المشاركة الأصلية كتبت بواسطة amrmaismail (المشاركة 366407)

فعلا انا اتمني ان المهندس فريد يرد عالتساؤلات حتي لو بتشخيص مبدأي علشان الناس كلها تستفيد وتكون ايجاباته مرجع لاي حد بيدور علي مشكله
وطبعا هو مشكور عالكشف المجاني لاي حد والراجل ما بيتأخرش ... مره كلمته في التليفون وماتأخرش خالص الصراحه ... لكن برده الواحد يفضل انه يرد كتابةً علشان الفايده تعم الجميع

المشاركة الأصلية كتبت بواسطة AhmedDiafa (المشاركة 384243)

سوال سريع للاستاذ فريد
بحس ان العربية بتجيب هواء ساخن من فتحات التكييف وكمان بحس ان الكهرباء في العربية مش مظبوطة وكنت عايز اسال علي مفتاح الزجاج الكهربائي مش لاقيه في السوق خالص هل له بديل ؟
العربية ستيروين C3

المشاركة الأصلية كتبت بواسطة صحبة خير (المشاركة 418183)

مكان حضرتك فين ربنا يباركلك انا عندى بقى كذا مشكله بس محتاجه حد يكون بيفهم فى السيتروين انا معايا سيتروين ax موديل 96 وطبعا عندى مشاكل كتير واكيد مفيش غير حضرتك تقدر تحلهالى يا باشا ربنا يبارك فيك لانك لو ظبطلى العربيه حكون اسعد واحده فى الدنيا من كتر المشاكل الى بتظهر مره واحده مبقتش اعرف اعمل ايه ولا اروح لمين اقول لحضرتك حاجه منها اولا انا حسى ان كهربة العربيه كلها بالكامل مش مظبوطه مره الكهربه ولعت منى العربيه وتقريبا على كلام الكهربائى الى لصملى الاسلاك وكده طبعا خطر عليا الان انه قالى انها حرقة مفتاح الكشافات الى بيعلى وبيبطء وبيفتح النور الصغير ده اول مشكله يعنى شكلى محتاجه اعادة كهرباء للعربيه بالكامل ثانيا بقى محتاجه اكشف عليها لان السحب قل مره واحده بطريقه فظيعه لدرجة انى بقيت حسى انى ماشيه بمتوسكل مش عربيه مع العلم انها كانت سريعه جدا وخفيفه الان بقت تقيله الدواسه بتاعت البانزين مع العلم انى اخر مره اروح للميكانيكى نزلى الفتيس لان المسامير كانت مكسوره فيه وظبطلى العصايه بقت الغيارات سهله وغيرلى الاسطوانه والدسك بس غيرهوملى مستعملين لانى اكتشفت ان الى بعلى العربيه الله يخرب بيته يا رب زى ما خرب بيتى بالكامل بسبب العربيه دى كونت محتاجه اغير قاعدة الفتيس غيرتها وكمان غيرت قاعدة الماتور وغيرت الاسطوانه والدسك مستعملين لانى كونت خلاص فلست وقتها يعنى العربيه عايزا تغير كهرباء بالكامل وكمان عايزا اشغل العداد لانه مفهوش الوير الى هو سلك السرعه عايزا واحد اعرف بس مكان حضرتك فين لانى حبقى جيالك من مدينة الشروق طريق مصر اسماعليه الصحراوى واعمل حسابى على كام تقريبا تكلفه انا اسفه طبعا انى بسألك لاكن انا حبى اعرف علشان لما اجبهالك واسبها ابقى عامله حسابى وانا متشكره جدا انك حتقرأ كل ده

المشاركة الأصلية كتبت بواسطة islam24101973 (المشاركة 422263)

السلام عليكم ورحمه الله وبركاته
عندي سؤال خاص بستروين ax
هل من الممكن تركيب موتور الاكسارا 1600 علي ax 1400 وان لم يكن ممكن
وهل يمكن تركيب سكاترا باور ل ax او جعلها باور بأي شكل
وشكرا
اسلام