|
|
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
السلام عليكم عامل ايه يا باشمهندس سيد دخلنا يا باشا علي شدة العربيه 1 سمكره وتغيير الرفرف ب120جنيه وانبوبة سليكون للكبوت ب30 جنيه ومصنعية السمكري 700 جنيه 2 العفشه اتنين مساعدين استيراد ب200 جنيه مقصين ب80 جنيه وحاجه تانيه كده مش فاكرها ب100 جنيه وربط علبة الدريكسيون والمصنعيه 100 جنيه وتنزيل الماتور علشان شغل السمكره والعفشه 150 جنيه مع العلم ان لسه مغير جوان وش السلندر واتكلف 300 جنيه والميكانيكي طمني علي الماتور وقالي ان هو تمام ايه رايك في الاسعار دية يا سيد باشا FLASHCarFLASHCar |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
يعنى الرفرفين بتركيبهم باللحامات كله حسبهولى ب500 جنيه وجوز المساعدين الاستيراد 150 جنيه ورش الرفرفين الجداد مكان اللحامات 50 جنيه اما موضوع وش السلندر انا لسي مغيره من قيمة كام شهر كان عامل 350 جنيه انا شايف انه مبالغ معاك فى المصنعية شوية لان فى واحد تانى كنت ساله وقالى هاخد مصنيعية 250 جنيه بس انا رحت للسمكرى اللى بتعامل معاه وحسبهالى زى ما قلتلك الرفرفين بتركيبهم باللحامات بالمصنعية 500 جنيه |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
بالنسبة لموضوع التكيف ده يتكلف كام تقريبا وينفع على ال1100 ولا لازم 1300 ؟؟ |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
بص بالنسبه لاسعار قطع الغيار كلها فالاسعار كويسه وديه تعتبر متوسط سعر السوق و كله فل بس مصنعية السمكرى هى اللى عالية شوية لانه لو بيشد عربيه 128 كامله هياخد من 1000 ل 1500 (ده المتوسط) بدون تغير الرفارف طبعا فما بالك على الحاجات البسيطه ديه هياخد 700 جنية فده كتير شوية انا بقول اخره اخره 400 بالكتير وعموما لو الراجل ده شغله كويس وله سمعه كويسه خلاص يبقى خليك معاه وكمل معاه للاخر وخلاص بس لو مش تعرفه يبقى حاول تنزل معاه و ربنا يباركلك ان شاء الله و تعملها على خير و مستنين تبقى تصور قبل و بعد وتحط الاسعار وكده علشان الكل يستفاد من تجربتك وربنا يجزيك خير ان شاء الله و رمضان كريم |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
100 100 :010104~171: |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
التكلفة من واحد صحبى فنى تكيفات 2800 شامل كل شىء والنوع ساندن يابانى وعليه ضمان سنه وهيركب عادى على ال 128 عندك بدون ادنى مشاكل بس فيه حاجتين لازم هتعملهم علشان تاخد اقصى استفاده من التكيف الاولى تعزل حوض الماتور عن الصالون لان فعلا وعن تجربه حوض الماتور مفتوح عادى جدا على الصالون وتلاقى هبات النار دخله عليك من التابلوه والثانيه لو مركب مروحة ال 128 هتضطر تبدلها بمروحه قوية زى مروحة الشاهين او مروحة الاوبل وبكده لو ماشى بالعربية فى اكثر الايام حرارة ان شاء الله العربة مش هتسخن منك نهائيا الا طبعا لو عندك مشكله فى اى حاجه تانية وربنا يوفقك للصالح ان شاء الله |
رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)
اقتباس:
شكرا علي ردك بس هو فيه حاجه يا باشا هو قالي هيعيد علي العربيه كلها وكمان الابواب مفارقه برضه هيظبطها والشنطه يعني تقريبا هيعيد علي العربيه كلها عموم هو بدا شغل من النهارده والله المستعان |
| الساعة الآن 07:57 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017