رد: حكايتي مع ( شيفرولية افيو) "وسوء التصنيع"
انا عندي افيو 2009 كوري و لقيت علي الماتور زيت و رحت التوكيل بتاع الكيلو اربعه و نص الاسكندريه الصحراوي و حجزت طبعا و ذهبت من 9 الي الساعه اتنين و قال لي الخرطوم بتاع الزيت عاوز يتغير بس مش موجود احجزة و نغيره ان شاء الله , و فعلا اتصلوا بيا و قالوا الخرطوم جه و ذهبت الساعه 8 صباحا و ردوا عليا الساعه 11 انهم متاسفين الخرطوم مش موجود , و رحت للمهندس محمد الفرماوي و محستش انه عمل حاجه غير قالي لما تيجي المره الثالثه مش حوقفك و لقيت يجي 20 عربيه فيها مشكله RPM و انا كنت فاكر ان زياده لفات الماتور لوحدها دي ميزة او تكنولوجيا لاني كنت راكب ريجاتا
علي فكره انا مستني المره الثالثه |
رد: حكايتي مع ( شيفرولية افيو) "وسوء التصنيع"
علي فكرة انت احسن من غيرك كتير و دا حال الحديد زي ما قالو الحديد بياكل الحديد
بس مش غريبة ان عربية عليها كل المهرجان دا و يطلع فيها العيوب دي كلها بمعني انها مشهورة و اسم شيفروليه دا اسم كبير و الله الواحد خايف من شراء المستعمل و انت خوفتني من الجديد و الله انا ما عارف اعمل ايه خليني علي الموتوسيكل الدايون الصيني بتاعي اهو مسلك معايا و باخد مراتي الحامل ورايا و حاطط اولادي الأتنين قدامي علي التنك و اهي ماشية و الله كأنها عربية كوبيه مكشوفة بس 2 عجل عموما ربنا معاك و يستر طريقك و ترتاح العربية او ترتاح منها و من بلاويها |
رد: حكايتي مع ( شيفرولية افيو) "وسوء التصنيع"
شادي باشا
انا بجد سعيد بقناعتك ربنا يدمها عليك و يحميك انت و اسرتك امين |
رد: حكايتي مع ( شيفرولية افيو) "وسوء التصنيع"
انا عاوز اعرف رد يوكو علي مهندس بتاع منصور , الراجل بيقول ان المساعدين اتبدلوا لعيب صناعه و TDS اتبدل عيب صناعه و ان ايه تاني معوج و اتبدل لانه عيب صناعه و عادي بقي ما هي في الضمان و كان الشركه اللي بتصنع معندهاش اي لوازم فحص خالص و ماشيين بمبدا " صبع و اقلي" و الله حرام عليه , العربيه غالبا بتبقي حلم للغلابه المصريين و بالدين و الله و كمان فيها بلاوي كتير و 80 الف جنيه يعني رقم كبير مش صغير
|
رد: حكايتي مع ( شيفرولية افيو) "وسوء التصنيع"
ممكن سؤال لو سمحت هو مكان المدير الاقليملى ده فين ؟ علشان عندنا افيو برضه فى مشكله فيها
|
الساعة الآن 07:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017