مصر موتورز مجتمع السيارات - اسئلة تهم المبتدئين فى عالم السيارات

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - اسئلة تهم المبتدئين فى عالم السيارات (https://www.masrmotors.com/vb/showthread.php?t=4604)

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة بانوراما* (المشاركة 292269)

اقتباس:
المشاركة الأصلية كتبت بواسطة EgyZizo
طيب أنا من ساعة ما سقت عربيات من كام سنة ، ولازم رجلى الشمال تبقى مريحة على الدبرياش وقريت قريب ان ده غلط على مجموعة الدبرياش ، بس لقيت ان صعب جدا أخلى رجلى بعيد واشيلها واحطها على الدبرياش لما احتاجه بس ، خصوصاً فى الحتت الزحمة .. فشكلى هارجع زى ما اتعلمت .. انتوا بتعملوا ايه؟

نفس السؤال مع الفارق انى مبتدئة

خصوصا فى الزحمة بتعملوا ايه انا بفضل دايسة على الدبرياج و عند التحرك ببطئ برفع رجلى عنه لنقطة الاحتكاك علشان امشى وارجع اضغط علية عند الوقوف

كدة صح ولا غلط وايه الصح

الرجاء الافادة من الاساتذة الكبار وجزاكم الله خيرا

غلط طبعا التحميل على الدبرياج بأى حال من الأحوال

لأن كده الأسطوانه حتبوظ بدرى

وحتحتاجى تعمرى الدبرياج على فترات أقصر من الطبيعى

لأن التحميل بيعنى

جعل قوه مضاده لقوة سوست ديسك الدبرياج

وبيكون الدبرياج كمكونات بين نارين

معشق ومش معشق تعشيق كامل

ومن هنا بيحدث التآكل فى الأسطوانه

ونقصان سمكها

________________________

ماهو الدبرياج أيه

وسيله لنقل القدره الميكانيكيه من المكنه للفتيس

فا

يا يكون معشق كامل ( بترك الدواسه فى حالها )

يايفصل كامل وقت الغيار ( بالضغط على أقصى مشوار الدواسه )

ومينفعش يبقى متحمل عليه

وإلا

حيتعمر بدرى عن ميعاده الطبيعى

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة samirayad (المشاركة 292366)

شكرا لرد حضرتك

طيب السؤال ايه البديل يعنى فى الزحمة لما تكون العربيه بتمشيى خطوتين وتقف شويه نعمل ايه ؟؟
وبنقل على الغيار الاول ولا التانى لان سرعة العربيه طبعا بطيئة جدا ؟؟

رد: اسئلة تهم المبتدئين فى عالم السيارات

اقتباس:

طيب السؤال ايه البديل يعنى فى الزحمة لما تكون العربيه بتمشيى خطوتين وتقف شويه نعمل ايه ؟؟

لا

لو على وضع طاىء زى الزحام الشديد

مع الحركه البطيئه للسياره

حنتحمل الشويه دول

لأن ما باليد حيله

أنا كلامى السابق عن التعود على التحميل على الدواسه حتى مع خلو الطريق من المعوقات القياديه

رد: اسئلة تهم المبتدئين فى عالم السيارات

اقتباس:

المشاركة الأصلية كتبت بواسطة حسام البورسعيدى (المشاركة 292088)

اولا موضوع الكاسيت : اكيد فى حاجة مهزوزة (الفيوز او السلك) وهى اكيد مشكلة بسيطة جدا واى واحد بتاع كاسيتات تروحله هيعملهولك وخليه برضه يثبتلك الكاسيت كويس مكانه ...

بالنسبة للاهتزاز : راجع على قاعدة الفتيس وقواعد الموتور ممكن تكون متاكله ومحتاجة تتغير ..

اما موضوع الصفارة ده غالبا سير الدينامو او سير الباور مرخى ومحتاج يتشد او يتغير (سعره حوالى 15 جنيه) ..

بالنسبة لاخر مشكلة دى فعلا غالبا هتكون مشكلة مارش ويستحسن تروح لواحد متخصص مارش ودينامو (مش اى كهربائى) يصلحهولك وباذن الله بسيطة ..

اتمنى اكون افدتك يا باشا واى سؤال تانى تحت امرك ..

الف الف شكر عالرد يا بورسعيدى ... عموما انا رحت امبارح لكهربائى جنب البيت عندى وقاللى انها مشكلة بطارية عاوزة تتشحن او تتغير مع انها بقالها 9 شهور فقولت اروح الضمان بتاعها احسن واتاكد ولو قالولى سليمة هشوف كهربائى تانى...

الف شكر مرة تانية على نصايحك يا باشا ....ROSE4U