيارات الجديده في مصر

اشكرك واكيد وجهة نظرك سليمة مية في المية

لكن انا زرت معرض الأحمدي في مدينة نصر

ومش هايطلب غير صورة البطاقة وايصال كهرباء حديث

يعني لم يطلب مفردات مرتب مادمت هادفع له نص تمن العربية

واعرف ان التوكيل بيسلم السيراتو بعد شهور

فايه رأيك ؟

وأشكرك

رد: السيارات الجديده في مصر

اقتباس:

المشاركة الأصلية كتبت بواسطة abonagham (المشاركة 90797)

هقول تاني مش مشكله
طالما هتدفع من 50 % و انت طالع مش هيطلب منك اكتر من البطاقه و وصل نور
اما لو هتدفع اقل من ال 50 % يبقي مفردات مرتب او سجل تجاري ( تفاصيل التقسيط اللي اقل من ال 50 % انا مش متأكد منها )
لو معرض هتاخد العربيه علي طول بعد ما تخلص اوراق موضوع القسط
اما التوكيل هتستلم بعد مده و ده اكيد يعني فمش مشكله تستني شهر
و انا تحت امر حضرتك في اي وقت