|
|
رد: أكتوبر ... ذكرى الإنتصار .... و إنتصار الذكرى
أنا رأيى إن إللى إتعمل مهما كان فيه أخطاء و رغم إنه كلفنا ثمن فادح لكن رفع عن كاهل أو أكتاف الجيل إللى تلى حرب أكتوبر و اتفاقية السلام عبء أنا شايف إنه ثقيل جدا جدا إتحمله جيل الستينات علشان تحرير سيناء ، و المفروض إن الأجيال الشابة السورية تتحملة علشان يحروا باقى الجولان (مثلا)
صحيح تحرير سيناء منتقص السيادة و صحيح كان فيه تنازلات كبيرة و صحيح مقدرناش نساعد أى حد تانى بعد كده و خصوصا فلسطين ..... لكن أعتقد إن رأى الناس أيامها و كان رأى حقيقى مش مضروب زى الإستفتاءات إننا عملنا إلى نقدر عليه و حاولنا و حركنا القضية ...... كمان رأى الناس الغلابة أيام مفاوضات السلام و لغاية دلوقتى كمان ضد الحرب . طبعا أنا دخلت موضوع تانى فى المناقشة و هو موضوع إتفاقية السلام . أنا عايز بس أى أب قبل ما يفكر يهاجم النهج السياسى أثناء و بعد الحرب يفكر إذا كان الوضع لازال على ماهو عليه مثلما كان فى نوفمبر 73 و إنه مضطر يبعت ولاده للجبهة علشان استكمال تحرير الأرض و استعادة الكرامة، صحيح القتال شرف و الاستشهاد فوز كبير لكن لو أنا مسئول و أقدر أحقن الدماء ما أحاولش ليه . أنا شايف إن المخطط للحرب و ما بعدها أدى المطلوب منه فى إطار الظروف الدولية فى وقتها ، و شايف إن نتائج المعركة لم نستطيع الاستفادة من كل إيجابياتها مع التأثر بكل سلبياتها ، يعنى أخدنا من القرد (وشه) فقط بالإضافة لزيادة درجات الإنبطاح و الاستسلام فى أوقات كتير ...... كل ده مصاحب بعدم وجود مشروع وطنى لتقليل ذلك الانبطاح و الفكاك من حالة الاستسلام. المهم الموضوع كان بس علشان نحيى فيه ذكرى الحرب و اللى شاركوا فيها و خططوا لها و أخذوا قرارتها . |
رد: أكتوبر ... ذكرى الإنتصار .... و إنتصار الذكرى
اقتباس:
اما عن سؤالك يا صلاح باشا فهو بدون تبديل ادوار يجب على القائد ان يتصرف كقائد يسعى لتحقيق هدف اما ان يجتهد وينجزة او يجتهد ويترك الراية لمن بعده ليتم ما بدأه تقدر تقولى هو ايه الهدف اساسا واتحقق منه ايه وبنسعى لايه مستقبلاً ؟؟ |
رد: أكتوبر ... ذكرى الإنتصار .... و إنتصار الذكرى
استاذ حازم
مش عارف ابدأ معاك منين ........ لكن خلينى ابدأ وارد على كلام حضرتك بهدوء لو انا مكان اى اب فى التوقيت ده اكيد كنت هابعت كل ولادى ولو قدرت اروح معاهم كنت روحت لكن وانت بتحارب مين ؟؟؟ اسرائيل والا امريكا .........امريكا اللى فتحت جسر جوى بينها وبين اسرائيل فى قلب المعركة والدبابات نازلة بالطقم بتاعها بالصواريخ الموجهه زكان معاك مين يساندك ؟؟؟ وكمان سلاحك ومخزونك العسكرى والاسترتيجى على وشك الزوال جولدا مائير صرحت بنفسها وقالت : المصريون على ابواب تل ابيب " اسحق شارون نفسه اعترف ان الثغرة كانت مستنقع دخله ومش عارف يخرج منه لولا قرار وقف اطلاق النار المعركة زاى ماقال عليها السادات الله يرحمه هى معركة لتحرير الارض المصرية وتحريك لقضية ارض فلسطين المنهوبة لانه كله كان واقف بيتفرج عليه وفرحانين بالهبات والمساعدات اللى عمالة تنزل عليهم واولهم الفلسطنين نفسهم اللى كانو اول ناس رافضين لاتفاقية السلام لانها هاتحرمهم