مصر موتورز مجتمع السيارات - استفسر عن دهان سيارتك !!!!!!!

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - استفسر عن دهان سيارتك !!!!!!! (https://www.masrmotors.com/vb/showthread.php?t=103983)

رد: استفسر عن دهان سيارتك !!!!!!!

شكرا ياباشا على ذوقك العالى
واهتمامك بالرد وان شاء الله اشوفك قريب بس فى ميعاد لما تكون فى الورشه وهنسقها مع بعض بأذن الله

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة aboyoussef.m (المشاركة 929269)

تحت امرك انا موجود في الورشه يوميا

AHLNWSHALN

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 929059)

الالوان اللي حضرتك بتتكلم عليها دي الوان ساده مش ميتالك يعني مش بتترش ورنيش والالوان دي بدأت بعض الشركات المنتجه والمستورد للسيارات اللجوء ليها تاني زي ما حضرتك ذكرت النيو النترا والكيا وفي لون رهيب لون سمني نازل علي الكيا سول او نسكافيه
الالوان الساده طبعا ليها طعم مختلف عن الالوان الميتالك
وهنا بتختلف من شخص للتاني في واحد بيحب الالوان الساده وواحد تاني بيحب الالوان الميتالك

شكرا للاهتمام والرد السريع
يعنى اى صنايعى اقولة عايز سماوى او نسكافية سادة هتتطلع زى كدة ولا لازم اعرف كود الدرجة بالظبط اصل انا عايز اعمل لون من الاثنين دول بس عايز تطلع كدة بالظبط بس مش عايز تتطلع مطفية زى العربيات القديمة انا عايزها سادة بس فيها لمعة خفيفة زى كدة واسف انى تقلت على حضرتك

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة honhon (المشاركة 929343)

لأ لازم تعرف الكود بالظبط
طب تعمل ايه ؟
لو شوفت لون عجبك علي عربه وقفها وخد الكود
او تروح لبتاع البويات يطلعلك كتالوج الالوان لو عاجبك لون كيا قولو طلعلي كتالوج كيا الوان ساده

لو عاجبك لون هيونداي قولوا طلعلي كتالوج الوان هيونداي ساده وكل لون هتلاقي مكتوب جنبه الكود بتاعه
المهم قبل ما ترح تحدد انت عاوز لون ايه وبتاع انه ماركة عربيه
يعني مثلا لون لبني ساده بتاع كيا

ومتخليش البوهيجي او بتاع البويات يقنعك بلون بالعافيه لازم يكون اختيارك انت علشان نفسيتك ترتاح للعربيه وتقفلش منها علشان دي ليها علاقه بالحاله النفسيه والذوق

وممكن علشان تزود لمعتها ومتتبهدلش من عوامل الجو
بالرغم من ان البويه ساده مبيترشش عليها ورنيش
انت اشتريلها ربع لتر ورنيش وخلي البوهيجي ياخدها وش بعد ما يخلص رش البويه
ودي حاجه كده ليك مش اي حد يعرفها ويا سلام لو جبت مصلب للبويه محترم سكنز - سبيس مثلا ولو حبيتاعملهالك تحت امرك

رد: استفسر عن دهان سيارتك !!!!!!!

اقتباس:

المشاركة الأصلية كتبت بواسطة أيمن الروبي (المشاركة 929372)

السلام عليكم استاذ ايمن ارجو افادتي في اول مشاركة ليه في المنتدي
انا اشتريت ولله الحمد كيا بيكانتو 2007 اتوماتيك انا لسه جديدة في عالم السواقة والعربية حالتها حلوة جدا والحمد لله داخليا بس فيه تجريح من بره ومن ورا
طبعا بما ان دي اول عربية ليه وكمان دافعة فيها دم قلبي وكان حلم عمري اركب عربية وكمان بيكانتوا مستحرمة امشي بيها كده متجرحة هي محكوكة جامد من الباب اليمين للاسف بالعرض كله والاوكرة بتاعت الباب بتاع السواق البوية متشالة هي فابريكة بره وجوه وطبعا المكيانيكي والبايع والصحاب وامة لا اله الا الله نصحتني اني مرشهاش لان ده هيقلل من قيمتها وبحجة اني لسه جديدة ولسه هخبط فيها بس انا نفسي الاقي حل للشكل الخارجي
فهل ياتري فيه استيكر او اي حاجة زي كده تحللي الموضوع ده ؟ بعيدا عن الرش طبعا