مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 681051)

والله يا استاذ سيد اشتريت كل حاجه بالحرف وهو فرنساوي ومن واحد الناس كلها بتشتري منه بس معرفش قل معايا ليه علي العموم همشي بيه شهر كده وهبقي اغيره ان شاء الله

عندي سؤال بالمره مؤشر الحراره فالنص باالظبط واللمبه تطفي وتولع وهوه برضه فالنص فتقريبا الحراره ثابته ولا بتقل ولا بتزيد ولو زادت حاجه بسيكطه قوي ممكن يكون بيتهيقلي كمان بس عيل الطبيعي انها تكون فالنص كده ولا ايه وامتي ابقي فخطر بالظبط

ما انا قولتلك ماتجبش الفرنساوى قولت هات الانجليزى الفرنساوى كله دلوقت مضرووب خلاص بالنسبه بقى لمؤشر الحرارة فده الطبيعى بتاعه انه يبقى فى النص لان ديه درجة حرق البنزين الامثل وطول ما هى فى النص متقلقش من حاجه اهم حاجه المؤشر ميقربش من المنطقه الحمرا وكدا العربيه بتاعتك طبيعية جدا الحمد لله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

يانهار ابيض العلبه كانت زرقا فانا قلت اكيد ديه الي انت تقصدها هغيرها ان شاء الله وابقي طمنا علي امتحاناتك يا باشا

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اولا شكرا على الموضوع الجميل دا
انا عندى عربية 128 وفى يوم بدور العربية واتحرك ملقتش فرامل وكنت بسمع نفس لما ادوس على الفرامل واحد قلى السيرفو فكيته وغيرتله الطقية وكام اولسية لكن الموضوع زى ماهو مفيش فرامل طيب اعمل ايه تانى معلش انا بحب اعمل الشغل بنفسى دى هوايه عندى وشكراSPAGETY

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

قبل اي حاجه اشكر كل القائمين علي هذا الموضوع المفيد
:Wkiss5::Wkiss5::Wkiss5:

الحمد لله ربنا ةكرمني واشتريت 128 1300 موديل 90
ب16000الف بس فيه ناس كتيير قالتلي ان هي غاليه
المشكله ان العربيه كل ما تيجي تطلع بيها العربيه مبتقومش بسرعه والمارش يفضل شغال لغاية ما البطاريه تنام
المهم هنوديها لكهربائي علشان يشوف الدينامو (هل ممكن يكون بسبب ان انا لسه السواقه مش تمام؟)
في ميكانيكي شاف العربيه وقالي ان العربيه بتترج جامد وهي طالعه وقالي ان ده بسبب الشاسيه فيه شروخات وممكن توسع بس قالي اتعلم عليها وبدع كده نبقي نغيرلك فردتين الشاسيه الاماميين
وقالي ان فردتين الشاسيه الاماميين عايزين يتغيروا وهيخشلهم في حوالي900 جنيه بالسمكره

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة beshay (المشاركة 683789)

الله يخليك على زوقك وان شاء الله نعمل كل اللى يرضى ربنا ثم الناس باذن الله
بص يا اخى معنى ان مفيش فرامل يتلخص فى الاتى

1: السيرفو بايظ
2:ماستر الفرامل بايظ مع العلم تغير الطقية ليه حل غير عملى نهائيا وكانك معملتش حاجه ولازم تغير الماستر
3:فيه تسريب فى دورة الفرامل

وفى الاغلب لو حضرتك غيرت الماستر بواحد نضيف هتلاقى الفرامل اشتغلت زى الفل بس لازم تتأكد من عدم وجود تسريب لزيت الفرامل ولازم بعد ما تغير الماستر تحط زيت فرامل جديد وان شاء الله هتبقى تمام باذن الله ومستنى تقولنا عملت ايه
اخوك فى الله سيد