من الثروة اللى هبطت عليهم من السما وافتكر حضرتك كده لما ياسر عرفات مات الخناقة اللى حصلت بين سها عرفات مراته وبين محمود عباس ابو مازن على ثروته وبعدين باسو الجزم عشان يا خدو غزة واريحا ومقابلات سرية ومقابلات معلنة وافكرك بتريقة عادل امام على اتفاقية غزة واريحا لما قال عليها " غزوه وريحه " فى مسرحية الزعيم وبالنسبة لاتفاقية السلام كل اللى اقدر اقوله باختصار كلام مناحم بيجين نفسه قبل مايموت لما سأله صحفى امريكى عن رأيه فى اتفاقية السلام وعن اللى قدر يحققه من التطبيع مع المصريين قال : السادات ضحك عليا بورقة .... خد ارضه ومحققتش معاه اى تطبيع وسيبك من اللى بيحصل دلوقتى لان السادات لو كان ربنا رايد انه يمد فى عمره شوية - وعايز حضرتك تراجع قراراته الاقتصادية وقتها مع اللى بيتطبق دلوقتى - هاتقدر تفهم انا عايز اقول ايه |
رد: أكتوبر ... ذكرى الإنتصار .... و إنتصار الذكرى
أنا ح أجيب لكم الخلاصه فى برشامه !
السادات ( الله يرحمه ) اللى حصل منه ومعاه ومعانا ومع اسرائيل كالآتى : طبعآ كل الشعب كان مخنوق وحاسس مش انه مضروب على قفاه وبس ! حاسس انه من غير هدوم ! أو من غير شرف ! وخاصة العسكريين ! زى ناس عايشه فى حاره و معاهم فتوه فاجر داعر ! نازل فيهم ضرب ع القفا وسرقه واغتصاب وماحدش قده لآن معاه أسلحه فتاكه جايه له ببلاش ! وكمان كل العالم اللى ساكنين حوالين الحاره قرايبه وساندينه و فى أى لحظه يدخلوا يهدموا الحاره على اللى فيها ويمنعوا عنها النور والميه والآكل كمان ! جه واحد زى السادات بمساعدة شعبه وجيشه قاموا عاملين خطه على قد امكانياتهم الضعيفه انهم يدوا المفترى ده كام قلم سريع وخاطف بس جامدين علشان يخاف منهم و يسيبهم فى حالهم ! لكن لدهشتهم عندما ضربوه الكام قلم ! قام واقع على الآرض وهمه ماكانش عاملين حسابهم ان ده كان ممكن يحصل وفى نفس الوقت ما كانش معاهم سلاح كافى يدافعوا بيه عن نفسهم أمام قرايبه اللى محوطينهم ! فكتفوه وعملوا اتفاق انه يعيش معاهم فى الحاره على شرط يحترم نفسه وأخدوا منه جزء من البيت اللى احتله ! وقالوا ما يقدر على القدره الا ربنا ! طبعآ قصه و طريقه مش ظريفه اللى أنا حكيت بيها الموقف ! لكن هوه ده اللى حصل ! السادات كانت امكانياته وهدفه هو عبور القناة والاستيلاء على منطقه من سيناء بطول القناه فقط وبعرض 10 كم فقط ! ( يعنى من روكسى لميدان رمسيس ) ! لكن النجاح الباهر لضرية الطيران الآولى والمعارك الباسله التى خاضها أبناء الحاره المذلولين ونفسهم يموتوا بجد بس ننتصر على أولاد القرده والخنازير دول ! كل هذا أغرى القياده على تطوير الهجوم والاندفاع لمسافات أبعد فى عمق سيناء مما أدى الى استهلاك سريع فى الذخيره والمعدات وانتشار القوات ( تخفيف قوتها ) وكمان طبعآ كان فيه خسائر جامده فى جانبنا خاصة بعد تدخل الطيران الآمريكى والجنوب أفريقى! و قد قالها السادات بعد امضاء الاتفاقيه ! ان يوم توقف الحرب كان كل مدفع خلفه 13 خط ذخيره فقط ! الخ الخ ! عمومآ أنا شايف ان اللى حصل وقتها لا يمكن أن يكون أفضل من ذلك ! لكن اللى حصل بعد كده من تهاون من العرب و الحلفاء والعالم كله ! كان لايمكن نقدر نقاومه ! وأخص بالذكر التحيه للشهداء المصريين وبعض الوحدات العربيه التى أبيدت على شط القناه @! كما أخص بالذكر والشكر الملك فيصل رحمة الله عليه والشيخ زايد بن سلطان رحمة الله عليه ! مبسوط ياعم أبوصلاح ؟؟؟ ptmnlo123per195 Dr. Bolbolan ptmnlo123per1127 |
