|
|
رد: صفحات من تاريخ النادى المختلط (نادى الزمالك حالياً)
اكيد النادى الاهلى متفوق فى كل حاجة وادى شوية احصائيات للاهلى
انجازات الفريق المحلية فاز ببطولة الدوري المصري: 35 مرة فاز ببطولة كأس مصر: 35 مرة فاز بكأس السوبر المصري: 4 مرات فاز بكأس السلطان حسن: 7 مرات فاز بدوري القاهرة: 5 مرات فاز بدوري الجمهورية العربية المتحدة: مرة واحدة انجازات الفريق القارية فاز بدوري أبطال أفريقيا :6مرات (1982-1987-2001-2005-2006-2008) فاز ببطولة كأس الكؤوس الإفريقية: 4 مرات (1984 – 1985 -1986 -1993) فاز ببطولة السوبر الإفريقية: 4مرات (2002-2006-2007-2009) فاز بالكأس الافرواسيوي: مرة واحدة (1989) انجازات الفريق الدولية المشاركة في كأس العالم للأندية ثلاث مرات أعوام 2005 و2006 و 2008 وحصل في المرة الثانية علي الميدالية البرونزية. انجازات الفريق العربية البطولة العربية لأبطال الدوري: مرة واحدة (1996) البطولة العربية لأبطال الكأس: مرة واحدة (1995) كأس النخبة العربية: مرتين (1997- 1998) |
رد: صفحات من تاريخ النادى المختلط (نادى الزمالك حالياً)
شكرا يا وائل باشا علي الموضوع و التوضيح
والكبير كبير طبعا والكاس مولع و احنا الي هنطفيه و ان شاء الله الاهلي مع الانتر في نهائي الامارات ( حلم كل الاهلاويه ) |
رد: صفحات من تاريخ النادى المختلط (نادى الزمالك حالياً)
بس الموضوع واخد روح عداوة ليه ؟؟
انا مش عارف .. يعني نسيب ديننا و حياتنا و بلدنا و شغلنا و اصدقاءنا و نقعد نتخانق و نزعق و نشتم في بعض .. ليييييه يعني مش عارف !!! بجد والله حرام الواحد يوفر وقته و فلوسه و عداوته دي لحاجة تستاهل انا زملكاوي .. غير كده مابقولش او ممكن اقول "ان شاء الله الزمالك هيكسب الدوري اللي جاي " انما زمايلي و قرايبي كرهوني في الكورة حتى اللي بلعبها برجلية و والله ما عنت باتفرج على الماتشات |
رد: صفحات من تاريخ النادى المختلط (نادى الزمالك حالياً)
ليه كده يا أبو نورا زعلتني منك الأهلي كبير و بطولات و دوري و كاس وسلطة و بابا غنوج و كل حاجه بس برضه متنكرش ان الزمالك ليه أسلوبه و شخصيته و لعبه الجميل و اللي يمكن بيفوقه في ده الدراويش بس فعلا اللي بيميز الأهلي و أنا كزملكاوي محايد بقولها دايما
اللي بيخلي دايما الأهلي متفوق على الزمالك الروح القتالية الجبارة يعني لما الزمالك جاب الجون في الدقيقة التانية من الماتش فضلت أراقب وشوش اللعيبة الأهلاوية ( أحمد حسن - أبو تريكه - شريف عبد الفضيل -بركات - وائل جمعه ) بصراحه حاجه جامده جدا أيه الإصرار ده و الرغبة في الفوز و تلاقي كل لعيب بيقول جوه نفسه ما ينفعش أخسر و تحترم على العكس بقى بص للزمالك بعد الجون التاني للأهلي مفيش الإصرار اللي عند الأهلي بصراحه و بص للماتشات اللي قبل كده ماتش الكاس من سنتين 4-3 (أسامه حسني ) و ماتشين الدوري و بالذات الأخراني الزمالك كان الأفضل مهاريا و فنيا و هو اللي بيسجل الأول و بشهادة الأهلوية لكن روح الإنتصار و الإصرار عليه هو ده اللي ينقص نادي الزمالك و اللي متوافر بكثرة عند النادي الأهلي بس بصراحه مع حبي الشديد لنادي الزمالك أحب أحيي الأهلي بكل روح رياضية :clapW15: بس كزملكاوي برضه مش هتاخدو الكاس :smileW4: |
رد: صفحات من تاريخ النادى المختلط (نادى الزمالك حالياً)
الله ينور عليك يا بو نورا - المعلومات اللى ذكرتها لم يسبق لى معرفتها من قبل وأكيد إنت تعبت حتى تقوم بتجميع هذه المعلومات ، شكراً لك ، وان شاء الله سوف يلتقى الأهلى والزمالك مرة أخرى فى كأس السوبر لتأكيد أحقية أن الأهلى فوق الجميع ورغم أنف الزملكاوية
|
| الساعة الآن 07:49 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017