رد: رابطه مالكي بيجو 305
 

السلام عليكم
كان عندي مشكله في عداد الينزين مش شغال, فروحت لكهربائي فك العوامه وقالي انها بايظه ولازم تتغير المهم بعد عده محاولات علشان اجيب واحده زيها جبت واحده وركبتها ولكن وهو بيركبها رمى شويه حاجات وقالي دي ملهاش لزمه المهم بعد ما ركبت روحت ازود بنزين واذا بالبنزين كله بيقع على الارض لما رجعتله فكها وركب قطعه من اللي رماهم واللي كانت جوه الشنطه اظن في قطعه تانيه رماها بره في الشارع ومالقتهاش, غالبا ده جلده علشان ما يسربش

حاليا العربيه كل ما ازود بنزين لازم شويه يقعوا في الارض, وبعد ما افول طول ما انا ماشي العربيه بتسرب بنزين وده غير ان البنزين بيخلص بسرعه خطر جدا ممكن اي حد معدي بسيجاره ولا حاجه يولع فيها, بالاضافه الى ان صدري وجعني من ريحه البنزين المستمره. روحت لواحد تاني قالي لازم تجيب الجلد الناقص ده علشان نركبه ولما مالقتهوش قولت اجرب السليكون فجبت سليكون حراري وغطيت الغطاء بالكامل بس مفيش فايده بتسرب برضو, فكيته وحطيت عجينه اسمها عجينه السباك ودي المفروض بتدعكها وتسد بيها الفتحات وهي ضد المياه والبنزين بس مش عمليه في المنطقه المعقده دي وبتنشف بسرعه ومش عارف اركبها واظنها ملهاش لزمه.

مفيش حد عنده حل للموضوع ده اي فكره مفيده لاني تعبت جدا ومفيش فايده.
وانا بفكر دلوقتي اصب عليها جبس واسمنت تعتقدوا ده ينفع ولا هيذوب بسبب البنزين ويسرب برضو ؟

رد: رابطه مالكي بيجو 305
 

اخى الكريم مشكلتك انك بتحط معجون من على وش فلانشة العوامة وبتتجاهل المشكلة وهى انك تعمل جوان جلد مابين الفلانشة وجسم الخزان بكدة حتريح نفسك من ريحة البنزين :Bravo:

رد: رابطه مالكي بيجو 305
 

السلام عليكم
انا ناوى اشترى بيجو 305 لأنها بصراحة داخلة دماغى أوى
بس كنت عاوز أستفسر عن كام حاجة كدا

هل ممكن أنى أركب عليها ماتور و كبالن 405 او 406 و لا هيكون صعب
الفكرة أنى بسافر كتير

أرجوا الرد لأن دى هتكون أول بختى

و عذراً على الأطالة
:GROWIN~12:

رد: رابطه مالكي بيجو 305
 

هو الموضوع اتقفل ولا ايه يا جماعة مفيش رد لأكثر من شهر ونصف

رد: رابطه مالكي بيجو 305
 

وعدد صفحات الموضوع كان أكثر من 33 صفحة ودلوقتي أصبح 16 صفحة لفترة طويلة علي كده أرجو الإيضاح من المشرف ولك جزيل الشكر

رد: رابطه مالكي بيجو 305
 

السلام عليكم
بجد فكرة الرابطة دى فكرة كويسه جدا فعلا تسهل على كل ممتلكى 305 فى كل شئمن حيث قطع الغيار والميكانيكيه وغيرة
المهم انا دخلت فى طائفة ممتلكى 305منذ شهر تقريبا واريد ان اعرف كل شئ عنها من حيث قطع الغيار واسعارها
وايضا اريد ان اعرف منكم اذا ارديت ان اقوم بعمل سمكرة كاملة للسيارة ودوكو اريد ان اعرف منكن التكلفة
انا معى سيارة موديل 79 هيا تحتاج الى تابلوه بالنسبه للاسعار تختلف من شخص لاخر سألت واحد قال لى 750 والثانى قال لى 1000 من الواضح ان اسعار قطع الغيار الاستياراد بالنسبة 305 ليس لها سعر موحد

واريد ان اعرف منكم اذا اردت ان اغير الدركسيون لبور هل سيكون جيد ام الافض ان تبقى
على حالها
:coptic_Egypt:

رد: رابطه مالكي بيجو 305