رد: أكتوبر ... ذكرى الإنتصار .... و إنتصار الذكرى
اقتباس:
واذا اجتهد واصاب فله اجران واذا اخطأ فله اجر ........ ومش معنى كده انى بعصم السادات من اى خطأ لانه بشر يصيب ويخطئ لكن خطأه من وجهة نظر البعض ان مرماش البلد فى التهلكة وكان لازم يحارب لاخر جندى مصرى زاى مافى كتير بيطالبو دلوقتى والراجل ظروفه كانت معروفة وكمان كان عارف قدراته كويس فقدر يحقق ياللى عنده اللى يقدر بيه يجيب بقية حقه وحق الباقيين لكن كانو فين الباقيين ........... وقفو يتفرجو ويشجعو الضربة الحلوة وشكرا على كده وتعيش مصر امنا واختنا وحبيبتنا ........ طب يافرحتى وبعدين دا واحد زاى القذافى لما عرف بميعاد الحرب من الاذاعة مش من السادات وكان مدينا ست طيارات عمى ماركة فانتوم من اصل 220 طيارة طلعو الضربة الجوية زعل واتامص وخبط برجليه فى الارض وقال مش لاعب انا عايز طياراتى عاهل الاردن حسين بن زين على رأى عبد الناصر كان الحليف الاول لليهود وكان عايم على وشة الفتة وعلى كل لون يا بتسته والا نسيت هو عمل ايه لما صدام دخل الكويت وربى دقنه وسمى نفسه الشريف حسين عشان يحكم المملكة ياسر عرفات نفسه وباعترافه هو شخصيا مكنش عايز السادات يحارب قال ايه خايف على الفلسطنين فى فلسطين .... طب ازاى ..... يعنى كان واثق فى قدرات الجيش المصرى انه ممكن يدخل تل ابيب والا كان عايز السادات يفضل يحارب لحد لما اليهود يدخلو مصر ويمسكوه هو الحكم بداله حافظ الاسد اول لما لقى الضغط جاى عليه خد ديله فى سنانه وقال يفكيك وساب الحرب وجاب ورا وده اللى خلى السادات يطور من هجوم الجيش ومنها حصلت الثغرة انا باتكلم على اطراف القضية وقتها اما باقى اخوانا العرب كل اللى عملوه قطعو البترول عن امريكا واوربا للضغط عليهم ولما اتزنقنا فى بترول ماحدش قالنا خدو بق واحد بله بيه ريكم والشاه ايران هو الى انقذ الموقف يا عم هاقولك ايه والا ايه والا ايه كل اللى اقدر اقوله فى النهاية كلمة واحد دكتور فلسطينى احسبه من المخلصين لوجه الله قالى واحنا بنتناقش فى موضوع القضية الفلسطينية وقبل ما ياسر عرفات يموت لازم ياسر عرفات يعمل تمثال للسادات وكل يوم الصبح اول لما يصحى يوطى على جزمته ويبوسها ويقوله يارتنى كنت سمعت كلامك الله يرحمك يا سادات ويرحمك يا جمال عاشو مقهورين وماتو مظلومين من اللى حواليهم واللى بعديهم وربنا يهدى العاصى والظالم والمفترى وابن الحرام |
رد: أكتوبر ... ذكرى الإنتصار .... و إنتصار الذكرى
حلوة اوى البرشامة دى يا دكتور
والله جبت المفيد والخلاصة بس حضرتك زعلان منى انا ليه اوى كده :HAPPY_~211: هو انا اللى فتحت الموضوع الله يسامحك يا حازم يا خضر جه ينكش وائل نكشنى انا |
رد: هي وصلت لحد كدة
هى وصلت لكده فعلا ptmnlo123per111حسبنا الله ونعم الوكيل
|
| الساعة الآن 09:09 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017