مصر موتورز مجتمع السيارات - شركة قناة السويس للتامين عروض تامين السيارات متميز جدا

مصر موتورز مجتمع السيارات (https://www.masrmotors.com/vb/index.php)

- عالم تأمين السيارات (https://www.masrmotors.com/vb/forumdisplay.php?f=61)

رد: شركة قناة السويس للتامين عرض تامين متميز جداا

لا يا استاذى لا توجد مشكلة ممكن تامن عادى لو فى فترة السماح او تكتب تعهد بانك تجيب الرخصة لما تجدد عادى مافيش مشكلة و تحت امرك

رد: شركة قناة السويس للتامين عرض تامين متميز جداا

هي الرخصه منتهيه في 29-3-2010
يعني حتي شهر السماح خلص

رد: شركة قناة السويس للتامين عرض تامين متميز جداا

ولا يهمك يا باشا عادى برضةنكتب تعهد انك لما تجدد تجيب الرخصة بس لازم تسددها فى الملف على شان يبقى ملفك سليم و هانقول تجيبها فى خلال اسبوع

رد: شركة قناة السويس للتامين عرض تامين متميز جداا

اولا السلام عليكم ورحمة الله وبركاته
ازى حضرك يااستاذ عمرو
ان شاء الله يوم الاحد حستلم انا واتنين من زملائى 3عربيات بروتون ساجا من فرع عز العرب مدينة نصر قيمة كل عربيه 64 الف جنيه وكنا عايزين نأمن عليهم قبل الترخيص وهم مكانهم هناك
العربيات كلها قسط عن طريق بنك NSGB
كنت عايز اسئل حضرتك عن قيمة التامين طبعا بدون تحمل لان غالبا البنك مش حيقبل نسبة تحمل وكنت عايز اعرف حبة معلومات عن
1- اهلاك قطع الغيار
2-نسبة تحمل عند تكرار المطالبه
3-الونش
4- نسبة الهلاك الكلى
5- تكلفة الاخطار
6- هلى كسر الزجاج يعتبر مطالبه
7- هل لابد من عمل محضر عند الحوادث ولا لا
اخيرا بالنسبه للتصليح فى التوكيل هل الحساب بيبقى مباشره بين شركة التامين والتوكيل ولا لأ لانى بصراحه قلقان جدا من موضوع الدفع وبعدين محاسبة شركة التامين بسبب مماطلة الشركات وعدم دفع التعويض الفعلى المستحق والكلام عام وليس خاص
اسف انى طولت عليك ومستنى رد حضرتك
شكراااااااااااااا

رد: شركة قناة السويس للتامين عرض تامين متميز جداا

السلام عليكم و رحمة الله
مبروك اولا على السيارة

1- نسبة الاهلك لقطع الغيار 10% لو فى التوكيل و 3% لو هاتصلح فى قناة السويس لصيانة السيارت و مش هادفعك اهلاك لو هاتصلح فى مراكز معتمدة انا متعاقد معاها

2- عند تكرار المطابة بتبقى 10 %
3- لو هاتودى قناة السويس لصيانة السيارات الونش ب 60 جنية من اى حتة فى مصر و لو هاتصلح فى المراكز المعتمدة و التوكيلات الونش من غير ولا مليم

4- نسبة الهلاك الكلى 50 % من سعر السيارة
5-لا توجد اى تكلفة للاخطار
6- كسر الزجاج مطالبة
7-لو هيبقى التصليح فى قناة السويس لصيانة السيارات المحضر لو التلفيات تعدت 30000 - اما لو التصليح فى اى مكان اخر لو التكليف تعدت 10000

بالنسبة لفتورة التوكيل هية معتمدة بالكامل انت بتدفع الاول و بيطلع شيك ليك لو هاتصلح فى مراكز معتمد متعاقد انا معها مش هاتدفع فلوس

اتمنى انى اكون رديت على حضرتك و ياريت يكون فى تلفون افسرلك بعض الخدمات اكتر شكرا لسؤالك