المشاركة الأصلية كتبت بواسطة dieseltrucker (المشاركة 489801)

خدي عندك نوعية من الستات المتجوزين بيعملوا كده
تحت شعار ايه ده
الراجل مثلا وهوا مروح مرضيش يروح ايده فاضيه عدى على محل فاكهة لقى قدامه مانجه غالية ومانجه رخيصه راح جاي على نفسه وشاري الغالي ومروح
تقوم المدام شاده الارطة لقدام وقايلة ايه ده
مانجه
بكام دي
ب20
ليه ؟
ماهوا كان فيه بنص التمن بس انا اللي مارضيتش
مارضيتش ليه؟ طيب وما فاصلتش ليه ؟ يقولك بعشرين تروح دافع علطول؟
ماهو
كام كيلو دول,؟
اتنين
ليه مكسوف تقوله هات كيلو واحد؟
وبعدين تروح فاتحه الشنطه وتسيب المانجه السليمه كلها وتمسك المستوية اوي او البايظة وتبدأ من تاني
ايه ده؟
ولو مرة حبيت تغير وتجيب حلويات
ايه ده؟
حلويات
انا قولتلك تجيب حلويات؟
لا بس نفسي راحت ليها
انت مش عارف ان العيال ما بياكلوهاش؟
هوا فيه عيال ما بتحبش الحلويات دول عاملني زفه وانا طالع ع السلم
ماهما بياخدوها ويلبعبوبيها ويرموها
وتروح فاتحه علبة الحلويات
ايه ده
فيه ايه
انت اللي اخترت الحلويات دي؟ ولا هوا البياع اللي قالك دي حلوه
بكام دي؟
بخمسين
ايه ده؟
وكتيييييييييير
حاجه ساقعة نازله جديد وقلت تجربها مع العيال ايهده؟
سمك نوع غير المعتاد ويكون غالي ........ايه ده؟
هدوم غاليه عجبتك للاولاد قلت اما تجيبها ...... ايه ده؟
والكارثة الكبيرة
طقم جديد جايبه لنفسك من غير استئذان مابيبقاش ايه ده بس دا بيبقى تحقيقات امن دوله عليا طوارئ
وعشان كده بقول لكل الستات ايه ده؟