رد: يوميات سيترونتى........ الـ AX
 

مجهود جبااااا
و صبر رهييييب
ما شاء الله
أنا أحييك بشدة

رد: يوميات سيترونتى........ الـ AX
 

شكرا يا فادى باشا ع الكلام الجامد قوى ده بالنسبة لى تقدير وجنى ثمرة تعب
الله يبارك لك
بص يا سعادة الباشا انا كنت حاطت ميزانية لا تتعدى 4000 على اساس الم دوكو وسروجى ةكهرباء(كماليات)زجاج خلفى ووحة رفع والاضاءات الزيادة وكده
لكن وانا شغال لقيت العملية بدات توسع وظهرت من اولها نزلت اجيب شوية كماليات وحبشتكنات (كلام فاضى يعنى) رجعت من غير الباكو تخيل؟؟؟؟
بس جبت حاجات كتير برضه يعنى مش خسارة وفى نفس اليوم الشكمان عملها معايا والعلبة الوسطانية شخشخت(المصفة اتكسرت) قلبت الشكمان كله م الاول للاخر 220 ج ا كانوش فى الحسبان قبلها بأسبوع على طول قولت اشيك على العفشة واظبط صوت طقطقة وعملت حسابى مش هاتعدى 200 بالكتير لاقيتها فتحت فى كبالن ومساعدين وجلب وكاوتش مقصات (وخصوصا ان الراجل اللى بتعامل معاه ما بيحبش يصلح بيغير على طول لانه ورشة ميكانيكا وعفشة بالاضافة لقطع الغيار) المهم القصة وصلت 750ج توتو على كبوتى انا بقى ههههههه
ماطولش عليك صرفت حوالى 6000ج فى الموضوع ده وممكن يزيد كمان 200 او 300ج
لكن الحمد لله الميكانيكا A1 من ساعة ماجبتها مابعملش اكتر من انى اغير زيت وانظف الحوض مش اكتر من كده لذلك ماصرفتش شلن ع الميكانيكا والعفشة برضه ايدى فيها على طول مابخليش اى حاجه حتى تشاور عقلها لكن الغرض من العملية الاخيرة هى التنظيف والترويش وتجديد الصالون على وجه الخصوص
نقطة فك وتركيب دى مش معضلة خالص.....
شوفت ناس افاضل هنا فى المنتدى كانو بيعملوا حاجات كتير بنفسهم فى عربياتهم ويشرحوا اللى عملوه وانا اتعلمت منهم الحكاية كلها انك لما تفك مسمار تفضل فاكر فكيته منين بس (ترتيب التركيب) اوعى تتلخبط ويا سلام لو معاك كاميرا وتصور كل حاجه وهى فى مكانها عشان تبقى الصورة مرجع ليك
ان شاء الله هاتعمل كل حاجه بنفسك وصح كمان على الاقل لو فصصت دواخل العربية وجبتها على الصاج (بدون ماتعمل اى تجديد فى اى حاجه) نظف وركب على نظافة وانت نفسك هاتحس نفس الاحساس المشابه لـ( دش بارد جميل بعد يوم رطوبة وعرق وتراب) تخيل الفيلينج هههههه
اه والله انا كنت متضايق جدا لان كان فيه كميه تراب فى حتت مزنقة استحاله اوصل لها من غير فك الحاجات دى والحمد لله ربنا قدرنى ونفذت اللى فى دماغى
يعيب الموضوع ده حاجتين (محتاج وقت طويل- وواحد يساندك ويسليك)
انا عانيت قوى خلال 15 يوم متواصلين من غياب النقطتين دول كنت لوحدى ومش لاقى حد تى يصور جزء معين وانا بفكة والوقت كان بيعدى هوا وكنت محتاج النهار جدا لانه اوضح فى كل شىء مهما كان نور اللمبه قوى نور ربنا لا يعلى عليه

معلش انا رغيت كتير ووجعت دماغك
واخيرا دى ماكانتش عمره دى كانت حمله نظافة وتطهير ههههههههههه
اتمنى تنفذ اللى انت عايزة وانا فى الخدمة

رد: يوميات سيترونتى........ الـ AX
 

الف شكر يا على بك الكبير على مشاركتك ومرورك الطيبROSE4U

رد: يوميات سيترونتى........ الـ AX
 

فعلا لما تنوي تعمل حاجة ف العربية بتعمل حاجتين
وانا برضه نفس الطريقة اروح مثلا اجيب مسمار ولا لمبة , اقوم جايب فلتر هوا و مساحات و مش عارف ايه
بس كله للمصلحة العامة ^^

امبارح قعدت بتاع ساعتين كدة فى موضوعك الحلو دة
وعندى استعداد اقراه من الاول
وكنت كلمتنى يا باشا اجيلك اسليك واشتغل معاك

ان شاء الله فى الصيف :
لو توفرت فلوس يعني :pod_of_gold:
1. اخلع الموتور وارمي .... و هسقط واحد 3000 جنيه
2. سمكرة ودوكو " يوميات مازداوي ".................. هنافسك :10FEE3~144:
3. نظافة الصالون وشغل كهربا بسيط , نركيب " ستنر انذار وزجاج امامي كهربا , وهفكر فى الخلفي "
4. هظبط الاكصدامين الكاوتش دول .... الامامي بينازع والخلفى ممتاز

يعنى ميزانية كدة بتاع حوالي 6 برضه

رد: يوميات سيترونتى........ الـ AX