مصر موتورز مجتمع السيارات - ارشيف الاستراحة 2010

هو الحب طبعا مهم بس مش كل حاجة فى الجواز فيه اعتبارات اخرى فى شريك الحياة اللى انت هتكمل معاه المشوار الى ما شاء الله مثلا اللى بيجوز واحدة ( او اللى بتتجوز واحد ) الجواز ده مش بين اثنين وفقط لأ ده برضه بين اسرتين وعيلتين يعنى النسب مهم لأن مش معقول واحد يتجوز واحدة ويقول مليش دعوة بأسرتها
حاجة كمان التوافق الإجتماعى بين الطرفين المفروض يبقى فى تقارب الى حد ما مينفعش يبقى فيه طبقية لأن الشخص اذا ما لم يستعشر ده قبل الزواج اكيد اكيد هيحس ده بوضوح بعد الزواج وهيصبح شيىء يبنغص عليه حياته
ثالثا وده من اهم الأشياء ايضا مدى التوافق بين الطرفين من ناحية الطباع والإمكانيات الزواجية فى كل طرف والمقصود بها قدرة كل شخص على تحمل الحياة الزوجية يعنى مثلا اتنين متوافقين فى الطباع بس هو اتعود ان امه تعمله كل حاجة فى البيت مينفعش يجوز واحدة مبتعرفش تعمل لنفسها كوب شاى وعلى الطرف الآخر انسانة اتعودت فى بيت اهلها ان كل ما هو خارج البيت مسئولية الأب يعنى لوازم البيت وقضاء المصالح مينفعش تتجوز واحد لا مؤاخذة متحملش مسؤلية (فرفور يعنى)
اخر حاجه مش عارف ليه samohaa متشائم ومقدر البلى قبل وقوعه يعنى بيكلم عن الطلاق وهو لسه مدخلش دنيا لأ الطلاق ده كلمة وحشة وابغض الحلال وهدم لأسرة وضياع للأولاد بس ساعات بيكون هو الحل الأوحد و ربنا ما يكتبه على كل المتزوجين ربنا يهنيهم جميعا
فى الآخر يارب اكون قدمت ولو فائدة صغيرة فى الموضوع