مصر موتورز مجتمع السيارات - ارشيف احداث عام 2009

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2009 (https://www.masrmotors.com/vb/showthread.php?t=4611)

رد: 60 ألف ميكروباص جديد بالقاهرة

مبروك لمصر
عقبال الملاكى

رد: ## شيخ الأزهر يجبر طالبة بالإعدادي على خلع النقاب ##

يعنى ايه يا بايو الجملة ديه معلش انا مش بتكلم بشكل شخصى بس عايز اعبر عن رفضى للمبداء نفسة

اقتباس:

ويصلح للمرأة التي تعتزل الدنيا ولا تخرج من منزلها

يعنى واحدة عايزة تعتزل الدنيا وقاعدة فى بيتها هتلبس نقاب ليه اساساً ما هى قاعدة فى البيت !!

وليه متنفعش تكون مدرسة او موظفة او حتى بياعة خضار فى الشارع ليه ؟ ما هى حره مش عايزة تبين وشها هى حره يمكن عندها برص ولا تشنجات بتخليها تغمز للناس يمكن وشها محروق يمكن جميلة ومش عايز تكون فتنة انت مالك هى لو موظفة ولا بياعة خضار حتى ليك عندها ايه غير مصلحتك تاخدها وتمشى

واحدة منتقبة اضطرت تخرج من بيتها تقضى حاجة ولا تزور اهلها ولا حتى اضطرتها الظروف للعمل عايزين تقعدوها فى البيت ليه

طيب بلاش ممكن حد يجاوبنى على السؤال ده
نفترض ان شيخ الازهر صح ميه فى المية وكلامه قبس من الهداية والاصلاح
وانا بقى راجل ماشى على المذهب الهندوفمتواسلامى (اى حاجة مش مهم المهم ان المذهب ده يقضى بشهادة ان لا اله الا الله وان محمد رسول الله وبنقيم الفرائض وكل شىء بس احنا مقتنعين بوجوب (شوف بقول وجوب مش انه سنة ومكرمة ) بوجوب النقاب
هو مذهبى كده اعتقادى كده دماغى كده
هتكفرنى علشان مقتنع بوجوب النقاب
هتهجرنى من البلد
هتجبرنى انى اخلع النقاب عن اهلى

ده انت لو عملت حاجة من دول تبقى خرجت عن الدين والعرف والقانون كمان

يااخى ده العالم بينادى بحرية المثليين وهنا محدش يقدر يرفع عينة فى واحدة رقاصة حتى يقولها انتى رقاصة واطية بالعكس بيقولو احنا بنأدى رسالة ومهنتنا زى الطب وبتروح تحج عادى وتعمل موائد رحمن

فيه ايه يا جماعة هى الدنيا اتقلب حالها للدرجة دى ؟

رد: ## شيخ الأزهر يجبر طالبة بالإعدادي على خلع النقاب ##

برضه بكررها مرة تانية

لافض فوك يا وائل

رد: ## شيخ الأزهر يجبر طالبة بالإعدادي على خلع النقاب ##

اقتباس:

المشاركة الأصلية كتبت بواسطة AboNoRa (المشاركة 83114)

اولا من قال ان الخلاف على النقاب ؟؟ ولا الناس متضايقة علشان النقاب وبس
هو لو كان واحد تانى قال ولا عمل كده مكانش هيبقى خبر اساساً لان اضطهاد المنتقبات والملتزمات فى كل حتة كل يوم وبقى عادى لكن المفزع والموجع ان يكون ده اسلوب الداعية الاكبر والرمز والقدوة ومن هو احد اكابر علماء الازهر حتى ان لم يكن الامام

طب بلاش علشان منزلة العلم الربانى التى لا تعلوها منزلة وبلاش علشان منزلة الازهر وفضل امامتة
خليها علشان انه موظف فى حكومة مدنية ده اسلوب بنى ادم يا اخى ده لو كان مبيض محاره كان اسلوبة هيبقى ارقى من كده

المصيبة فى الفعل المنكر والاسلوب الفظ خاصة ان جاء من شيخ عالم جليل وله مكانه هامة فى المجتمع وصدقونى لو حد فيكم مكان ابو البنت ديه قليل ان مكانش ضربة بالبلغة على سوء ادبه قبل اى شىء

يانهار اسود انا ابعت بنتى منتقبة يقوم ايا كان يقلعها نقابها وينهرها بالشكل ده ويهينها قدام الدنيا كلها ينعل ابو التعليم يا اخى اذا كان كده

