رد: السعودية تسجل عقارا لعلاج مرض "انفلونزا الخنازير" يعتبر أول "مضاد فعال" للمرض في العالم
 

صباح الخير للجميع، العلاج ده من فئة علاجات مضادات فيروسات الإنفلونزا فئة H1N زي تاميفلو، بس زي ما دكتور بلبولان قال، ده فيه عنصر فعال بيخلليه أكتر فعالية، زي ما رأس الخبر بيقول: يعتبر "أول مضاد فعال". إن شاء الله يتأكد الخبر ده من منظمة الصحة العالمية، عشان يقدروا يلحقوا المرض ده قبل ما يقضي على ناس كتير. المصيبة بأة إن العلماء بيحذروا من نوع جديد من فيروسات فئة H1N ولكن المرة دي إسمها إنفلونزا الكلاب، العلماء بتقول إن الفيروسات بتاعة الكلاب دي لسة ما تحورتش عشان تصيب الإنسان بس كل شيء جايز. ربنا يستر.

أتمنى الصحة للجميع.

ياترى دى تمثيلية والا حقيقة
 

منقول من جريدة المصرى اليوم

طالب لـ«رئيس الوزراء»: «الفساد فى كل مكان.. وحاسس إن البلد مش بلدى»

كتب حمدى جمعة ٥/ ٨/ ٢٠٠٩<table style="border-collapse: collapse;" align="right" border="0" cellpadding="5" cellspacing="0"><tbody><t r><td dir="rtl" valign="top" align="center"><table dir="rtl" border="0" cellpadding="0" cellspacing="0"><tbody><t r><td>http://aadbmedia.gazayerli.net/photo...ImageWidth=240</td></tr><tr><td>تصوير: محمد راشد
</td></tr><tr><td width="240" align="right">الطالب عبدالله بظاظو أثناء توجيه أسئلته الساخنة إلى نظيف
</td></tr></tbody></table>
وقف الطالب عبد الله أحمد بظاظو فى مواجهة الدكتور أحمد نظيف، رئيس مجلس الوزراء، وهتف قائلا: «أشعر بالفساد فى كل مكان وبقيت أتنفسه ومش حاسس بمقاومة من جانب الحكومة. كل يوم الصبح أحس بالغربة، وإن البلد مش بلدى. ليه المواطن يشعر أن كرامته بره أو جوه مش موجودة، وهل بكيت سيادتك عند غرق العبارة والجنود اللى بيموتوا على الحدود». وفور انتهاء الطالب من كلمته دوت قاعة المسرح بالتصفيق لمدة تزيد على ٥ دقائق.
كان هذا واحدا من سلسلة المواجهات الساخنة التى دارت بين طلاب الجامعات ورئيس الوزراء فى معسكر إعداد القادة فى بورسعيد مساء أمس الأول، وكانت معظم الأسئلة حول الفساد وبيع القطاع العام وتصدير الغاز لإسرائيل والعلاقة مع أمريكا وإيران وإثيوبيا والغلاء والبطالة.
وصل عدد الأسئلة إلى ١٩ بعدد الجامعات المشاركة. واستهل رئيس الوزراء الردود باعترافه بأن الأسئلة كلها فى الصميم، وقال: هى الحكومة المصرية تبقى مين؟ اللى مالوش قريب فى الحكومة يرفع ايده؟ لو الحكومة فاسدة نبقى كلنا فاسدين.. نحن نبذل جهودا غير عادية لمقاومة الفساد، وفسادنا من نوع مختلف، الفساد اللى عندنا والحمد لله منتشر فى حتت صغيرة.
ووجه نظيف كلامه للطالب عبد الله بظاظو قائلاً: لا يا حبيبى مصر دى كبيرة قوى وإحنا ما بعناش بلدنا إحنا بنينا بلدنا، عايز ادعو زميلنا ده يزور القرية الذكية علشان يعرف مصر، مصر العاشر من رمضان وآلاف الأفدنة التى تصدر البطاطس لأوروبا، مصر زويل ونجيب محفوظ والبرادعى والسادات وجمال عبد الناصر وحسنى مبارك.
</td></tr></tbody></table>

رد: ياترى دى تمثيلية والا حقيقة
 

س: أشعر بالفساد فى كل مكان وبقيت أتنفسه ومش حاسس بمقاومة من جانب الحكومة. كل يوم الصبح أحس بالغربة، وإن البلد مش بلدى. ليه المواطن يشعر أن كرامته بره أو جوه مش موجودة، وهل بكيت سيادتك عند غرق العبارة والجنود اللى بيموتوا على الحدود

ج: لا يا حبيبى مصر دى كبيرة قوى وإحنا ما بعناش بلدنا إحنا بنينا بلدنا، عايز ادعو زميلنا ده يزور القرية الذكية علشان يعرف مصر، مصر العاشر من رمضان وآلاف الأفدنة التى تصدر البطاطس لأوروبا، مصر زويل ونجيب محفوظ والبرادعى والسادات وجمال عبد الناصر وحسنى مبارك

التعليق: هو ده الفساد

رد: ياترى دى تمثيلية والا حقيقة
 

نظيف ده امتى يغور بقى ربنا يكرمه زى ما كرم سليمان الحلبى يارب

رد: ياترى دى تمثيلية والا حقيقة
 

فى اجازتى اللى فاتت فى مصر اللى انا لسة راجع للكويت منها من اسبوع
حسيت اللى الطالب ده بيقوله بالكلمة (انا راجع من غربة برة بلدى لغربة جوة بلدى ) يا خسارة يا مصر
بس برده مصر هتفضل بلدى و لسة عندى امل ان الاوضاع تتحسن بس ده مش هيحصل غير بإدين المصريين نفسهم
(إن الله لا يغير ما بقوم حتى يغيروا ما بانفسهم)
يا رب