|
|
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
اقتباس:
أنا متهيألى فعلا الليجانزا ال 2000 قطر ديسكاتها أكبر وكاليبراتها أقوى من النوبيرا ال 1600 اللى عندنا. فحضرتك هتقيس الطنابير اللى عندك قطرها كام بعد الأتفاق مع ميكانيكى مخضرم يخلصلك الموضوع. وهتنزل الحرفيين, تدور على طنابير وكاليبرات ليجانزا, وتشوفها فعلا أكبر ولا لأ (أو من على النت, ملقيتش مصدر كويس) أو تدور فى قطع غيار الأوبل على طنابير وكاليبرات أكبر, وتاخدهم للميكانيكى وتشوفوا هيركبوا ولا لأ, لو مركبوش هتعمل نفس الموال تانى, أو تكبر دماغك للمشروع:) وهتجيب خراطيم فرامل أقوى, وماستر أكبر من الماستر بتاعك سواء كان أوبل أو ليجانزا, وتركب, وزيت فرامل, وتيل العربية اللى أنت خدت فراملها, وبس. الموضوع على فكرة هياخد وقت ومش هيخلص فى ساعتها لأنك هتضطر تعدل على حاجات معينة, وممكن بعد ماتفكوا وتعملوا مشكلة واحدة ممكن توقف المشروع كله. ده غير أن أحنا قاعدين ندردش, الحقيقة هتبقى مؤلمة, وخاصة لما يقف الميكانيكى فاغرا فاهه أمام عظمة الهندسة الكورية:) حضرتك فى ساعة ممكن تحسن أداء الفرامل, شيل الحاجات التقيلة واللى مالهاش لازمة من العربية, الوزن بيأثر سلبيا على كفاءة الفرامل, وهات تيل رياضى زى ebc, هو غالى, بس هيعيش معاك كتير, وهتحس بفرق فى الفرملة والفرملة مش هتتدهور مع السخونة. وأسحب هواء الفرامل وغير الزيت بزيت نضيف وبأذن الله هتحس بالفرق. ويجدر بالذكر أن تعديل الفرامل مش أقل من 1000 جنيه بالميت, ده غير الوقت الضايع والتعب. أنا أسف لو ماسعدتكش كويس, بس ده كل اللى أعرفه, وخلى بالك النوبيرا واللانوس, ألخ بينزلوا بره بفرامل أكبر, اللانوس ال 1600 بتنزل بفرامل نوبيرا والنوبيرا ال 2000 متهيألى فراملها هى فرامل الليجانزا, واللانوس عندنا فراملها فرامل الماتيز, فخلى بالك لو بتدور على النت. أنت محتاج ميكانيكى مقطع السمكة وديلها, وتاجر أستيراد قديم فى المهنة علشان يساعدوك صح, لأن الموضوع كله تجربة وخطأ وهتفضل رايح جاى ترجع حاجة وتجيب حاجة بدالها, ربنا يوفقك. |
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
السلام عليكم
عايز اغير مكنة عربيتى دايوو لجانزا 1999 ممكن اعرف التكلفة |
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
استاذ INJECTION الف شكر على معلوماتك القيمة دى بجد استفدت منها و شكلها كدة مش نافعة فالف شكر لحضرتك معلش حتقل عليك ليا سؤالين كمان
1- اية ممكن تكون الاوزان الزيادة فى العربية؟؟ ( انا عندى فى الشنطة الاستبن و الكوريك و باقى الحاجات دى) 2- سعر تيل ebc و اماكن البيع فى اسكندرية اكرر شكرى لحضرتك |
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
اقتباس:
لو هتسقط نفس المكنة, يبقى هاتجيب موتور بس فى حدود 2500 الى 3500 جنيه:) بالأضافة الى مصنعية ميكانيكى وكهربائى, فأعمل حسابك فى 400 جنيه كمان الى 500 جنيه. ومصاريف نقل الموتور من الحرفيين مثلا هتعمل 100 جنيه. وزيوت وفلاتر وسيور وبوجيهات ألخ, حسب الأنواع والأسعار ساعتها, بس أعمل حسابك فى 500 جنيه كمان. يعنى حوالى 5000 جنيه تكلفة كلية. اقتباس:
سعر التيل حوالى 350 الى 400 جنيه, بس معرفش للأسف حد بيبيعه فى أسكندرية, فى القاهرة, فيه TPS بتاع عادل وجدى وده فى الحرفيين, وENZO فى النزهة, دول اللى التيل ممكن يكون عندهم. و ebc بتعمل طنابير مهوية كمان, مخرمة يعنى للعربيات برضه, الطقم بيعمل حوالى 1500 جنيه, وده شكلها http://www.potn.co.uk/blog/wp-conten.../ebc_21_sm.jpg وده موقع الشركة http://www.ebcbrakes.com/automotive/index.shtml وممكن حضرتك تغير التيل بتاع الفرامل بتيل أصلى جديد, وتغير زيت فرامل بزيت كويس, وتسحب هواء الفرامل, لو معملتش الصيانات دى من فترة هتفرق معاك فى الفرملة. وحاجة تانية ياباشا, لو حضرتك كبرت الديسكات عامة هتضطر تركب طقم جنط أكبر علشان الجنوط القديم غالبا مش هيركب على الديسكات الأكبر. وفيه حل تانى, جنط ياباشا طقم جنوط عريض عن الأصلى مع بروفايل قليل, مع طقم كاوتش جديد, ده هيحسن كفاءة الفرملة بنسبة ملحوظة نظرا لكبر مساحة تلامس الكاوتش الجديد مع الأرض. وأنا أسف علشان معرفتش أفيدك ياباشا, كان بودى والله:( |
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
لا يا باشا ده انت عداك العيب و شديت وبحرق جامد على الغيارات( منتدى عربيات بقى) بجد الف شكر ليك على المعلومات دى و مردودالك فة موضوع تانى ان شاء اللهROSE4U
|
| الساعة الآن 07:11 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017