لا يا جماعة ديه كده ام الفوضى لما الحقوق والحرمات تنهك بالفظاظة ديه ومن حد فى المكانة ديه يبقى شهيده الحجاب فى اوربا كانت عادى جدا يحصلها كده اذا كان ده تصرف عالم ربانى مع فتاه مسلمة

انا بقى مش عايز اتكلم الا فى الاسلوب والتصرف واحنا مسلمين لا عندنا كهانة ولا عصمة وكل يأخذ منة ويرد وكل يقدح ويجرح ودينا فى علم بس اسمة علم الرجال والثقات وعلم الجرح والتعديل ولا ديه كمان لازم هنتكتم عليها ونحط فى بقنا جزم ونتكلم على النقاب فرض ولا سنة ونسيب الطامة الكبرى

لكن انا هرد سريعاً على بعض التضاربات الواضحة فى حوار الاخوة اللى اتكلمو عن النقاب تحديداً

اولا لازم نفرق بين كون النقاب فرض واجب ام سنة ام عادة فالقول بانة عاده ابتداع لم يسمع به الا حديثاً لكن الخلاف الفقهى كان بين من يقول انه واجب ملزم او انه سنة ومكرمة والاجماع على انه سنة ومكرمة ولا يشترط الوجوب الا من خشية الفتنة

فليه عمالين نجادل فى انه فرض ولازم يا اخى انا مقتنع بالنقاب واحترم كل المنتقبات لكن زوجتى مش منتقبة وابنتى مش هخليها تنتقب الا لو هما حبو ده مش همنعهم برضو

اى انسان متحضر المفروض ميهاجمش النقاب بالعدوانية ديه ويتعامل معاه على انه حرية شخصية وزى ما فيه حدود للحرية الشخصية فيه حدود للانفلات او التطرف

كمان موضوع النقاب فى المعاملات الرسمية ده محسوم من زمان ومفهوم ان اى سيده منتقبة يجوز انها تكشف عن وجهها فى التعاملات الرسمية خاصة لو فيه ست تتولى الشكف عنها وان تعزر تكشفة لرجل لان الغرض من النقاب ليس المنع على الاطلاق كما هو مفهوم فى الحج مثلا
فياريت الناس تفهم ان النقاب مش لازم يكون تزمت وتعنت كما يشاع

واخيرا الناس اللى بتدافع عن التدخل الحكومى فى النقاب ليه مبتطالبش تدخل حكومى فى التعرى برضو ليه مفيش عندنا حملات منظمة من الحكومة زى ما فى دول عربية تشجع الشباب على الاخلاق والفضائل ليه ميقدرش اى ممثل حكومى يتعرض او ينهر واحدة مبالغة فى الانفلات فى اى حته
طبعا ميقدرش والا المنظمات الحقوقية والهيمنة الامريكية هتقصف رقبتة لكن يتجرؤن على المنتقبات !

حسبى الله ونعم الوكيل

اقتباس:

المشاركة الأصلية كتبت بواسطة AboNoRa (المشاركة 83128)

يعنى ايه يا بايو الجملة ديه معلش انا مش بتكلم بشكل شخصى بس عايز اعبر عن رفضى للمبداء نفسة

يعنى واحدة عايزة تعتزل الدنيا وقاعدة فى بيتها هتلبس نقاب ليه اساساً ما هى قاعدة فى البيت !!

وليه متنفعش تكون مدرسة او موظفة او حتى بياعة خضار فى الشارع ليه ؟ ما هى حره مش عايزة تبين وشها هى حره يمكن عندها برص ولا تشنجات بتخليها تغمز للناس يمكن وشها محروق يمكن جميلة ومش عايز تكون فتنة انت مالك هى لو موظفة ولا بياعة خضار حتى ليك عندها ايه غير مصلحتك تاخدها وتمشى

واحدة منتقبة اضطرت تخرج من بيتها تقضى حاجة ولا تزور اهلها ولا حتى اضطرتها الظروف للعمل عايزين تقعدوها فى البيت ليه

طيب بلاش ممكن حد يجاوبنى على السؤال ده
نفترض ان شيخ الازهر صح ميه فى المية وكلامه قبس من الهداية والاصلاح
وانا بقى راجل ماشى على المذهب الهندوفمتواسلامى (اى حاجة مش مهم المهم ان المذهب ده يقضى بشهادة ان لا اله الا الله وان محمد رسول الله وبنقيم الفرائض وكل شىء بس احنا مقتنعين بوجوب (شوف بقول وجوب مش انه سنة ومكرمة ) بوجوب النقاب
هو مذهبى كده اعتقادى كده دماغى كده
هتكفرنى علشان مقتنع بوجوب النقاب
هتهجرنى من البلد
هتجبرنى انى اخلع النقاب عن اهلى

