المشاركة الأصلية كتبت بواسطة كيلاني (المشاركة 319830)

من كام يوم عقدت العزم علي شراء سيارة تريوس عن طريق الاستاذ سيف وكنت خايف لأني معرفش الاستاذ سيف إلا عن طريق المنتدي .
و صليت استخارة وتوكلت علي الله و قابلت الاستاذ سيف و جاوب بصدر رحب علي كل استفساراتي كما عودنا علي استفسارات التليفون
أما الجديد و اخر ما كنت اتوقعة من تاجر هو أن ينصحني بعدم شراء السيارة و قال لي " شوف الاول حد في منطقتك عندة نفس العربية و اسألة بيصلح فين و قطع الغيار بيجيبها منين خصوصا انك من المنيا واذا لقيته مرتاح في دول تعالي و خد العربية"
ونصحني نصيحة " لو مستعد تدفع 50 أو 55 الف في عربية مستعملة ادفعلك 67 الف و هات لانوس او فيرنا او BYD وانت هاتقسط يعني مش هاتفرق معاك بالعكس المقدم هايقل و مدة القسط هاتذيد عن المستعمل"
كل الشكر و الاحترام للأستاذ سيف و انا اسف علي التاخير لأن الكلام ده فات علية 9 ايام بس الشغل و ظروفة

المشاركة الأصلية كتبت بواسطة عاشق الفولكس (المشاركة 373743)

استاذ سيف انا عاوز من حضرتك الجواب على خدمتين
اولا انا عاوز اجيب تاكسى ابيض لانوس قسط مقدم 10000 جنية ومش معايا نمر يعنى عاوزة بالنمر بكل حاجة فكنت عاوز اعرف هدفع كام قسط علما بانى ضماناتى انى محاسب فى احد الوزارات الحكومية ومفردات مرتبى هتبقى تقريبا 1000 جنية من غير المكافات والحوافز وشقة والدتى تمليك فهيبقى اية النظام ؟؟
اولا صعب المقدم دة خالص لسببين اولا النمر اليوم بتباع كاش وتمنها بيصل من 25 الف الى 30 الف لو مسددة جميع ما عليها
ثانيا لازم ترفع المقدم لان مفيش عربيات اجرى بالمقدم دة خالص حتى لو معاك النمر

ثثانى سؤال : لو انا جيبت عربية قسط مستعملة لانوس مش تاكسى موديل مثلا 2005 هل هيبقى عليها بردك حظر بيع للبنك ولا لا؟؟
اى عربيا قسط بيكون عليها حظر حتى فى المباشر بيكون عليها حظر

مع العلم انى عندى عربية قسط تانية وتبع بنك الاسكان والتعمير فهل هيبقى فى مشكلة لو قدمت لقرض سيارة تانى وانا شغال فى اقساط عربية اخرى
علما بان العربية التانية دى لاخويا مش ليا انا بس انا جايبها باسمى
برجاء سرعة الرد