|
رد: تقرير حقيقي عن جراندتيريوس
شكرا يا ابو حميد على الافادة و دايما بلغنا باخر الأخبار و متشكر على ذوقك
|
رد: تقرير حقيقي عن جراندتيريوس
ربنا يعطيك خيرها ويكفيك شرها والموضوع يستاهل التثبيت هو جميل
بس ليا استفسار حضرتك قولت ان العربيه وزنها طن ونص فاضيه وانها دفع ثنائى خلفى وان سرعتها 1500 سى سى .. طب ازاى العربيه دى بتسحب ده كده مفيش عزم خالص ولا ايه !!! ياريت تشرحلى وشكرا |
رد: تقرير حقيقي عن جراندتيريوس
اقتباس:
بالنسبه لأداء السياره فهى مذوده بمحرك طرازه 3SZ VE من اربع اسطوانات In line وتبلغ سعته 1.5 لتر ( تحديداً 1495 سى سى ) وهذا المحرك الاقتصادى ( الذى يستهلك يولد قوه تصل الى 115 حصان عند 6000 د / د ويولد عزم لى يصل الى 141 نيوتن متر عند 4400 د / د ومتوفر بناقل حركه يدوى من 5 سرعات اماميه مع تكنولوجيا DVVT التحكم فى توقيت الصمامات ونظام حقن الوقود بها دايركت انجكشين وهذا المحرك مذود بعدد 2 عامود كامات يعنى توين كام والشئ الذى ادهشنى هو ان هذا المحرك يستطيع السير مسافة 100 كلم بحوالى 8.1 لتر وقود وقد تأكدت من هذه المعلومه وتتوفر هذه السياره بنظام دفع ثنائى امامى اما الوزن فهو 1170 كيلوجرام الشئ الجميل ان اليابانيين متفوقيين فهم يعلمون وزن السياره والملائم لسحبها |
رد: تقرير حقيقي عن جراندتيريوس
اقتباس:
كل ده جميل جدا وينفع كمان يتحط فى اعلان فى الجرايد بجد انت ممتاز فى الشرح والعرض....بس برضه السؤال عزم المتور من خلال تجربتك شايف ايه انا بصراحه هجيبها الشهر الجاى ...وبقارن بينها وبين الخمسه راكب |
رد: تقرير حقيقي عن جراندتيريوس
اقتباس:
هههههههههههه حلوه تخيل اني بحثت في المواقع لاجد لك هذه المقاله لتتعرف علي خصائص تقنيه العربيه0 المهم الجراند والتيريوس الفرق الاساسي بينهم نقطتين مهمين وهما علي حسب احتياجاتك الاولي ان الجراند 7 راكب وذات حجم اكبر فهل عدد ركابك كتير حتي تحتاج هذا الحجم---ده انت بس تقدر تحدده الثانيه ان التيريوس ال5 راكب ذات دفع رباعي فهل انت تحتاج هذا الاوبشن في تحركاتك---ده انت اللي تقدر تحدده0000انت فقط وعليه اقدر اقولك الدايهاتسو يعتبر ارخص فئه يابانيه اشتري دي او دي علي حسب احتياجك وتوكل علي الله نقطه اخيره انا مش فاهم ماذا تقصد بعزم الموتور انا بسافر بالعربيه القاهره وبوصل بيها لل 130 كيلوساعه وطبعا في داخل البلد انت شايف الدنيا فاضيه ازاي هههههههههه طيب انا مش عارف ايه عزم 00هي اليابان حاتركب موتور علي هيكل سياره ميعرفش يجرها برضه ده كلام طبعا مش ممكن دي سياره معتمده القياسات الاوروبيه نقول ايه معرفش |
رد: تقرير حقيقي عن جراندتيريوس
ههههههههههههههههههههههههه ههههههههه
ماشى يا جميل انا فهمتك ..يبقى كده الكلام هيكون على الخمسه ال 4*4 وشكرا كتييييييير ليك يا قمر |
رد: تقرير حقيقي عن جراندتيريوس
أحب أفيد الكل بأن السيارة ضمانها إنتهي ، من شهر تقريبا والحمد لله الأداء طيب ، رغم الطرق المكسرة ، والإكصدام الأمامي ريح شويه ، ودعامات الإكصدام الداخلية اللي قدام الردياتير لقيتهـا سايبه وربطها بنفسي تاني ، ووجدت بعض الكلبسات الأمامية مكسرة وبإذن الله هغيرها وهحاول أرجع الإكصدار لمكانه تاني ، بس طبعا السبب أن واحد إبن حلال ف إشارة وقف مرة واحده ودخلت فيه من الوراء ، وسيارته صني 2010 لكن الحمد لله سيارتة مجراش فيها حاجة وعندي اللوحة إتكرمشت هههههه ، والإكصدام ريح كما قولت سابقا. شكــرا لكم جميعـــا |
الساعة الآن 04:35 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017