|
رد: كل ما تريد معرفتة عن زجاج السيارة ( اهداء لأاحلي منتدي )
اقتباس:
ربنا يكرمك علي الكلام الجميل دة شوف يا عمنا المشكلة مش في زجاج جريش ممكن تجيبة من محلات في دمياط وممكن احدد ليك محل عندك - دة مش قضية كبيرة - المشكلة في التركيب نبدأ بالمكان احنا اقرب فرع لجريش بالنسبة ليك في المنصورة و في طنطا و بعدين اسكندرية و لو عايز تروح فرع منهم كلمني علي الرقم دة 01111317744 و هعمل معاك الواجب بس مفيش عندهم تركيب لو هتركب عند تاجر ممكن اقولك علي ملاحظات تاخد بالك منها و التركيب هيكون جيد لو الزجاج جريش و اخدت بالك جدا من الاتي أولا بعض التجار لا يقوم بازالة السليكون القديم حتي لا يضع سليكون جديد بكمية كبيرة و بكدة يوفر معاة لكن الزجاج لا يكون ملصوق بقوة كما ان التركيب لا يكون منتظم و هذا يؤدي الي ( دخول هواء للسيارة - دخول ماء أثناء الغسيل - دخول أتربة للسيارة - يؤثر علي كفاءة التكييف -يجعل صاج السيارة يصدأ - يجعل الزجاج مع المطبات يتعرض لاجهاد و كسر ) لازم تقف و تشوف بنفسك و تطلب منة ازالة السليكون القديم حتي الصاج و لازم تصر علي ذلك ثانيا يقوم بعض التجار ( اغلبهم مش بعضهم بس ) بوضع سليكون ردئ للتوفير مع انة لا يزيل السليكون القديم و هذا السليكون الردئ لا يجف من الداخل و يؤثر علي الصاج و يتفاعل معه و من الخارج يجف بصلابة و يؤثر علي الزجاج يجعلة يتحرك مع المطبات القوية ليخبط في الصاج و مع الاجهاد ينكسر الزجاج التركيب الصحيح بسليكون ( سيكا ) و هذا لا يكون في انبوبة بلاستيك بل يشبة ( كوز اللانشون ) و ملفوف بورق ألومنيوم هو دة الي لازم تصر انة يركب ليك به ثالثا البراكيت و هي قطعة حديد يتم لصقها في الزجاج ليتم تعليق المراية عليها و دي بعض التجار يقوم بلصقها ( بأنبوبتين ) مثل التي يتم لصق الحديد بها بعض خلطهم علي بعض و دي مخصصة للصق السطح الصلب علي آخر صلب و هي تؤدي الي سقوط المراية مع جزء من الزجاج أرجو ان ترفض تماما ان يتم التركيب بها و هناك مادة ( تشبة صابع أمير ) و لكن حجمها أكبر وهي مخصصة للصق الاسطح الصلبة مع اللينة و هذة المادة تتحرك مع المطبات لتمتص الصدمات و لا تجعل الزجاج ينكسر كما أنها قوية جدا لو عايز أي نصائح انا موجود و لو هتروح فرع من فروعنا وعايز تكلمني انا تحت أمرك تقبل خالص تحيتي |
رد: كل ما تريد معرفتة عن زجاج السيارة ( اهداء لأاحلي منتدي )
:140109~347:أستاذ أمير
جزاك الله كل خير على هذا الموضوع الجميل و يسعدنى أن تكون أول مشاركة لى فى هذا المنتدى الرائع ردا على موضوعك |
رد: كل ما تريد معرفتة عن زجاج السيارة ( اهداء لأاحلي منتدي )
اقتباس:
و هذا محل تقدير كبير جدا مع خالص تحيتي |
رد: كل ما تريد معرفتة عن زجاج السيارة ( اهداء لأاحلي منتدي )
عندي سؤال يا استاذ امير لو تكرمت .. توكيل رينو كنت عايز اروح اغير عنده الازاز قالي معنديش الازاز بتاع العربية المستورد وعندي ازاز جريش .. ممكن اعرف ايه الفرق بين لما اشتريه واركبه في التوكيل وبين اني اشتريه واركبه في مصنع جريش في العاشر خاصة اني قريت علي النت ان التوكيلات بتاخد الفرز الاول بتاع المصنع لكن الفرز التاني بيكون للتجار ياريت اعرف راي حضرتك في النقطة دي .. منتظر ردك ان شاء الله :) |
رد: كل ما تريد معرفتة عن زجاج السيارة ( اهداء لأاحلي منتدي )
اقتباس:
فى فرق بين زجاج جريش وزجاج التوكيل ؟ |
رد: كل ما تريد معرفتة عن زجاج السيارة ( اهداء لأاحلي منتدي )
الف شكر على المعلومات القيمةSLAMSLAM
|
رد: كل ما تريد معرفتة عن زجاج السيارة ( اهداء لأاحلي منتدي )
لو سمحت اكد او انفى هذه المعلومه
هل سوف يتم افتتاح فرع لجريش فى السويس قريبا؟ ولك من الف شكر على الموضوع المفيد جزاك الله خيرا |
| الساعة الآن 03:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017