رد: رابطة ملاك القوية فيات 125 لتبادل المعلومات ؟
 

يا سلام يا ادمير
بتجيب حاجات رهيبه
تعرف ان لوحه العدادات دي كنت شاريها في ال 125 اللي كانت عندي
سنه 2003 مع اخر تجديد قبل ما ابيعها
كنت هموت و اركب لها RBM و مره و انا في الوكاله
لقيت كذا تابلوه عدادات من دول قدامي
اللي بساعه و اللي ب RBM و اللي فاضي
و كان فيه كميه لمبات غريبه
المهم اخوك لقي واحد منهم ب RBM
بس كان من غير مؤشر :)
ههههههههههههههههههه
كان بلمبات لونها اخضر و اخر تلات لمبات لونهم احمر
كل ما تدوس علي البنزين تلاقي لمبه خضرا نورت :)
ياااااااااااااااااااه فكرتني بالعداد دا كان الكل موهوم منه
كل ما تدوس بنزين تلاقي اللمبات بتنور ورا بعض في منظر رائع
بجد فكرتني بايام حلوه و عمال افتكر مدي الانبهار و الدهشه مني و من الكهربائي و من كل اللي شاف العداد دا
كان فيه لمبه لحزام الامان و لمبه لفوانيس الشبوره و لمبه لزيت الباكم و لمبه للاشارات و لمبه للتحذير لونها احمر و فيها مثلث زي بتاع ال132 و لمبه للزجاج الحراري و لمبه للشفاط
كان حوالي 12 لمبه في صفين جنب بعض بخلاف لمبه البنزين علي اخر نقطه في عداد البنزين نفسه و لونها اصفر
و دا كانت احلي حاجه عجباني لان لمبه العداد القديم كان لونها احمر و كبيييييره اووي
و لما تنور بتبقي موجهه في وش السائق و اللي جاي في وشك يشوف وشك لونه احمر هههههههههههههههههههه
الغريب بقي اني شغلت كل اللمبات دي حتي لمبه حزام الامان
جبت احزمه امان جديده و اخدت حزام السائق و نزلت ادور علي قفل كهربا يركب في التوكه بتاع الحزام لحد ما دوخت و لقيتها دا غير فوانيس الشبوره المستطيله تحت الاكصدام علشان بس اشغل اللمبه في التابلوه !!!!!!!!!
عموما لي مشاركه تانيه اشرح كل حاجه عملتها في العربيه دي من الالف للياء

رد: رابطة ملاك القوية فيات 125 لتبادل المعلومات ؟
 

http://www.masrmotors.com/vb/showpos...&postcount=105
:Wkiss5::Wkiss5::Wkiss5:: Wkiss5::Wkiss5::Wkiss5:

رد: رابطة ملاك القوية فيات 125 لتبادل المعلومات ؟
 

وقطع الغيار اخبارها ايه والماتور بيحتاج عمرة كل كام سنة وهل 125 الايطالى افضل ولا البولندى

محل الشيخ لقطع غيار السيارات الاستيراد !!!!!!
 

hazem_khidr
يتفضل بالاجابة !!!
محل الشيخ لقطع غيار السيارات الاستيراد
موبايل رقم / 0181349010
الهرم محطه حسن محمد بجوار بنزينه موبيل ش ترسا

:GROWIN~12::GROWIN~12::GR OWIN~12::GROWIN~12:

رد: محل الشيخ لقطع غيار السيارات الاستيراد !!!!!!
 

125 الايطالي افضل من البولندي لكن قدم ال 125 الايطالي يخليك من الصعب تلاقي منها عربيه نضيفه علاوه علي ندره قطع غيارها الاستيراد زي الشبكه و التابلوه ...الخ الخ
لكن لو لقيت منها عربيه نضيفه توكل علي الله اهم حاجه تكون اكسسوارتها سليمه
اما بالنسبه للموتور و الات الجر و العفش لاتقلق لانها كلها 132 و متوفره
ال 125 موتورها خشن و انا كان معايا واحده و مغير فيها موتور 132 و مغير التابلوه لتابلوه بولندي فقط لكن موديل عالي
بالنسبه لعمره الموتور لو حافظت عليها ممكن يعيش 4 سنين او اكتر كمان
بس العمره تكون معموله صح
اهم حاجه في ال 125 ركب المقصات تكون سليمه و شاسيهات العربيه
لو دول مظبوطين يبقي 90% من عفشه العربيه هتكون مظبوطه و مش هتتعبك
سواء ايطالي او بولندي