رد: استفسر عن دهان سيارتك !!!!!!!
انا عندى العربيه 128 هرشها كلها ارش فيلر على الدوكو القديم ولا مينفعش
|
رد: استفسر عن دهان سيارتك !!!!!!!
اقتباس:
السؤال عام جدا واللي يحدد ده الصنايعي يعني العربيه لو مرشوشه بويه دوكو مش فرن قبل كده يبقي لازم تتشال علي الصااج ولو بويه فرن ومفلقه نفس القصه اما لو بويتها القديمه رايقه وبويه فرن فمش لازم تتشال كلها وتكبسها فلر تمام |
رد: استفسر عن دهان سيارتك !!!!!!!
اسف للتأخير الفتره الماضيه للإنشغال المستمر
جاهز لأي استفسار ROSE4U ROSE4U |
رد: استفسر عن دهان سيارتك !!!!!!!
عندي مشكلة غريبة جدا ومش لاقي حل ليها في بعض الالوان بعد ما تترش بيكون الون مظبوط بنسبة 95% في ضوء ال نهار لكن بليل تلاقي اختلاف كبير جدا وملحوظ وكان الرفرف المرشوش مظلم عن باقي السيارة مع العلم اني جربت اكتر من نوع بوية اخرهم اسكينز واكتر من مكان لتدريب الون واكتر من فرن بويه الفرق بيكون بليل واااااضح
من ضمن الالوان دي لون كيا سول مشمشي وكود الون Y1 و اوبترا فضي 9 u و النترا 2006 نبيتي مش فاكر رقمو لو عندك تفسير او حل اكون مدين لك باي طلب تامر بيه وشكرا ع الموضوع الرائع ال محتاج اهل خبرة بجد |
رد: استفسر عن دهان سيارتك !!!!!!!
اقتباس:
بص حضرتك اولا لما بنيجي نعمل لون علي الكمبيوتر بالكود متخدش النسب مسلم بيها وتضربها في بعض ... لأ هنا بقي بتفرق خبره اللي بيضرب اللون سواء البوهيجي او التاجر بتاع الالوان علشان في الوان بتكون داخله بتغير طعم اللون فانت في الحاله دي مش محتاج تضيفها او التضريبه نفسها محتاجه لون مش موجود في نسب اللون الاصليه والدليل علي كلامي هات اي كود من اللي حضرتك ذكرته واضربه في اكتر من براند سبيس هيكر - سكنز - اوميجا - ميدو - جلازوريت هات لاقي كل نوع من دول طالع بدمويه مختلفه عن التاني يعني هنا محتاج واحد خبره وعنيه حساسه علشان تلمس الفرق وتعالجه تاني حاجه بعد الرش تلمع العربيه كلها في بعض بالصاروخ علشان تاكل فرق اللون في البويه القديمه عن الجديده لذلك هتلاقي اتنين تجار الوان جنب بعض واحد زحمه والتاني لأ بالرغم من ان عندهم نفس البويات ونفس السعر بس هنا بتفرق ان في واحد بيضرب اللون صح وواحد بياخد من علي الكمبويتر وخلاص يارب اكون افدتك بس في النهايه السبب ان في لون دخل ضمن التركيبه بوظ الدنيا وسبب تاني افتكرته انا اسف ان لون الفلر ( البطانه ) بتتحكم في دمويه اللون وخصوصا درجات الاحمر والفضي في المتاليكات يعني لو الفلر بتاع العربيه كله رصاصي وجيت في مرمه رشيتها فلر احمر مثلا صعب لون المرمه يظبط مع باقي العربيه |
الساعة الآن 09:55 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017