ده انت لو عملت حاجة من دول تبقى خرجت عن الدين والعرف والقانون كمان

يااخى ده العالم بينادى بحرية المثليين وهنا محدش يقدر يرفع عينة فى واحدة رقاصة حتى يقولها انتى رقاصة واطية بالعكس بيقولو احنا بنأدى رسالة ومهنتنا زى الطب وبتروح تحج عادى وتعمل موائد رحمن

فيه ايه يا جماعة هى الدنيا اتقلب حالها للدرجة دى ؟

اقسم بالله يا ابونار اتى مش قادر اكتب اى تعليق بعد كلامك ده الا بارك الله فيك و جزاك الله خيرا

أدعوا اخواني في المنتدى بأن يواجهوا هذه الحملة ، بتكثيف المواضيع المثبته للأخوات فيما يدور حول النقاب

حسبيى الله و نعم الوكيل

رد: ## شيخ الأزهر يجبر طالبة بالإعدادي على خلع النقاب ##

تعليقا على الحدث::من قناة الحكمه الفضائية

إذا كان النقاب عبادة... فلماذا لانعمل بها؟

وإذا كان عادة..فما المشكلة أن يتمسك الناس بعادة طيبة و قد تمسك بها أطهر الناس وهم أزواج النبى صلى الله عليه وسلم و أزواج الصحابة؟

وإذا كان لبسا عاديا اختارته الفتاة بحريتها و إرادتها... فلماذا تمنع منه؟

أليس هذامن الحرية الشخصية؟

وإذا كان محل اختلاف فقهى ..فما وجه الإنكار علي ارتدائه؟

وإذا كان على الفتاة ألا تترك النقاب فى حضرة الفتيات...أليس شيخ الأزهر و الوفد المرافق معه رجالا تحتجب منهم الفتيات؟

وهل هكذا تُشجع الفتيات على الدين فى معاهد الأزهر التى يفترض فيها أن تحمل هم الدين و الدعوة؟

وإذا كانت الفتاة غير جميلة كما أشار الشيخ...فهل يحظر النقاب على غير الجميلات؟

وهل مقدار العلم بالدين يكون بالدرجة الوظيفية؟

وما الأولى بالمنع:ارتداء النقاب أو ارتداء اللبس السافر الذى امتلأت به محلات الملابس وانتشر فى كل مكان؟

وهل صارت أزمة الأمة الآن تنحصر فى الفتيات المنتقبات والمعلمات المنتقبات؟

ولماذا يسمح بارتداء كمامات أنفلونزا الخنازير التى تغطى نصف الوجه بينما يحظر ارتداء النقاب؟

أليس فى الأمر تناقض؟!!!!

رد: 60 ألف ميكروباص جديد بالقاهرة

انا مش فاهم يعنى الميكروباصات الاترامكو اللى شغالة بالاجره النفر بنص جنية ديه هحولوها عربيات جديدة وبالتقسيط كمان هتبقى الاجره كام يعنى

ياناس ديه خدمة عامة فى بلد فيه كثافة سكانية ودخول تحت خط الفقر يبقى ندعم القطاع العام مش نبيع ميكروباصات بالتقسيط نفكر فى مصلحة البنى ادمين مش مصلحة التجار والبنوك وبس

الميكروباصات مش عايزة احلال عايزة دعم وتوفير بدائل بادارة منظمة واشراف حكومى ومرورى حقيقى وحازم قبل الاحلال

رد: ## شيخ الأزهر يجبر طالبة بالإعدادي على خلع النقاب ##

سؤال خطر على بالي حالا
سيد طنطاوي لو كانت البنت دي بنت رئيس الوزارة ولا بنت وزير او رئيس امن الدولة او او او او وهو اكيد اعلم بالدين منها ومن اهلها هل كان هيقولها انا افهم في الدين اكتر منك ومن اللى خلفوكي
ولا هو بيخبط في البنت وخلاص علشان عارف ان المعاهد الازهرية لا يدخلها الان عادة الا ولاد الناس الغلابة

وايه الاسلوب اللى بيكلم بيه البنت ده اسلوب يخرج عن كل قواعد الاسلام في الاخلاق والاداب ويصل لمستوي العربجية

ولو كان النقاب عادة فهي حرة ما دامت لا تضر الاخرين

والله والله والله لو بنتي انا واتعمل فيها زي البنت دي وانا موجود ما كنت اتورعت عن انى اضربه ولو مكنتش موجود كنت هدور عليه علشان اضربه