مصر موتورز مجتمع السيارات - رابطه ( قول معاك كام و انا اقولك تجيب ايه بفلوسك )

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - رابطه ( قول معاك كام و انا اقولك تجيب ايه بفلوسك ) (https://www.masrmotors.com/vb/showthread.php?t=64821)

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة midoimc (المشاركة 504903)

معايا من 60 الي 65 الف ممكن يجيبولي ايه واوتوماتك ولا مانيول وهل فيهم لانسر وابترا ولا لأ ياريت يكون في انواع عربيات كتيره ومترتبه من الاحسن للأقل...اسف علي الإطاله

اولا بالنسبه للزيرو انا هتكلم صينى و كله لانى معرفش مزاجك ايه و فى الاخر نقرر بقى
المهم
عندك اسبيرانزا a516 فول اوبشنز تكيف تاتش
الدركسيون الجديد ب 56 الف مانوال

ده بالنسبه للزيرو بالتمن ده

مستعمل بقى
هيونداى ماتريكس 2005 الى 2006 اوتوماتيك او مانوال بنفس السعر

كمان عندك نيو اكسنت الشكل الجديد مش الrb يعنى من موديل 2006 الى 2008اوتوماتيك او مانوال بنفس السعر

كمان عندك ميتسوبيشى لانسر بومه من موديل 2004 الى 2007 بنفس التمن كله و كمان اختار على مزاجك مانوال ولا اوتوماتيك
النه بنفس السعر برده
فى كمان اكسبلوجن صينى الشكل الجديد 2011 اوتوماتيك ب 66 الف
و فى برده دايهاتسو تريوس 2002 اوتوماتيك ب 58 الف

كمان عندك رينو لوجان 2011 كسر الزيرو من 61 الى 65 الف

مش هقولك بقى اوبترا المبلغ يجيب اه بس بلاش منها انا كاتب موديلات انظف بكتير منها
و مشاكلها كتيره الاوبترا حلاوتها و هى لسه زيرو

بالنسبه للترتيب
انا مش عارف انت عاوز هاتشباك زى الماتريكس و لا ايه

انا هرتبهم من وجهة نظرى
هيونداى نيو اكسنت
رينو لوجان
هيونداى ماتريكس
لانسر بومه
ديهاستو تريوس
اكسبلوجن صينى

مقولتش الاسبيرانزا لانك لو هتجيب زيرو مفيش تفكير على طول على المعرض

كل سنه و انت طيب
عيد سعيد و لو فى اى استفسار انا تحت امرك

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة elbaz456 (المشاركة 504969)

from 35000 to 42000
must be 1000cc , hatchback
Polo 2000

بص حضرتك افتح الصفحه دى عليها بولو زى ما انت عاوز مستعمل بالهبل
دور على انسب حاجه و انظف حاجه فيهم

كنت هقولك على حاجات تانى بس انت قايل 100 سىسى بس

بالله عليك نتكلم عربى بس
بلاش انجليزى
احنا مش فى امريكا
هههههههههههههههههههه

كل سنه وا نت طيب
عيد سعيد

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة yahiaashraf (المشاركة 505111)

طب معلش لو بتقل عليك
لو ياريت معلومات اكتر عن البولو2001
من حيث امكانياتها وقطع غيارها ومدى توافرها
وسعرها فى السوق كام
وطبعك يهمنى فى المقام الاول رايك الشخصى
وشكرا على اهتمامك يا كبير

رد: رابطه ( قول معاك كام و انا اقولك تجيب ايه بفلوسك )

اقتباس:

المشاركة الأصلية كتبت بواسطة yahiaashraf (المشاركة 505110)

اولا متشكر علي الرد السريع وكل سنه وانتا طيب

انا مواصفات العربيه اللي انا عايزها بالسعر دا تكون واسعه "عائليه يعني" مش بتهلك بنزين ومامشيتش كتير وقطع غيارعا في الحنين واتوماتيك او مانيول مش هاتفرق كتير بس يكون فيها الاساسيات دي

رد: رابطه ( قول معاك كام و انا اقولك تجيب ايه بفلوسك )

السلام عليكم ورحمة الله وبركاته
اولا انا سعيد جدا ان ممكن يكون فى حد بيحاول يساعد الناس لوجه الله وده تطبيق صريح لحديث سيدنا محمد صلى الله عليه وسلم ( ان الله فى عون العبد مادام العبد فى عون اخيه) صدق رسول الله
ثانيا فى الحقيقه انا المبلغ اللى معايا مش كبير يعنى فى حدود 14.000 الى 15.000 جنيه وكنت حابب انى اركب عربيه تكون كويسه وقطع غيارها موجوده ورخيصه فى حدود المبلغ الصغير ده. انا شوفت 128 ومعجبتنيش والناس كلها بتقول انها مش كويسه وكمان شوفت 132 2000 سىسى وديه عجبتنى جدا بس للاسف انها بتستهلك بنزين كتير بس قلولى انى ممكن اغير موتور او اركب غاز مع العلم انى المبلغ اللى موجود ده مفيش غيره
ثالثا فى حالة تغير الموتور سعره هيكون كام ولو هركب غاز سعره كام وهو لسه فى تقسيط ولا لا.
الرجاء الرد شاكرين فضل سيدتكم