المشاركة الأصلية كتبت بواسطة amira2020 (المشاركة 158386)

لو سمحت سكودا فانتازيا الجديدة 2010 اللون عنابى او بتنجانى مش عارفة احددة بصراحة لانة عاجبنى مووووت ولك جزيل الشكر

المشاركة الأصلية كتبت بواسطة خالدخليفة (المشاركة 158015)

معايا نيسان صنى 2008 اعمل فيها ايه بحيث تبقى روشة ووقورة برضه وهل ممكن اركب لها جنط 17 او اكبروبصراحة انا عايز اكبر جنط ممكن يركب علشان اركب كاوتش عريض وهل ده يأثر على ثبات العربية والعربية نبيتى

المشاركة الأصلية كتبت بواسطة ahmedatia2012 (المشاركة 157870)

شوف يا سيدي انا من زمان عايز أسالك علي نوع العربية دية اعمل فيها اية بس محروج من العربية جدا
المهم انا هتشجع و اقولك هيا اية وتحاول تفيدني في تظبطها
نوعها بولونيز 88
المهم انا مزبط المتور و عاملة عامرة و مدهونه ابيض عاجي جديد و العفشة متزبطة و كل حاجة و مركبلها طقم سمعات بيونير جامد
و كنت لسة مغيرلها طقم الكاوتشات و الجنوط بس مش اسبور عاديين يعني
قولي رأيك اعمل معاها اية ؟؟
اية اللي اقدر ازبطة فيها ؟؟؟؟

المشاركة الأصلية كتبت بواسطة s_shekabala (المشاركة 158449)

السلام عليكم
ياباشا اولا بالنسبه للجنط لو عربتك شالت 17 يبقى موز ومتحاولش تكبر اكتر من كدة يعنى خليك فى ال16 او ال17 وبالنسبه للثبات مع تكبير الجنط الثبات هيزيد جدا بس المشكله فى الجنوط الكبيرة انها بتهد العفشه شويه يعنى بتتفكك بسرعه
1: هات الجنط 16 او 17 وريشوا رفيعه وواسعه واصغر قطر للكاوتش ممكن يركب
2:هات الفوانيس الليدات دى
3:اعمل الشبكه الاماميه متفرغه وهى بتتباع جاهزة
4:ركب ديل للشكمان وستاير كبس وممكن فلتر اسبور
5:وكام استيكر حلو كدة بس متكترش يعنى واحد او اتنين
وبس متعملش اى شغل تانى
بس لو فييس ممكن تركب كاميرا او تجيب نيفيجاتور
ومتنساش طقم الصوت حلو وممكن تركب زينون

بص بقا سيبك من شغل الاكصدامات الفلح دى بس اعمل الشبكه اللى فى الصورة بس

http://i931.photobucket.com/albums/a...0004223459.jpg

http://i931.photobucket.com/albums/a...00004223-1.jpg

http://i931.photobucket.com/albums/a...0004223459.jpg

http://i931.photobucket.com/albums/a...51_4491708.jpg


http://i931.photobucket.com/albums/a...5_1854607_.jpg

المشاركة الأصلية كتبت بواسطة s_shekabala (المشاركة 158451)

السلام عليكم
اولا شكرا على المجامله الحلوة دى
وبعدين محروج ليه بس يعنى احنا بنساعد بعض وبعدين انا بحب التحدى
بس بالنسبه لعربيتك يعنى انتا اكيد عارف انها محتاجه سنس فى الشغل ومستحيل تعرف تجيب ليها صور متظبطه
بس نصيحه انك مش شرط انك تاخد فكرة لعربيتك تكون من نفس العربيه او نفس الماركه حتى
بس هقولك تعمل فيها ايه وتابع الموضوع اللى كنت عاملو عن العربيه 132 علشان هتاخد منو افكار كتير

1:ركب جنط كبير وواسع او ادهن الجنط بتاعك اسود مط وهاتلو دبل ووطى العربيه شويتين
2:ركب ديفل نيكل كروم علشان بيكون صوته هادى جدا جدا
3:اعمل الشبكه الاماميه زى الصور اللى فى موضوع العربيه 132 عن طريق قص مستطيل وركب فيه شبكه شلك
4:هات فانوسين لينسيز بتوع بى ام 318 موديل 89
5:اعمل الفوانيس الخلفيه اسموك عن طريق رشها اسود مط
6:ظبط عربيتك من جوا يعنى طقم صوت فرش لونين وفاميه خفيف جدا

وتابع موضوع العربيه ال132 السابق بأهتمام وخد افكارة واتعامل اكن عربيتك دى 132
وشكرا