رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

والله يا باشا شوية ظروف كده امبارح اختي وهي مروحه اتسرقت من حرامية بموتيسكل وكده واقسام وحورات والحمد لله ربنا سترها انا والله لسه امبارح كنت بتفرج على الفيديوهات بتاعت سيادتك بخصوص الفيرنا وبجد بسم الله ما شاء الله عليك حافظها كويس اوي
موضوع تنظيف الحساسات
موضوع الرجلاس
موضوع تغييير البوجيهات
بسم الله ما شاء الله عليك خبره يا كبير ربنا ينورك ويفتحها عليك يارب العالمين

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

dhباشا الف سلامه على اخت حضرتك و فداها اى حاجه المهم انها سليمه و الحمد لله على كل شيى

يلا بقى شد حيلك علشان تبقى زى كده و ليك فديوهاتك كمان

ده لسه فى فيديو لتغيير سير الكاتينه و تغيير جوان غطاء التكيهات

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

الله ينور عليك يا كبير والله حضرتك من الناس الي خلتني احب فرنتي الجميله
ربنا يبارك لينا فيها يارب العالمين
لوكنت عاوز اعمل وحدة رفع للزجاج الكهربائي الخلفي والأمامي فهل حضرتك ممكن تعملها ليا

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

لو عندك الوحده نركبها

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

لا اكيد مش عندي انا عاوز اعرف من حضرتك يا تري هيا موجوده ولا مش موجوده وسعرها كام عاوز حاجة كوري اصلي 100%
مش صيني وكده
وان شاء الله ربنا يكرمنا

كنت سمعت انه من الأفضل تركب وحدة لكل عدد 2 زجاج كهربائي

منفصلة علشان الحمل عليهم وكده

معلش انا ارفك معايا

مع العلم انا عربيتي كاملة يعني فيها الزجاج الكهربائي

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

عندي سؤال لو سمحتم
العربية عندي النهاردة الصبح لما شغلتها لقيت مؤشر الحرارة على C مش زي كل مرة كان بيبقى في النص بالظبط استنيت شوية وبرضه مفيش فايدة , فاضطريت اتحرك بالعربية بعد شوية لقيت المؤشر بيطلع وبقى في النص بالظبط , المهم ركنت العربية لمدة 4 ساعات جيت اشغلها تاني لقيت نفس الحكاية , ياترى ده من ايه وهل الموضوع خطير مع العلم برضه في المرة التانية مشيت بيها شوية لقيت الموشر جه في النص تاني ولما طفيت العربية وشغلتها على طول المؤشر بيجي في النص لكن لو اتسابت شوية بيبقى على ال C , ياريت الأفادة من الخبراء هنا :fun_36_1_39[1]:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

يا باشا كل ده طبيعى جدا وهى ان العربية وهى باردة بتلاقى المؤشر على C ولما بتسخن بيوصل للنص