مصر موتورز مجتمع السيارات - ارشيف الاستراحة 2011

اقتباس:

المشاركة الأصلية كتبت بواسطة sam ram (المشاركة 344848)

يا جماعه الرسومات دي ما بعد السرياليه .... وتتخطى مفهوم انصاف المثقفين اللي زينا
المدام خريجه فنون جميله و لما فرجتها اللوحات الفنيه دي فهمتني كل حاجه
الفن السريالي هو تعبير عن الاحلام او الافكار الا شعوريه
وكل واحد بيشوف اللوحه من خلال الا شعور او عقله الباطن .. لأن الفنان اللي رسم اللوحه رسمها بعقله الباطن
فالمضمون يعبر عن المكنون العاطفي للا وعي للاشكال الخياليه الفراغيه

اما اللوحات العظيمه دي ... فدي تتبع الفن التشكيكي ... و ده مزيج من الفن السريالي اللي قلناه قبل كده .. و الفن التشكيلي ... يعني الاشكال الهندسيه و الطبيعيه
ودي بتعتمد على المتلقي اكتر ما بتعتمد على الفنان اللي رسمها
في البدايه لازم تتفرج على اللوحه من خلال الا شعور او الا وعي ...
يعني متبصش على اللوحه بعينينك ... لا تشوفها بالا شعور .. او بعقلك الباطن
و بعدين تبتدي تستنبط مضمونها ... من خلال التغلغل في معاني الاشكال و الالوان المعبره عن مكنونك الداخلي ...
وتستخرج المعاني المختلفه .. وتشوف هيا بتعبر عن ايه بالظبط من المعاني دي

وساعتها حتبتدي تستنبط المعنى من خلال ...
الشك ...

ازاي

الاول ....
لازم تشك في اللوحه
وبعدين ...
في اللي رسم اللوحه
وفي اللي سمح بعرض اللوحه
وفي الناس اللي بتتفرج على اللوحه
وبعدين في الناس اللي اشترت اللوحه دي ...

وفي الاخر حتشك في نفسك ...
انك ضيعت كل الوقت ده في اللا وعي والا شعور

و بكده تلاقي نفسك بقيت خبير في الفن التشكيكي
:crazyW14:

رابط لمجموعه الاعمال ...
http://www.faroukhosny.com/Art/Paint...2/Default.aspx

انا مع كلام وتوضيح حضرتك ... بس انا عن نفسي بحب الفن السريالي انما التشكيلي السريالي الفاروقي ده مش بفهمه لان مساله الاشعور ديت صعبه انك توصلها وهو لما رسمها كان في حاله الاشعور...ومازلت مصر علي راي ان ده مش فن ...